Luka 16:11 - Nyaa Shɔɔ Ɓɔɔ Laa a Ɓɛɛ

¹¹ Naa nɔɔ shing jĩng ka vuu naa ɓɔɔ koo keɓe tɔ̃ɔ tɔ̃ɔ kpang, ɓu wi yàá nɔɔ vuu naa ɓɔ̀ɔ́ Suru Laa ka naa wiya?

Luka 16:11 ပူးပေါင်းရင်းမြစ်များ

Matiyu 6:24

“Zang gbete pàlɛ̀ zang ziti shonang ka laa gbete kpang, ka ruu ɓɔɔ, kasɛ ruu zang gbete wu bɛ̃ɛ ɓɔɔ gbete. Ɓaa shoo ka nyaa ɓɔɔ gbete wu risi ɓɔɔ gbete naa vuu ɓɔɔ kpang ɓɛɛ. Ka ruu nɔngkɔ, zang wu ɓakɛ Laa dũnnang ɓi nɛɛ vuu naa kãanang kpang.

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 16:12

Naa nɔɔ ti yee laa ka vuu zang kpang, ɓu wi a nɔɔ ɓɔɔ manɛ wiya?

Luka 16:9

A Yeesɔ kɔɔ ri nɛɛ “N kɔ̀ɔ́ nɔɔ, nɔɔ yiki wusang nɛɛ zɔɔ nɛɛ vuu naa manɛ, ka ruu ɓɔɔ, nɛɛ naa waa nyaa tɔ, zang naa ta nɔɔ ka nɔng ɓɔɔ nɔɔ naa nwang dòndòng ɓɛɛ.

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

Vuu ɓɔɔ zang nwangsɛ Yɔhana 3:18

Ka ruu nɔngkɔ, n kɔɔ nɔɔ, nɔɔ arɛ nɔ́ɔ hoo zɔ̃ng zinariya ɓɔɔ zang dɔɔ nɛɛ waa nɛɛ, tɔ̀ɔ, bii ɓiɓɛ wu turɛ wu nwang kaa tɔ̃ɔ ɓɛɛ, tɔ̀ɔ, nɔ́ɔ nwang kaa zang ying ɓɔɔ niizang ɓɛɛ. Nɔɔ ti arɛ nɔɔ hooro fɔ̃ɔrɔ puru nɔ́ɔ hãayi, tɔ̀ɔ, bii bɔ̃bɔ̃rɔ manɛ wu shing kaa tɔ̀ɔ́ yusɛ̃ɛ wu tuu nɔɔ kpang. Nɔɔ hoo gãnang ɓɔɔ zang tɛ̃̀ɛ́ nɔɔ ka jĩng ɓɛɛ, tɔ̀ɔ, nɔ́ɔ zi nɔng kati.