Luka 14:13 - Nyaa Shɔɔ Ɓɔɔ Laa a Ɓɛɛ

¹³ Mɔɔ nɛɛ tɔɔ mɔɔ a zang vuu shaanang, gáarɛ́ zang ɓɔɔ vuu ka naa ɓarɛ kpang, nɛɛ zang ɓɔɔ kàa katɔ, nɛɛ zang ɓɔɔ doo shãa katɔ, nɛɛ zang ɓɔɔ jĩng ringtang ɓɛɛ.

Luka 14:13 ပူးပေါင်းရင်းမြစ်များ

Matiyu 15:30

A zang dɔɔli ri kpalɛ zɔɔ ka bii ɓiɓɛ. Ri atɛ wu zang ɓɔɔ doo shãa katɔ, ɓɔɔ zang ɓɔɔ ri kàa katɔ, nɛɛ zang jĩng ringtang, nɛɛ zang ɓɔɔ nyaa nɔɔ katɔ, nɛɛ zang kɔnang ɓɔɔ kaa gn gaagaa. Ri tɛ̃ɛ ri ka tĩng ɓiɓɛ, a masɛ ri kati.

Matiyu 22:10

A zang shonang yɔɔ ri daa ka nyaa gbabang, ri daa kpalɛ zang piti ɓɔɔ ri ĩi ɓɛɛ kati. Zang shi kpang nɛɛ ɓɔɔ tɔ̃ɔ piti. A zang ɓɔɔ zang gaarɛ, ri yi nyaa nɔng kn sinyɛ kati.

Luka 11:41

Nɔɔ a zang ɓɔɔ vuu ka naa ɓarɛ kpang ɓɛɛ, vuu ɓɔɔ ka yeti waka manɛ ɓɛɛ. Vuu manɛ piti nwang ditɔ tɔ̃ɔ tɔ̃ɔ.

Luka 14:12

A Yeesɔ ti kɔɔ zang ɓɔɔ gaarɛ wu tɔɔ, “Mɔɔ nɛɛ ɓaa zang nyaa vuu shaanang, mɔ́ɔ ɓaa nyaa ka rɛɛ ɓaa sang nɛɛ rɛɛ ɓaazung, nɛɛ rɛɛ zang ɓaaɓɛ, nɛɛ rɛɛ zang ɓɔɔ nyaa gãa manɛ gbete, ri ɓarɛ zang yíng ɓɛɛ kpang. Naa mɔɔ ɓaa ri nyaa, ri naa ɓaa mɔɔ nyaa ditɔ jong.

Luka 14:14

Laa naa a mɔɔ tĩnang tãanang ditɔ, ka ruu ɓɔɔ, ri naa ɓàa mɔɔ nyaa ɓarɛ kpang ɓɛɛ. Laa naa shu mɔɔ ɓi kaa diki ɓɔɔ Laa naa wisi zang ɓɔɔ ri ɓaa shoo ka yee ɓiɓɛ paa nɛɛ saa ɓɛɛ.”

Luka 14:21

A zang shonang yɔɔ gbãayu daa kɔɔ wu vuu ɓɔɔ zang kɔɔrɔ ɓɛɛ. A gnvɔ shaa yɔɔ gãa, a kɔɔ zang shonang ɓiɓɛ tɔɔ, ‘Dita nyaa gbalang, nɛɛ boo gãa ɓɔɔ ka gari piti, mɔɔ ɓaarɛ zang ɓɔɔ vuu ka naa ɓarɛ kpang, nɛɛ zang ɓɔɔ ri kàa katɔ, nɛɛ zang jĩng ringtang, a ɓɔɔ zang ɓɔɔ doo shãa katɔ ɓɛɛ.’

Zang Shonang Yeesɔ 9:39

A Bituru kpalɛ bii a daa kaa nɛɛ rɛɛ zang ɓɔɔ zang shong ri ɓɛɛ. Daa shɛ̃ɛ nɔng tɔ, a zang vang nɛɛ wu ka gãa lapa. Rɛɛ suvɔ ri kpalɛ zɔɔ ka bii ɓiɓɛ nandon ri kaa nyavɔ. Ri ti tusu wu rɛɛ fɔ̃ɔrɔ ɓɔɔ Dorika haarɛ bɛ̀ɛ́ wu doo ningkãari ɓɛɛ.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

Titu 1:8

Ɓi zang ɓɔɔ ta zang zanti ka gãa ɓiɓɛ waasɛ̃ ɓɛɛ, zang ɓɔɔ kasɛ vuu tɔ̃ɔ palɛnang ɓɛɛ, zang ɓɔɔ palɛ vuu sãnsãnrãng kpang ɓɛɛ, palɛ ɓi vuu ɓɔɔ daa bii katɔ diki diki, ti palɛ ɓi vuu ɓɔɔ Laa kasɛ ɓɛɛ, zang ɓɔɔ yiti yuu ɓiɓɛ waasɛ̃ ɓɛɛ.

Filimon 1:7

Masang, naa ɓɔɔ mɔɔ kasɛ zang ɓɛɛ, shing m̌ tɔ, n tãa tĩnang, ti mã m danggn tɔ gbãng gbãng. Mɔ̀ɔ ti shing tɔ yeti zang Laa valɛ tɔ.

Yahudi 13:2

Nɔɔ yaa zang zanti tanang ka gãa manɛ kpang, Ka ruu ɓɔɔ, zang ɓɔɔ ri pálɛ́ nɔngkɔ, a ri ta zang nyaa shonang Laa ɓɔɔ ri ka lapa ɓɛɛ tɔ̃ɔ, ri zi kpang.