Luka 16:24 - Nyaa Shɔɔ Ɓɔɔ Laa a Ɓɛɛ

²⁴ A ɓaa nyaa tɔɔ, ‘Dada Ibirayi, gn mɛɛ wu kɔng mɔɔ jong. Shong Liyazaru wu hãa yuu paa saa naa ka mii wu sɔ̃sɔ m ka nyaa, ka ruu ɓɔɔ, waa tɔ̃̀ɔrɔ m shoo kana ɓɛɛ.’

Luka 16:24 ပူးပေါင်းရင်းမြစ်များ

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 3:9

“Nɔ́ɔ shing danggn manɛ nɛɛ nɔɔ naa wɔ jĩng dannang kaɓa katɔ, ka ruu ɓɔɔ, nɔɔ manɛ wujɛ Ibirayi ɓɛɛ kpang. N kɔɔ nɔɔ, Kpanti Laa zunung ɓɔɔ wu nwàngsɛ́ Ibirayi jaa nɛɛ tari kɔ ka tipi ɓee katɔ.

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Luka 16:30

Yɔɔ ti kɔɔ tɔkn tɔɔ, ‘Kpang, dada Ibirayi, naa zang ɓɔɔ vɔ katɔ, yupaa nɛɛ sàa, daa ka bii ɓarɛ, ri yaa vuu shi kpang palɛnang katɔ, ri kɔ̃sɔ yeti ɓarɛ.’

Luka 19:9

A Yeesɔ kɔɔ Zaka tɔɔ, “Lɛɛkɔ Laa ta yuu zang ɓɔɔ ri ka gãa keɓe tɔ. Ka ruu ɓɔɔ, mɔɔ ɓaa doo jaa Ibirayi kɔ ɓɛɛ.

Luka 3:8

Nɔɔ palɛ vuu ɓɔɔ tusu zang nɛɛ nɔɔ kɔ̃sɔ yeti manɛ tɔ, nɔɔ yaa vuu shi kpang tɔ ɓɛɛ. Nɔ́ɔ kɔ̀ɔrɔ̀ manɛ nɛɛ, ‘Rùu ɓuru wujɛ Ibirayi kpang.’ N kɔɔ nɔɔ, Laa zunung ɓɔɔ wu pàlɛ́ Ibirayi zɔ̃ng nɛɛ tari kɔ ka tipi ɓee katɔ.

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 7:37

Diki ɓɔɔ nyaalaa waa nyaa kagn kɔ, ɓa diki ɓɔɔ tɛɛrɛ tɔ nandon. Ka diki kaɓa, Yeesɔ shii paa, mɛɛ nyaa ka lapa tɔɔ, “Zang ɓɔɔ sutu nɛɛ mãa wu, wu a ka bii mɛɛ, n a wu vuu ɓɔɔ wu ɓooyi.

Rooma 4:12

Ibirayi ti doo dabang zang ɓɔɔ zang yee ri shaa katɔ kɔ. Wu ka ruu ɓɔɔ, zang yee ri shaa katɔ kɔ shɛ̃ɛning kpang. Ka ruu ɓɔɔ ri nwangnɛ, ri shing danggn ka bii Laa naa ɓɔɔ dabang ɓuru Ibirayi nwangnɛ bɛ̀ɛ́ zang yee wu shaa gn kpang ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yakubu 2:13

Ka ruu ɓɔɔ, gn kɔng Laa kpang, ka nɔng ɓɔɔ wu jɛ̃ɛ zang ɓɔɔ gn zang kɔ̀ng wu ɓi kpang ɓɛɛ. Zang ɓɔɔ gn zang kɔng wu katɔ, naa zirɛ nɛɛ gn zang ɓɔɔ kɔng Laa ɓa ruu ɓɔɔ wu dɔng zang ɓɛɛ katɔ.

Yakubu 3:6

Rĩiti nwang naa waa. Ka teteng vuu ɓɔɔ ka bii ɓuru piti, shi kpang nwangnɛ bii rĩiti kɔ. Zɔɔ bii nimbang keɓe nɛɛ zɔ̃pɔ ɓiɓɛ. Lasɛ nwannang zang ka koo keɓe nɛɛ waa ɓiɓɛ ɓɔɔ nwangnɛ nɔng waa ɓɔɔ ning ɓi jong kpang ɓɛɛ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 20:15

A zang piti ɓɔɔ zang nɛɛ ĩi nung ɓiɓɛ, zang bee ka yeti labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ, kagn kpang, zang tasɛ wu ka too waa kaɓa kɔ.

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.