Luka 12:32 - Nyaa Shɔɔ Ɓɔɔ Laa a Ɓɛɛ

³² “Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Luka 12:32 ပူးပေါင်းရင်းမြစ်များ

Matiyu 14:27

A Yeesɔ rang yee kaa tantɛnang nɛɛ ri, tɔɔ, “Nɔ́ɔ kaa vɔrɔ kpang. Ɓi nkɔ.”

Matiyu 20:16

A Yeesɔ naa hangsɛ nyaa kati tɔɔ, “Ka ruu nɔngkɔ, zang doo knti kɔ naa raa zang tĩng. Zang tĩng ri ti raa zang knti.”

Matiyu 25:34

Kpanti wu naa kɔɔ zang ɓɔɔ ri ka naa nakn ɓiɓɛ nɛɛ, ‘Zang ɓɔɔ Daa mɛɛ a ri tĩnang tãanang tɔ ɓɛɛ, nɔɔ a ta nɔ́ɔ ta vuu tɔ̃ɔ ɓɔɔ Daa mɛɛ shĩili nɔɔ, doo ka diki ɓɔɔ wu gaayu koo keɓe mãanang ɓɛɛ.

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Luka 10:21

Ka laa kaɓa, Yeesɔ dɔ̀ɔ Laa kati ka ruu tĩnang tãanang ɓɔɔ suru Laa a wu ɓɛɛ. A kɔɔyi tɔɔ, “N zãa mɔɔ tɔ Dada, Kpanti lapa nɛɛ tipi ka ruu ɓɔɔ, vuu ɓɔɔ mɔɔ wàasɛ̀ zang ɓɔɔ ri zũng katɔ, mɔɔ naa tusu zang ɓɔɔ ri zi vuu kpang ɓɛɛ. Nɔngkɔ Dada, wee naa ɓɔɔ mɔɔ kasɛ nɛɛ mɔɔ palɛ ɓɛɛ kɔ.

Yɔhana 18:36

Yeesɔ kɔɔyi tɔɔ, “Kpanti roonang mɛɛ nwáng ɓi nɛɛ koo keɓe kpang. Naa kpanti roonang mɛɛ nɛɛ ɓɔɔ koo keɓe, zang mɛɛ ri nɛɛ gáa nyaa kana. Zang nɛɛ á zang bang bang Yahudi n kpang. Kpanti roonang mɛɛ nwáng ɓi nɛɛ koo keɓe kpang.”

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

2 Tesalonika 1:11

Vuu ɓɔɔ shingnɛ ruu gaa nɔɔ Laa diki diki ɓɛɛ kɔ. Ruu kɔɔ Laa ɓuru nɛɛ wu shingnɛ nɔ́ɔ daa naa nwannang kɔ wu ɓàa nɔɔ nyaa nɛɛ nɔɔ nwang ɓee katɔ. Wu ti shingnɛ nɔɔ palɛ tɔ̃ɔ ɓɔɔ nɔɔ kasɛ nɛɛ nɔɔ palɛ ɓɛɛ nandon. Wu ti yi nɔɔ naa ka bii nɛɛ naa vuu palɛnang ɓiɓɛ, nɔ́ɔ nwang nwannang ɓɔɔ daa naa ɓɔɔ zang ɓɔɔ ri shing danggn tɔ ɓɛɛ.

2 Tesalonika 1:5

Vuu keɓe nandon tusu nɛɛ Laa jɛ̃ɛ zang ruu ɓi gn dang gbete kpang. Ka ruu nɔngkɔ, nɔɔ naa daa naa ɓɔɔ Laa nwang Kpanti manɛ katɔ. Vuu ɓɔɔ nɔɔ dang jĩng ka ruu ɓiɓɛ ɓɛɛ kɔ.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

2 Bituru 1:11

Ka gbalang keɓe kɔ, nɔɔ naa walɛ gbalang daanang nɔng ɓɔɔ kpanti ɓuru Yeesɔ Kirisi naa roo kpanti. Yeesɔ ɓɔɔ wukɔ ti ta yuu ɓuru ɓɛɛ. Ruu naa daa nwang nɛɛ wu ka nɔng kaɓa dòndòng.

Vuu ɓɔɔ zang nwangsɛ Yɔhana 1:6

A shing ruu, rúu nwang zang ɓɔɔ ri dɔɔrɔ vuu ka Gãa Laa, ɓɔɔ Laa kɔ ɓi kpanti ɓuru, a Laa ti Daa ɓiɓɛ ɓɛɛ. Bannang nɛɛ kpanti roonang wu nwang ɓɔɔ ɓiɓɛ dòndòng. Nɔngkɔ.

Vuu ɓɔɔ zang nwangsɛ Yɔhana 22:5

Nɔng zĩi ɓi ka nɔng kaɓa kpang. Ruu zang gari kaɓa hãa ɓi kagn nɛɛ waa zàáng sɔ̀ɔ nɛɛ làa tɔkn kpang, ka ruu ɓɔɔ, kpanti Laa nɛɛ yuu ɓiɓɛ wukɔ naa yakɛ ri nɔng ɓɛɛ. Ri naa roo kpanti jong gbinggbing.