Luka 17:21 - Nyaa Shɔɔ Ɓɔɔ Laa a Ɓɛɛ

²¹ Zang kɔɔ ɓi kpang nɛɛ, ‘Diki bii keɓe nɛɛ diki kaɓa kpang. Ka ruu ɓɔɔ, Laa roo Kpanti ɓi kana ka teteng manɛ ɓɛɛ.’ ”

Luka 17:21 ပူးပေါင်းရင်းမြစ်များ

Matiyu 12:28

A n nɛɛ nwangsɛ suru shi kpang nɛɛ Suru Laa, kpanti roonang Laa a bii manɛ tɔ.

Maraku 13:21

“Zang ɓɔɔ nɛɛ kɔɔ nɔɔ nɛɛ, Kirisi kagn nihn, kɔ ka kaaɓa, nɔ́ɔ yee laa manɛ kagn kpang.

Luka 17:23

Zang ti naa nwãarɛ nɔɔ ditɔ nɛɛ, ‘Jaa Shɔnzang ka kaaɓa a ɓɔɔ nɛɛ Jaa Shɔnzang keɓe.’ Nɔɔ daa kpang. Nɔɔ dũng knti ɓarɛ kpang.

Luka 21:8

A kɔɔ ri tɔɔ, “Nɔɔ gãng jĩng waasɛ̃ zang ɓɔɔ nɛɛ nwãarɛ nɔɔ. Zang dɔɔli a ditɔ nɛɛ nung mɛɛ, ri naa kɔɔyi nɛɛ rikɔ zang ɓɔɔ naa a ɓɛɛ. A ri ti kɔɔ nɛɛ diki a naabm tɔ. Nɔɔ dũ̀ng ri kpang.

Yɔhana 1:26

A Yɔhana kasɛ ri nyaa tɔɔ, “N pàlɛ́ zang batizima m nɛɛ mii, zang ɓɔɔ shii kagn teteng manɛ kãntang keɓe, ɓɔɔ nɔɔ zi wu nung manɛ kpang ɓɛɛ.

Yɔhana 18:36

Yeesɔ kɔɔyi tɔɔ, “Kpanti roonang mɛɛ nwáng ɓi nɛɛ koo keɓe kpang. Naa kpanti roonang mɛɛ nɛɛ ɓɔɔ koo keɓe, zang mɛɛ ri nɛɛ gáa nyaa kana. Zang nɛɛ á zang bang bang Yahudi n kpang. Kpanti roonang mɛɛ nwáng ɓi nɛɛ koo keɓe kpang.”

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”