Luka 14:11 - Nyaa Shɔɔ Ɓɔɔ Laa a Ɓɛɛ

¹¹ Ka ruu ɓɔɔ, zang ɓɔɔ nɛɛ tuu yuu ɓiɓɛ, zang naa sɔɔrɔ wukɔ yuu ka dii ɓɛɛ. Zang ɓɔɔ sɔɔrɔ yuu ɓiɓɛ ka dii, zang naa a wukɔ bannang jong.”

Luka 14:11 ပူးပေါင်းရင်းမြစ်များ

Matiyu 23:12

Shɔnzang ɓɔɔ tɔɔ wu tuu yuu ɓiɓɛ piti, zang naa sɔɔrɔ wukɔ yuu jong ka dii. A zang ɓɔɔ sɔɔrɔ yuu ɓiɓɛ ka dii, zang naa tuu wukɔ jong ka lapa.

Luka 1:51

Pálɛ́ vuu bang bang tɔ, nɛɛ naa bannang ɓiɓɛ. Tántɛ́ vuu ɓɔɔ zang ɓɔɔ ri tuu yuu ɓarɛ dɔɔli ri rɛ̃rɛ ka yeti ɓarɛ ɓɛɛ tɔ.

Luka 1:52

Sɔ́ɔrɔ̀ rɛɛ kpanti bang, bang yuu ka dii. Ti shing zang ɓɔɔ ri sòo yuu ka dii ri nwang zang bang.

Luka 14:12

A Yeesɔ ti kɔɔ zang ɓɔɔ gaarɛ wu tɔɔ, “Mɔɔ nɛɛ ɓaa zang nyaa vuu shaanang, mɔ́ɔ ɓaa nyaa ka rɛɛ ɓaa sang nɛɛ rɛɛ ɓaazung, nɛɛ rɛɛ zang ɓaaɓɛ, nɛɛ rɛɛ zang ɓɔɔ nyaa gãa manɛ gbete, ri ɓarɛ zang yíng ɓɛɛ kpang. Naa mɔɔ ɓaa ri nyaa, ri naa ɓaa mɔɔ nyaa ditɔ jong.

Luka 18:14

N kɔ̀ɔ́ nɔɔ, yɔɔ ɓɔɔ ta saka tipi keɓe gbãayu daa gãa ɓiɓɛ, Laa yaa wu gbalang vuu shi kpang ɓiɓɛ tɔ, wu náa yɔɔ Farisi kaɓa kpang. Ka ruu nɔngkɔ, zang piti ɓɔɔ nɛɛ tusu nɛɛ wu ɓa zang piti, zang naa sɔɔrɔ wukɔ yuu jong ka dii. Zang ɓɔɔ sɔɔrɔ yuu ka dii, zang naa a wukɔ bannang jong.”

Yakubu 1:9

Zang ɓɔɔ wu zang ying kpang, ɓɔɔ dũng Laa, wu tãa tĩnang, ka ruu ɓɔɔ ka tĩng Laa wu ɓi zang bang ɓɛɛ.

Yakubu 4:10

Risi yuu ɓaaɓɛ naa mɔɔ wu vuu ɓɔɔ kpang, ka tĩng Kpanti Laa, tɔɔ Kpanti Laa wu a mɔɔ bannang kati.

Yakubu 4:6

Làá kɔ álɛ ruu tɔ̃ɔ ɓiɓɛ dɔɔli nɛɛ ruu dung wu nɛ mani. Ka ruu nɔngkɔ, labeenang Laa kɔɔyi tɔɔ, “Laa kasɛ ruu zang ɓɔɔ tuu yuu ɓiɓɛ ɓi jong kpang, a á zang ɓɔɔ tuu yuu ɓiɓɛ kpang, tɔ̃̀ɔ́ ɓiɓɛ.”

1 Bituru 5:5

Ɓɔɔ nɔɔ manɛ dòo jasang n kɔɔ nɔɔ dòo nɔngkɔ. Nɔɔ ɓaa shoo ka nyaa rɛɛ zang bang. Ɓɔɔ nɔɔ nandon ɓɛɛ, nɔɔ seng zɔɔ katɔ, a nɔɔ kpalɛ bii diki diki nɔ́ɔ shòng zɔɔ. Ka ruu ɓɔɔ, zang bee ka yeti labeenang Laa nɛɛ, “Laa kasɛ ruu zang ɓɔɔ ri tuu yuu ɓarɛ kpang, á ɓi zang ɓɔɔ ri tuu yuu ɓarɛ kpang tĩnang tãanang.”

1 Bituru 5:6

Ka ruu nɔngkɔ, n kɔ̀ɔ́ nɔɔ nɔ́ɔ tuu yuu manɛ ka tĩng Laa ɓɔɔ wukɔ kpanti zang piti ɓɛɛ kpang, tɔ̀ɔ, wu naa shing nɔɔ, nɔ́ɔ nwang zang bang ka tĩng ɓiɓɛ, ka diki ɓɔɔ wu kasɛ ɓɛɛ.