Luka 12:48 - Nyaa Shɔɔ Ɓɔɔ Laa a Ɓɛɛ

⁴⁸ Zang shonang ɓɔɔ zi vuu ɓɔɔ dabang gãa ɓiɓɛ kasɛ nɛɛ wu palɛ kpang, naa palɛ vuu ɓɔɔ daa naa ɓɔɔ zang nyɔ zang katɔ, zang naa nyɔ wu ɓi tɔkɔlɔng. Zang ɓɔɔ zang a wu vuu dɔɔli, zang naa ta ɓi doo dɔɔli kɔ, ka naa ɓiɓɛ. Zang ɓɔɔ zang ti yaa wu vuu dɔɔli, zang shing gn nɛɛ naa a zang ɓi doo dɔɔli kɔ.

Luka 12:48 ပူးပေါင်းရင်းမြစ်များ

Matiyu 13:12

Zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Tɔɔ, vuu ɓiɓɛ wu shang kaa gaagaa. Zang ɓɔɔ vuu ɓiɓɛ kagn kpang, naa doo ɓɔɔ wu yiti ka naa tɔkɔlɔng, zang ti tarɛ, zang yaa wu naa waati.

Matiyu 23:14

Vuu gn kɔnang kagn yuu manɛ, zang ɓɔɔ tusu zang vuu nɛɛ zang Farisi. Nɔɔ zang ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ, nɔɔ mulu suvɔ ɓɛɛ. Nɔɔ ti gaa Laa sasak, nɛɛ tɔɔ zang zi nɔɔ kati ɓɛɛ. Ka ruu nɔngkɔ, Kpanti Laa naa dang nɔɔ jĩng ditɔ dɔɔli, ɓa ɓɔ̀ɔ́ zang piti.

Luka 12:41

Bituru hɛ̃ɛ wu tɔɔ, “Dabang, mɔɔ rang rukɔ nyaa vuu jeenang keɓe ya, kɔ mɔɔ rang zang piti?”

Luka 12:49

“N à m waa dɔɔnang kɔ jong, ka koo keɓe. N kasɛ tɔ, waa bii nɛɛ shaa kana.

Luka 16:2

A yɔɔ ying ɓaa nyaa ka zang shonang hɛ̃ɛ wu tɔɔ, ‘N tãa ɓu nyaa vi ka yuu ɓaaɓɛ viya? Bee m naa ɓɔɔ mɔɔ palɛ shonang nɛɛ vuu naa mɛɛ ɓɛɛ ta, ka ruu ɓɔɔ, mɔɔ nwàng zang shonang mɛɛ takpang ɓɛɛ.’

Yɔhana 15:22

Naa n nɛ̀ɛ́ á tɔ, n nɛ̀ɛ́ ràng ri ruu tɔ kpang, zang nɛɛ tɔɔ kpang nɛɛ ri palɛ vuu shi kpang tɔ kpang. Kãntang keɓe, n a tɔ, n tusu ri vuu shi kpang tɔ ri ti yaa kpang, vuu ɓɔɔ ri kɔɔ ɓɛɛ takpang.

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

1 Timoti 1:13

Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

Titu 1:3

Ka ɓɔɔ diki a tɔ teetee Laa nwangsɛ rùu ruu suru bii keɓe, ka yeti yee ɓiɓɛ. Laa ɓɔɔ wukɔ ta yuu ɓuru, a m ruu keɓe, a kɔɔ m nɛɛ n kɔɔrɔ zang.

Yakubu 3:1

Manzung nɔ́ɔ nwàng zang ɓɔɔ ri tusu zang vuu kɔ nandon kpang, ka ruu ɓɔɔ nɔɔ zi tɔ wee ruu tusu zang vuu ɓee, zang naa jɛ̃ɛ ruu rúu ɓa ɓɔɔ zang piti katɔ ɓɛɛ.