Luka 11:43 - Nyaa Shɔɔ Ɓɔɔ Laa a Ɓɛɛ

⁴³ “Jĩng dannang kagn yuu manɛ Farisi. Ka ruu ɓɔɔ, nɔɔ kasɛ nɔng nwannang ɓɔɔ tɔ̃ɔ tɔ̃ɔ ka gãa zɔɔ kpalɛnang, nɛɛ nɔɔ ti kasɛ nɛɛ zang jee nɔɔ nyaa, zang a nɔɔ bannang kagn ka lumang ɓɛɛ.

Luka 11:43 ပူးပေါင်းရင်းမြစ်များ

Matiyu 11:16

“N gãsɛ zang koo jaa knti keɓe, ɓu nɛɛ viya? Ri nwang naa wujɛ ɓɔɔ tãa shoo kpang, ɓɔɔ ri nwalɛ ka lumang, ri ɓaa nyaa ka rɛɛ ɓeesang pĩirinang ɓɛɛ nɛɛ,

Luka 20:46

Kɔɔ ri tɔɔ, “Nɔɔ gãng jĩng ka zang ɓɔɔ ri tusu zang vuu ɓɛɛ waasɛ̃. Ri kasɛ rakɛnang nɛɛ fɔ̃ɔrɔ puru, a ri ti kasɛ nyaa jeenang ka lumang. Ri kasɛ nɛɛ zang a ri nɔng nwannang bang ka gãa zɔɔ kpalɛnang, nɛɛ nɔng ɓɔɔ zang kpalɛ yuu, zang shaa vuu shaanang ɓɛɛ.

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

Filipi 2:3

Nɔ́ɔ kàsɛ̀ wu yuu manɛ kɔ shɛ̃ɛning kpang, nɔ́ɔ ti tuu yuu manɛ kpang. Risi yuu ɓaaɓɛ naa vuu ɓɔɔ kpang, mɔɔ zì zang ɓɔɔ naa ri ɓa mɔɔ katɔ.

3 Yɔhana 1:9

N bèe nɔɔ ɓɔɔ nɔɔ dũng Laa labeenang ɓɔɔ kagn, a Diyotirifi ɓɔɔ tuu yuu ɓiɓɛ nɛɛ wukɔ bang, kasɛ nɛɛ wu ɓaa shoo ka yee ɓɔɔ n bèe nɔɔ kpang.