Luka 12:15 - Nyaa Shɔɔ Ɓɔɔ Laa a Ɓɛɛ

¹⁵ A kɔɔ zang ɓɔɔ ri kpalɛ zɔɔ nandon tɔɔ, “Nɔɔ palɛ tɔ̃ɔ, nɔɔ gãng jĩng, ka jĩng shinnang ka vuu naa ning. Ka ruu ɓɔɔ, zang gãsɛ suru bii shɔnzang nɛɛ vuu naa ɓiɓɛ ɓɔɔ gaagaa kpang ɓɛɛ.”

Luka 12:15 ပူးပေါင်းရင်းမြစ်များ

Maraku 7:22

kasɛnang vuu ɓɔɔ wu ɓɔ̀ɔ́ zang kpang nɛɛ gɔ̃ɔ kãanang, nɛɛ zang nwãarɛnang, nɛɛ vuu yusɛ̃ɛ palɛnang, nɛɛ sũnyaa kaanang, nɛɛ yee shi kpang rannang ka yuu zang, nɛɛ yuu tuunang, nɛɛ vuu ɓɔɔ zang palɛ naa shoko, nwáng ɓi nɛɛ yeti shɔnzang.

Luka 12:16

A kɔɔ ri ruu kaa nɛɛ nyaa vuu jeenang tɔɔ, “Zang vuu naa ɓɔɔ kagn, lang jaa, a walɛ vuu shaanang dɔɔli.

Luka 16:14

Zang Farisi ɓɔɔ ri tãa vuu ɓɔɔ Yeesɔ kɔɔrɔ nandon naa weɓe, ri ɓàa wu zaa ka bii, ka ruu ɓɔɔ, ri kasɛ saka dɔɔli ɓɛɛ.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Luka 8:14

Jĩng vuu ɓɔɔ ri shili ka teteng kɔkɔ, ri nwang naa zang ɓɔɔ ri tãa Ruu Laa ɓɛɛ. Ri dũng kana, a rɛ̃rɛnang ka yuu vuu ɓɔɔ ka koo keɓe, nɛɛ vuu naa kasɛnang naa mulu Ruu Laa ɓɔɔ ri tãayi. A Ruu Laa ɓɔɔ ri tãayi nwang ri vuu ɓɔɔ kaa takpang.

1 Koranti 6:10

Zang ɓɔɔ ri ɓɔ̀ɔ́ shɔngɓɔ, zang ɓɔɔ ri shing jĩng ka vuu zang, zang ɓɔɔ sàa si ri, zang ɓɔɔ ri rangkɛ yee shi kpang ka yuu zang ɓɔɔ, zang ɓɔɔ ri mulu zang, nɛɛ zang piti ɓɔɔ ri palɛ rɛɛ zɔ̃ng vuu shi kpang keɓe, ri daa nɔng ɓɔɔ Laa roo kpanti kpang.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

2 Timoti 3:2

Ka diki keɓe, zang ri naa kàsɛ́ yuu ɓarɛ kɔ shɛ̃ɛning, ri naa kɔng jĩng nɛɛ vuu ɓarɛ, ri kɔ̀ɔrɔ́ ruu bang bang ka yuu ɓarɛ, ri naa tuu bii dɔɔli, ri naa dãlɛ zang, ri naa ɓaa shoo ka nyaa zang ɓɔɔ yiki ri kpang, ri naa zã̀a zang kpàng, ri ti naa dũng Laa kpang, ri pálɛ̀ vuu ɓɔɔ Laa kasɛ ɓɛɛ kpang.

Yahudi 13:5

Ka nwannang manɛ, nɔɔ tɔɔ kpang nɛɛ, nɔɔ shing jĩng ka saka kasɛnang kpang. Vuu ɓɔɔ ka naa manɛ, wu tiisi nɔɔ katɔ. Ka ruu ɓɔɔ, Laa kɔɔyi nɛɛ, “N yàasɛ̀ mɔɔ gn naa kpang, n ti yaa mɔɔ kpang ɓɛɛ.”

2 Bituru 2:14

Ri pɛ̃ɛrɛ vuu ɓɔɔ ɓarɛ kpang, diki diki jĩng ɓarɛ ɓi ka zang soro ɓɔɔ ri rakɛ, wàázaa ɓɛɛ, tɔ̀ɔ, ri palɛ dũndũng nɛɛ ri. Ri lee vuu shi kpang palɛnang ɓarɛ kpang. Naa ri zi zang ɓɔɔ shii ka gbalang Laa nɛɛ kaka kpang, ri nwãarɛ ri, ri shing ri, ri palɛ vuu shi kpang. Ri shing jĩng ɓarɛ ka vuu zang kɔ diki, diki. Zɔ̃ng zang ɓɔɔ naa weɓe, Laa dɔng ri ruu ɓarɛ tɔ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.