Luka 16:15 - Nyaa Shɔɔ Ɓɔɔ Laa a Ɓɛɛ

¹⁵ Yeesɔ kɔɔ ri tɔɔ, “Nɔɔ túsù yuu manɛ waati ka nɔng zang nɛɛ nɔɔ zang tɔ̃ɔ, Laa zi yeti manɛ ɓi tɔ. Vuu ɓɔɔ shɔnzang zirɛ, nɛɛ ɓi vuu tɔ̃ɔ, ɓɔɔ ka jĩng Laa ɓi vuu baabii.

Luka 16:15 ပူးပေါင်းရင်းမြစ်များ

Matiyu 23:5

Vuu piti ɓɔɔ ri palɛ, ri palɛ ɓarɛ ka ruu ɓɔɔ, tɔ̀ɔ, zang zi ri kati ɓɛɛ. Ri pu jaa baajaa ɓɔɔ ri tɛ̃ɛ Ruu Laa ɓarɛ kagn nɛɛ koo zaa nwɛ̃ɛri pokoto pokoto, ri mã kaa waa nyaating ɓarɛ. Ri ti hãlɛ ɓarɛ fɔ̃ɔrɔ ɓɔɔ nyaa ɓiɓɛ beebang beebang ɓɛɛ.

Matiyu 6:16

“Nɔɔ nɛɛ seng nyaalaa nɔ́ɔ kãngtɛ nyaa tĩng naa zang ɓɔɔ ri nwãarɛ zang nɛɛ vuu palɛnang ɓɛɛ kpang. Ri risi nyaa tĩng ɓarɛ naa ɓɔɔgn nɛɛ tɔɔ zang zi kati nɛɛ ri seng nyaalaa. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ ri kasɛ nɛɛ bii zang ɓi tɔ nandon.

Matiyu 6:2

“Mɔɔ nɛɛ tɔɔ mɔɔ a zang ɓɔɔ vuu ka naa kpang vuu, mɔɔ jèe vuukãng ka gbongkarɛ naa ɓɔɔ zang ɓɔɔ ri nwãarɛ zang nɛɛ vuu palɛnang, ri palɛ ka gãa zɔɔ kpalɛnang zang Yahudi nɛɛ nyaa gbabang ɓɛɛ kpang. Ka ruu ɓɔɔ, ri kasɛ nɛɛ zang dɔɔ ri kati ɓɛɛ. N kɔɔ nɔɔ ruu ɓɔɔ niizang kɔ nwani, zang keɓe, ri ta vuu ɓɔɔ Laa nɛ̀ɛ́ a ri ɓɛɛ tɔ nandon.

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Luka 10:29

A yɔɔ kasɛ nɛɛ tɔɔ zang kɔɔ nɛɛ wu zang tɔ̃ɔ, a hɛ̃ɛ tɔɔ, “Ɓu wi manzung wiya?”

Luka 11:39

A Kpanti Yeesɔ kɔɔ wu tɔɔ, “Ɓɔɔ nɔɔ Farisi, nɔɔ sɔ̀ɔ́ dakn waka nɛɛ dakn gbanti kɔ shɛ̃ɛning, a yeti manɛ ɓi zang mulunang kɔ nɛɛ yeti lanang shɛ̃ɛning.

Luka 18:11

Yɔɔ Farisi seepaa gaa Laa, a kɔɔ ruu bang bang ka yuu ɓiɓɛ tɔɔ, ‘Laa n zãa mɔɔ tɔ, ka ruu ɓɔɔ, n nwang m naa zang ɓɔɔ nimbang ɓɔɔ ri ta zang vuu nɛɛ ɓangge, nɛɛ zang ɓɔɔ ri palɛ vuu shi kpang, nɛɛ zang dũndũng kpang. N m ti naa zang ɓɔɔ ta saka tipi kaɓa kpang ɓɛɛ.

Luka 18:14

N kɔ̀ɔ́ nɔɔ, yɔɔ ɓɔɔ ta saka tipi keɓe gbãayu daa gãa ɓiɓɛ, Laa yaa wu gbalang vuu shi kpang ɓiɓɛ tɔ, wu náa yɔɔ Farisi kaɓa kpang. Ka ruu nɔngkɔ, zang piti ɓɔɔ nɛɛ tusu nɛɛ wu ɓa zang piti, zang naa sɔɔrɔ wukɔ yuu jong ka dii. Zang ɓɔɔ sɔɔrɔ yuu ka dii, zang naa a wukɔ bannang jong.”

Luka 18:21

A yɔɔ kasɛ nyaa tɔɔ, “N gaayu nyaa dannang keɓe dũnnang bɛ̀ɛ́ n doo jasang.”

Luka 18:9

A ti kɔɔ zang ɓɔɔ ri shing gn tɔ́ɔ, ri ɓarɛ zang tɔ̃ɔ, ri kasɛ ruu zang ɓɔɔgn ɓarɛ kpang, ruu keɓe kaa nɛɛ nyaa vuu jeenang.

Luka 20:20

Ka ruu nɔngkɔ, ri kãa gbalang ɓɔɔ ri yi wu ɓɛɛ. Ri shongko zang ɓarɛ nɛɛ ri palɛ bii naa ri zang tɔ̃ɔ, ri tãa ruu ɓɔɔ Yeesɔ kɔɔ ɓɛɛ. Nɛɛ rang yee shi kpang tɔ, ri yi wu, ri a gɔmna ɓɔɔ zang Rooma shing ɓɛɛ.

Luka 20:47

Ri mulu suvɔ, ri talɛ vuu ɓɔɔ ka naa ɓarɛ nandon. Ri ti kasɛ Laa gaanang sasak nɛɛ zang zi ri kati. Laa naa dang ri jĩng ɓa ɓɔɔ zang piti.”

Yɔhana 2:25

daa naa ɓɔɔ zang ɓɔɔgn kɔɔ wu ruu shɔnzang kpang ɓɛɛ. Ka ruu ɓɔɔ Yeesɔ nɛɛ yuu ɓiɓɛ zi vuu ɓɔɔ shɔnzang rɛ̃rɛ ka yeti ɓarɛ tɔ ɓɛɛ.

Yɔhana 21:17

Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Zang Shonang Yeesɔ 1:18

(Saka ɓɔɔ Yahuda walɛ ka ruu vuu shi kpang ɓɔɔ wu pálɛ́, hoo tipi nɛɛ mani a watɛ kagn. Shɔ̀ nɛɛ yuu a buru ɓiɓɛ sãyi a lembo ɓiɓɛ tungku ka biling.

Zang Shonang Yeesɔ 1:24

A ri gaa Laa tɔɔ, “Kpanti, mɔkɔ zi yeti zang piti, ka ruu nɔngkɔ, tusu ruu zang ɓɔɔ mɔɔ zɔ̃ng ka teteng zang ziti keɓe ta,

Zang Shonang Yeesɔ 15:8

Laa ɓɔɔ zi rɛ̃rɛnang zang tɔ nandon, tusu nɛɛ ri daa wu yeti tɔ, ka ɓɔɔ a ri Suru ɓiɓɛ naa ɓɔɔ wu a ruu ɓɛɛ.

Rooma 3:20

Ka ruu nɔngkɔ, zang nwàng zang tɔ̃ɔ ɓi jong ka tĩng Laa ka ruu ɓɔɔ zang palɛ vuu ɓɔɔ nyaa dannang Laa kɔɔyi nɛɛ zang wu palɛ ɓɛɛ kpang. Nyaa ɓɔɔ Laa dangnɛ pùú zang ɓi jĩng, zang zi vuu shi kpang ɓɔɔ zang palɛ ɓɛɛ.

Rooma 8:27

A Laa ɓɔɔ zi yeti shɔnzang tɔ nandon, zi vuu ɓɔɔ Suru rɛ̃rɛ tɔ. Ka ruu ɓɔɔ, Suru bakɛ Laa ka ruu zang Laa, ka doo vuu ɓɔɔ yeti Laa kasɛ ɓɛɛ.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

1 Bituru 3:4

Shinang manɛ wu tusu bii ka nwannang tɔ̃ɔ manɛ kɔ jong. Nwang kikiri mɔɔ tuu yuu ɓaaɓɛ kpang, zɔ̃ng shinang keɓe kɔ lasɛ ɓi kpang, ti nwǎng mɔɔ vuu tɔ̃ɔ katɔ ka tĩng Laa.

1 Bituru 5:5

Ɓɔɔ nɔɔ manɛ dòo jasang n kɔɔ nɔɔ dòo nɔngkɔ. Nɔɔ ɓaa shoo ka nyaa rɛɛ zang bang. Ɓɔɔ nɔɔ nandon ɓɛɛ, nɔɔ seng zɔɔ katɔ, a nɔɔ kpalɛ bii diki diki nɔ́ɔ shòng zɔɔ. Ka ruu ɓɔɔ, zang bee ka yeti labeenang Laa nɛɛ, “Laa kasɛ ruu zang ɓɔɔ ri tuu yuu ɓarɛ kpang, á ɓi zang ɓɔɔ ri tuu yuu ɓarɛ kpang tĩnang tãanang.”

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.