Luka 11:29 - Nyaa Shɔɔ Ɓɔɔ Laa a Ɓɛɛ

²⁹ Zang dɔɔli ri álɛ̀ kana gń tɔkn, a Yeesɔ kɔɔ ri tɔɔ, “Zang koo jaa knti keɓe, ri ɓarɛ zang ɓɔɔ shi kpang ɓɛɛ. Ri kasɛ vuu ɓɔɔ zang zirɛ zang mã naa ka danggn ɓɛɛ. Zang ti pàlɛ̀ ri kpang. Zang tusu ri ɓɔ̀ɔ́ Yunana kɔ shɛ̃ɛning.

Luka 11:29 ပူးပေါင်းရင်းမြစ်များ

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Luka 11:16

Zang ɓɔɔ ri gãsɛ wu. Ri hɛ̃ɛ wu tɔɔ, “Tusu ruu vuu ɓɔɔ ruu zi kagn nɛɛ mɔɔ ɓaa zang ɓɔɔ Laa shong ɓɛɛ.”

Luka 11:50

Ka ruu nɔngkɔ, zang naa dǎng zang koo jaa knti keɓe kɔ jĩng, ka ruu zang nyaa shonang Laa ɓɔɔ zang nyɔ ri vɔrɔ ɓɛɛ, doo nɛɛ diki ɓɔɔ Laa gaayu koo keɓe mãanang, ɓɛɛ.

Luka 12:1

Zang ri kpalɛ zɔɔ ɓarɛ tɔ labang gaagaa, nɔng doo naanang kagn kpang. Ri vãlɛ kaa yuu zɔɔ. A Yeesɔ gaa tɔɔsung yee rannang kaa nɛɛ zang ɓɔɔ ri mantɛ vuu ka bii ɓiɓɛ kɔ shɔɔnang tɔɔ, “Nɔɔ gãng jĩng ka yisi zang Farisi. Yisi ɓarɛ ɓi nwãarɛnang ɓɔɔ ri nwãarɛ zang nɛɛ vuu palɛnang ɓɛɛ.

Luka 9:41

Yeesɔ kɔɔyi tɔɔ, “zang koo jaa knti keɓe, nɔɔ shi kpang. Nɔɔ shing danggn ka bii Laa rɛ̃rɛkɛ. Nɔɔ nɛɛ n nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Atɛ m jaa ɓaaɓɛ ta.”

Yɔhana 2:18

Zang bang bang, zang Yahudi ri kasɛ wu nyaa tɔɔ, “Vuu ɓɔɔ zang zirɛ zang mã naa ka danggn ɓɔɔ mɔɔ palɛ, tɔ̀ɔ, ruu zi kagn nɛɛ zang a mɔɔ naa vuu keɓe palɛnang tɔ ɓu viya?”

Yɔhana 6:30

A ri hɛ̃ɛ wu tɔkn tɔɔ, “A mɔɔ pálɛ́ ɓu vi ɓɔɔ ruu zirɛ ruu mã naa ka danggn, tɔ̀ɔ, ruu shing danggn kaa bii ɓaaɓɛ viya?

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

1 Koranti 1:22

Zang Yahudi ri kasɛ nɛɛ ri zi ɓarɛ, vuu ɓɔɔ zang zirɛ zang mã naa ka danggn ɓɛɛ, tɔ̀ɔ, ri zi kaa gn nɛɛ ruu keɓe niizang. Zang Heleni ri ti kasɛ ɓarɛ zũnang.