Luka 14:21 - Nyaa Shɔɔ Ɓɔɔ Laa a Ɓɛɛ

²¹ A zang shonang yɔɔ gbãayu daa kɔɔ wu vuu ɓɔɔ zang kɔɔrɔ ɓɛɛ. A gnvɔ shaa yɔɔ gãa, a kɔɔ zang shonang ɓiɓɛ tɔɔ, ‘Dita nyaa gbalang, nɛɛ boo gãa ɓɔɔ ka gari piti, mɔɔ ɓaarɛ zang ɓɔɔ vuu ka naa ɓarɛ kpang, nɛɛ zang ɓɔɔ ri kàa katɔ, nɛɛ zang jĩng ringtang, a ɓɔɔ zang ɓɔɔ doo shãa katɔ ɓɛɛ.’

Luka 14:21 ပူးပေါင်းရင်းမြစ်များ

Matiyu 11:28

“Nɔɔ a ka bii mɛɛ, zang piti ɓɔɔ dang jĩng, a ti rɛ̃rɛ dɔɔli ɓɛɛ, n á nɔɔ ɔ̃sɔnang katɔ.

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 15:12

A zang ɓɔɔ ri mantɛ vuu ka bii ɓiɓɛ arɛ naa hɛ̃ɛ wu tɔɔ, “Mɔɔ zi ɓu tɔ nɛɛ, ɓɔɔ zang Farisi ri tãa ruu kaɓa, yeti ɓarɛ lasɛ katɔ ya?”

Matiyu 18:31

“Ɓu doo ɓɔɔ ɓeesang shonang ɓɔɔgn ri zi vuu ɓɔɔ wu palɛ naa weɓe, yeti ɓarɛ lasɛ dɔɔli, a ri daa kɔɔ kpanti ɓarɛ vuu ɓɔɔ yɔɔ kaɓa palɛ nandon.

Matiyu 20:7

A zang shonang ri kasɛ wu nyaa tɔɔ, ‘Ka ruu ɓɔɔ, zang ɓɔɔ ɓaa ruu nyaa shonang palɛnang kpang ɓɛɛ.’ A kɔɔ ri tɔɔ, ‘Nɔɔ dita jong nɔɔ daa palɛ shonang ka jaa mɛɛ.’

Luka 14:13

Mɔɔ nɛɛ tɔɔ mɔɔ a zang vuu shaanang, gáarɛ́ zang ɓɔɔ vuu ka naa ɓarɛ kpang, nɛɛ zang ɓɔɔ kàa katɔ, nɛɛ zang ɓɔɔ doo shãa katɔ, nɛɛ zang ɓɔɔ jĩng ringtang ɓɛɛ.

Luka 14:20

Zang ɓɔɔ ti kɔɔ tɔkn tɔɔ, ‘N shing soro doo nɛɛ doo, ka ruu nɔngkɔ, n a kpang.’

Luka 14:22

A zang shonang yɔɔ naa a tɔkn kɔɔ wu tɔɔ, ‘Dabang, n palɛ vuu ɓɔɔ mɔɔ kɔɔ m ɓɛɛ tɔ, nɔng ti yaa doogn.’

Luka 14:24

N kɔ̀ɔ́ nɔɔ zang gbete ɓɔɔ naa tãa vuu shaanang kagn teteng zang tĩng shɔɔnang kɔ n gaarɛ ri ɓa kpang.’ ”

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 9:10

Zang ɓɔɔ ri mantɛ vuu ka bii Yeesɔ kopi tu ziti naa gbãayu kɔɔ wu vuu piti ɓɔɔ ri palɛ ɓɛɛ. A Yeesɔ see rikɔ shɛ̃ɛning daa nɛɛ ri ka gbalang gari ɓɔɔ zang ɓaa nɛɛ Bɛsɛda ɓɛɛ.

Yɔhana 9:39

Yeesɔ kɔɔyi tɔɔ, “N à ka koo keɓe nɛɛ n naa basɛ teteng zang. Tɔ̀ɔ, zang ɓɔɔ ri jĩng ringtang ri zi nɔng. Zang ɓɔɔ ri zi nɔng katɔ jĩng ɓarɛ wu zuuyi.”

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Yahudi 2:3

A naa ruu shing jĩng gbãng gbãng ka ruu naa ɓɔɔ zang ta yuu zang, ɓɔɔ bang katɔ naa weɓe kpang, ruu wɔ biya? Ka ruu ɓɔɔ, ɓi Kpanti Yeesɔ nɛɛ yuu ɓiɓɛ, wukɔ gaayu ruu keɓe kɔɔnang ɓɛɛ. A zang ɓɔɔ ri tãayi, rikɔ tusu ruu nɛɛ ruu keɓe niizang kɔ nwani.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

Vuu ɓɔɔ zang nwangsɛ Yɔhana 19:15

Yere bang ɓɔɔ wɔng nyaa dɔɔli nwangnɛ nyaa ɓiɓɛ. Yere ɓɔɔ wu kúlù zang ɓɔɔ ri shing jĩng nɛɛ wu kpang ɓɛɛ, nɛɛ mani nandon. Naa roo kpanti ka yuu ɓarɛ nɛɛ laa naa yitinang kpanti, ɓɔɔ zang palɛ nɛɛ saka ɓɛɛ. Ti naa kãng jaa inabi ka too ɓɔɔ zang kãng kagn, ɓɔɔ ɓi wukɔ gnvɔ bang Laa, Laa ɓɔɔ ɓa zang piti katɔ ɓɛɛ.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.