Luka 12:19 - Nyaa Shɔɔ Ɓɔɔ Laa a Ɓɛɛ

¹⁹ Tɔ̀ɔ, n kɔɔ bii mɛɛ kati nɛɛ, ‘Mɔɔ walɛ vuu tɔ̃ɔ tɔ̃ɔ ɓɔɔ mɔɔ kasɛ ɓɛɛ tɔ, nung saa gaagaa. Nwang ta mɔɔ shaa vuu shaanang, mɔɔ ɓoo ɓɔɔ ɓoonang, mɔɔ tãa tĩnang kati.’

Luka 12:19 ပူးပေါင်းရင်းမြစ်များ

Luka 12:18

A kɔɔyi tɔɔ, ‘N zi vuu ɓɔɔ n palɛ ɓɛɛ tɔ. N jili bɔ̃nɔ mɛɛ ka tipi, n mã́arɛ̀ ɓɔɔgn bang bang. Tɔ̀ɔ, n kpalɛ vuu gbaa mɛɛ nɛɛ vuu naa mɛɛ kagn nandon.’

Luka 16:19

“Zang ying ɓɔɔ kagn, hãlɛ fɔ̃ɔrɔ ɓɔɔ shaa nyaa dɔɔli ta bii nwɛ̃ɛri pursung, a ti tãa ɓi tĩnang diki diki.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

1 Koranti 15:32

Ɓɔɔ bɛ̀ɛ́ n doo ka Afisa zang dɔɔli ri bɛ̃ɛ ruu mɛɛ. Nwang kaa naa ɓɔɔ n gaa nyaa nɛɛ zing ɓɔɔ ri shaa varɛ dɔɔli ɓɛɛ. Naa Laa nɛɛ wisi zang paa nɛɛ sàa kpang, n dàng jĩng nɔngkɔ ka ruu viya? Vuu keɓe nwǎng m ɓu viya? Naa zang nɛɛ naa yupaa tɔ̀ɔ́ nɛɛ sàa kpang, naa ɓɔɔ zang kɔɔrɔ ɓɛɛ, “Ruu shaa nɔɔ vuu shaanang, ruu tãa nɔɔ tĩnang, ka ruu ɓɔɔ ɓuru ruu vɔlɔ kaa tɔ ɓɛɛ.”

Filipi 3:19

Zang keɓe, ri daa ɓarɛ ka nɔng waa. Ka ruu ɓɔɔ, ɓi buru ɓarɛ kɔ nwang kaa naa Laa ɓarɛ, ri ti tuu yuu ɓarɛ ka rɛɛ vuu ɓɔɔ yusɛ̃ɛ nɛɛ tuu ri kagn kɔ jong ɓɛɛ. Ri rɛ̃rɛ ɓarɛ ka yuu rɛɛ vuu ɓɔɔ ka koo keɓe kɔ shɛ̃ɛning.

1 Timoti 5:6

A suvɔ ɓɔɔ nɛɛ shing jĩng ka tĩnang tãanang, naa nwang doo ningkãari, suru ɓiɓɛ vɔ ɓi tɔ.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

2 Timoti 3:4

Ri ɓarɛ zang ɓɔɔ mɔɔ shing gn ka bii ɓarɛ kpang. Ri naa rɛ̃̀rɛ̀ ka gbongkarɛ tɔ̀ɔ, ri pálɛ́ vuu kpang, ri naa lakɛ jĩng dɔɔli. Ri naa kasɛ vuu ɓɔɔ ri tãa tĩnang kagn ɓa ɓɔɔ ri kasɛ Laa katɔ.

Yakubu 5:5

Nɔɔ nwàng manɛ ka koo keɓe nɔɔ tãa tĩnang nɔɔ sháa vuu tɔ, nɔɔ ɔ̃rɛ naa napo ɓɔɔ gã diki ɓɔɔ zang naa yele ri kagn ɓɛɛ.

1 Bituru 4:3

Nɔɔ suukãng tɔ dɔɔli, ka nɔng ɓɔɔ nɔɔ palɛ vuu ɓɔɔ zang ɓɔɔ ri zi Laa kpang ri palɛ ɓɛɛ. Nɔɔ di nyaa ta ka nɔngkɔ. Ɓeleng nɔɔ nwang manɛ nwannang ɓɔɔ daa naa kpang ɓɛɛ. Nɔɔ palɛ manɛ vuu ɓɔɔ yeti manɛ kasɛ ɓɛɛ, nɔɔ ɓooro vuu ɓɔɔ si nɔɔ ɓɛɛ, nɔɔ gaarɛ zɔɔ nɔɔ tãa tĩnang diki diki, nɔɔ ɓooro sàa, nɔɔ ti bang vaka, vuu ɓɔɔ Laa dang nyaa nɛɛ nɔ́ɔ pálɛ̀ kpang ɓɛɛ.

Vuu ɓɔɔ zang nwangsɛ Yɔhana 18:7

Naa ɓɔɔ ɓeleng wu a yuu ɓiɓɛ bannang, a ti nwangnɛ tãa tĩnang ɓɛɛ, wu ti dang jĩng ta, wu ti zaa doo nɔngkɔ teetee. Ka ruu ɓɔɔ, kɔɔrɔ yuu ɓiɓɛ nɛɛ, ‘N m kpanti, n m suvɔ kpang. N kaa nyavɔ m kpang dòndòng ɓɛɛ.’ ”