Luka 12:33 - Nyaa Shɔɔ Ɓɔɔ Laa a Ɓɛɛ

³³ Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 12:33 ပူးပေါင်းရင်းမြစ်များ

Matiyu 19:21

A Yeesɔ kɔɔ wu tɔɔ, “Mɔɔ nɛɛ kasɛ nɛɛ mɔɔ nwang zang ɓɔɔ vuu shi kpang ɓi ka bii ɓiɓɛ gbete kpang, ka tĩng Laa, dita mɔɔ daa mãlɛ́ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang saka vuu ɓɔɔ mɔɔ malɛ ɓɛɛ kati. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Luka 11:41

Nɔɔ a zang ɓɔɔ vuu ka naa ɓarɛ kpang ɓɛɛ, vuu ɓɔɔ ka yeti waka manɛ ɓɛɛ. Vuu manɛ piti nwang ditɔ tɔ̃ɔ tɔ̃ɔ.

Luka 12:21

A Yeesɔ hangsɛ yee ɓiɓɛ kaa tɔɔ, “Zang ɓɔɔ ri kpàlɛ̀ yuu ɓarɛ vuu naa, a ka tĩng Laa, vuu naa ɓarɛ kagn kpang, ri naa nwang ɓarɛ doo naa yɔɔ kɔ doori.”

Luka 16:9

A Yeesɔ kɔɔ ri nɛɛ “N kɔ̀ɔ́ nɔɔ, nɔɔ yiki wusang nɛɛ zɔɔ nɛɛ vuu naa manɛ, ka ruu ɓɔɔ, nɛɛ naa waa nyaa tɔ, zang naa ta nɔɔ ka nɔng ɓɔɔ nɔɔ naa nwang dòndòng ɓɛɛ.

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Yɔhana 12:6

Kɔɔ ruu keɓe, wu ka ruu ɓɔɔ gn zang ɓɔɔ vuu ka naa kpang, kɔng wu katɔ kpang. Ɓi ka ruu ɓɔɔ, wu shɔngɓɔ ɓɛɛ. Wukɔ yiti duku ɓɔɔ ri tɛ̃ɛ saka ɓarɛ kagn, lee ɓɔɔ ti ɓɔɔrɔ saka kagn katɔ ɓɛɛ.

Zang Shonang Yeesɔ 2:45

Ri mãlɛ́ vuu ɓarɛ ri bàsɛ̀ saka nɛɛ zɔɔ. Ri a zang ɓu naa ɓɔɔ daa wu katɔ ɓɛɛ.

2 Koranti 8:2

Naa wee manzung ɓuru ɓɔɔ ri ka Makidoniya ri dang jĩng tɔ gbãng gbãng ɓee, ri tãa tĩnang doo nɛɛ mani diki diki. Naa wee vuu naa ɓarɛ kagn kpang tingkiring ɓee, ri a zang vuu doo nɛɛ mani nɛɛ yeti gbete.