Luka 18:13 - Nyaa Shɔɔ Ɓɔɔ Laa a Ɓɛɛ

¹³ “A zang ɓɔɔ ta saka tipi shii ɓi nɛɛ nɔng beebang, kasɛ nɛɛ wu wisi jĩng paa kpang tingkiring. A nyɔ naa ka danggn, nwang kaa naa ɓɔɔ zi vuu shi kpang ɓɔɔ wu palɛ tɔ ɓɛɛ. A gàa Laa tɔɔ, ‘Gn mɛɛ wu kɔng mɔɔ jong Laa, n m zang ɓɔɔ palɛ vuu shi kpang ɓɛɛ.’

Luka 18:13 ပူးပေါင်းရင်းမြစ်များ

Matiyu 10:3

nɛɛ Filibu, nɛɛ Batolomi, nɛɛ Tooma, nɛɛ Matiyu ɓɔɔ ta saka tipi ɓɛɛ, nɛɛ Yakub jaa Alifaya, nɛɛ Tadayu,

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Matiyu 9:13

Nɔɔ kãa dĩiri yèé Laa ɓɔɔ kɔɔyi tɔɔ, ‘N kasɛ m ruu vuu vaa ɓɔɔ zang dɔɔ m kpang, n kasɛ nɛɛ gn zɔɔ wu kɔng nɔɔ katɔ kɔ jong.’ N arɛ, nɛɛ n naa ɓaa nyaa ka zang tɔ̃ɔ nɛɛ ri kɔ̃sɔ yeti ɓarɛ kpang. N arɛ nɛɛ n naa ɓaa nyaa m ka zang ɓɔɔ ri palɛ vuu shi kpang ɓɛɛ.”

Maraku 11:25

Nɔɔ nɛɛ seepaa tɔ nɛɛ nɔɔ gaa Laa, nɔɔ yàá zang ɓɔɔ palɛ nɔɔ vuu shi kpang gbalang katɔ. Tɔ̀ɔ, Daa manɛ Kpanti Laa ɓɔɔ ka lapa, wu yàa nɔɔ gbalang vuu shi kpang manɛ kaa jong.” [

Luka 17:12

Tɔ́ɔ, wu hãa nyaa kaa jaa gari, zang kopi ɓɔɔ vuu bii shaa ri katɔ, ri ɓee wu yuu kati. Ri shiiri nɛɛ nɔng beebang,

Luka 22:41

A yaa ri daa kaa nɔng ɓɔɔgn, naabm, tang nɛɛ gutu ka nɔngkɔ, a gaa Laa kati nɛɛ,

Luka 23:48

Zang ɓɔɔ ri kpalɛ yuu ka nɔng, nɛɛ ri zi vuu ɓɔɔ zang palɛ, ka ɓɔɔ ri zi vuu pálɛ́ hn, ri gbãayu ka gãa ɓarɛ nɛɛ yeti lasɛnang. Ri waa naa ka danggn.

Luka 5:8

Ɓɔɔ Siman Bituru zi naa weɓe, tang nɛɛ gutu ka tĩng Yeesɔ tɔɔ, “N zɔ̃ɔrɔ mɔɔ katɔ Kpanti, daa ɓaa ta, mɔɔ yaa m, ka ruu ɓɔɔ, n m zang ɓɔɔ palɛ vuu shi kpang ɓɛɛ.”

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Rooma 5:8

Laa tusu ruu naa ɓɔɔ wu kasɛ ruu ɓuru dɔɔli ɓɛɛ tɔ. Ka ɓɔɔ bɛ̀ɛ́ ruu doo zang ɓɔɔ ruu palɛ vuu shi kpang, Kirisi vɔ ka ruu ɓuru ɓɛɛ.

2 Koranti 7:11

Nɔɔ zi vuu ɓɔɔ yeti lasɛnang keɓe ɓɔɔ Laa kasɛ nɔɔ nɛɛ mani, pàlɛ̀ nɔɔ ɓɛɛ ta. Naa ɓɔɔ nɔɔ làabìi, nɔɔ zɔ̃ng yuu manɛ ɓɛɛ. Yeti manɛ lasɛ tɔ ka yuu vuu ɓɔɔ palɛ ɓɛɛ, a nɔɔ ti kaa vɔrɔ vuu ɓɔɔ naa a ka tĩng ɓɛɛ. Shing nɔɔ, nɔɔ kasɛ m zinang katɔ gbãng gbãng, a nɔɔ kasɛ nɛɛ nɔɔ ta m nyaa, nɔɔ dang zang ɓɔɔ palɛ m vuu shi kpang jĩng. Ka vuu kɔ palɛ ɓee nandon, nɔɔ tusu yuu manɛ nɛɛ ruu manɛ hãa ɓi kagn kpang.

1 Timoti 1:15

Ruu keɓe niizang kɔ nwani, ti daa naa ɓɔɔ zang piti ri shing danggn kagn ɓɛɛ tɔ. Yeesɔ Kirisi a ka koo nɛɛ wu ta yuu zang ɓɔɔ ri palɛ vuu shi kpang ɓɛɛ. Nkɔ ɓa zang piti vuu shi kpang palɛnang.

Yahudi 4:16

Ka ruu nɔngkɔ, rúu a ka bii Laa, ruu yaa gn naa kpang. Laa ɓɔɔ palɛ zang tɔ̃ɔ waati ɓɛɛ. Tɔ̀ɔ, gn ɓuru wu kɔng wu, wu ti palɛ ruu tɔ̃ɔ ɓɔɔ yi ruu naa ka bii, ka diki ɓɔɔ ruu kasɛ nɛɛ wu yi ruu naa ka bii ɓɛɛ.

Yahudi 8:12

N naa kɔsɔ ri vuu shi kpang ɓɔɔ ri palɛ ɓɛɛ katɔ, a ǹ ti kpaa danggn vuu shi kpang ɓarɛ takpang tingkiring.”