Luka 10:42 - Nyaa Shɔɔ Ɓɔɔ Laa a Ɓɛɛ

⁴² Vuu ɓɔɔ zang kasɛ ɓi gbete kɔ nwani. Marayamu ya ɓɔɔ tɔ̃ɔ ɓi tɔ. Zang ɓɔɔ ta kagn nɛɛ naa ɓiɓɛ tɔkn kpang.”

Luka 10:42 ပူးပေါင်းရင်းမြစ်များ

Maraku 8:36

Naa shɔnzang wàlɛ̀ vuu ɓɔɔ ka koo keɓe nandon, a loo suru bii ɓiɓɛ, vuu ɓɔ̀ɔ́ koo keɓe nwáng wu ɓu viya?

Luka 10:39

Jaa nàá Mata ɓɔɔ zang ɓaa nɛɛ Marayamu nwang ka tĩng Yeesɔ tãa vuu ɓɔɔ wu tusu ɓɛɛ.

Luka 11:1

Diki ɓɔɔ kagn Yeesɔ gaa Laa ka nɔng ɓɔɔ ɓɛɛ. Hangsɛ nyaa tɔ, a zang gbete ka teteng zang ɓɔɔ ri mantɛ vuu ka bii ɓiɓɛ arɛ naa kɔɔ wu tɔɔ, “Dabang, kpɛ̃ɛrɛ ruu naa ɓɔɔ ruu gaa Laa jong, naa ɓɔɔ Yɔhana kpɛ̃ɛrɛ zang ɓɔɔ ri mantɛ vuu ka bii ɓiɓɛ ɓɛɛ.”

Luka 12:20

A Laa naa kɔɔ yɔɔ tɔɔ, ‘Shoko kiɓi, lɛ̀ɛ́kɔ nɛɛ zĩi keɓe, mɔɔ vɔ kaa tɔ. Vuu kɔ mɔɔ shĩ̀lí ɓɛɛ, naa raa ɓu kaa ɓɔɔ wiya?’ ”

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 16:2

A yɔɔ ying ɓaa nyaa ka zang shonang hɛ̃ɛ wu tɔɔ, ‘N tãa ɓu nyaa vi ka yuu ɓaaɓɛ viya? Bee m naa ɓɔɔ mɔɔ palɛ shonang nɛɛ vuu naa mɛɛ ɓɛɛ ta, ka ruu ɓɔɔ, mɔɔ nwàng zang shonang mɛɛ takpang ɓɛɛ.’

Luka 16:25

“A Ibirayi kasɛ wu nyaa tɔɔ, ‘Man jaa, ɓɔɔ bɛ̀ɛ́ mɔɔ doo ka koo mɔɔ walɛ vuu tɔ̃ɔ, Liyazaru walɛ vuu tɔ̃ɔ ɓi kpang. Kãntang keɓe Liyazaru tãa ɓi kaa tĩnang ka nihn, mɔɔ ti dang ɓaa kaa jĩng.

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Luka 8:18

“Ka ruu nɔngkɔ, nɔɔ gãng jĩng ka naa ɓɔɔ nɔɔ tãa yee Laa ɓɛɛ ning. Nɔɔ gãng jĩng kagn, ka ruu ɓɔɔ zang ɓɔɔ vuu ɓiɓɛ kagn, zang naa gisi wu ɓɔɔgn ditɔ. A zang ɓɔɔ vuu ɓiɓɛ tɔkɔlɔng, zang naa ta ɓɔɔ tɔkɔlɔng ɓɔɔ wu shing danggn kagn, ka naa ɓiɓɛ ditɔ.”

Yɔhana 11:1

Yɔɔ ɓɔɔ kagn roo gãa ka Bɛtani, zang ɓaa wu nɛɛ Liyazaru. Vuu pálɛ́ wu katɔ. Bɛtani ɓi gari rɛɛ Marayamu nɛɛ jaa niiɓɛ zang soro ɓɔɔ zang ɓaa wu nɛɛ Mata ɓɛɛ.

Yɔhana 11:19

zang tipi Yahudi dɔɔli ri a tɔ, nɛɛ ri jee Marayamu nɛɛ Mata nyavɔ jaa nàá ɓarɛ.

Yɔhana 12:3

A Marayamu tuu nung ɓɔɔ shaa nyaa dɔɔli, ɓɔɔ ti a sɛ̃ɛ tɔ̃ɔ, ɓɔɔ zang palɛ nɛɛ dĩiri laa ɓɔɔ zang ɓaa nɛɛ naadi kɔ shɛ̃ɛning ɓɛɛ. Túu nung, a tungku ka doo Yeesɔ, ti alɛ doo bìí nɛɛ suuyuu ɓiɓɛ. Sɛ̃ɛ nung ta yeti gãa kaa gbayi gbayi.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

1 Koranti 13:3

Naa n tuu doo vuu naa mɛɛ nandon, n bàsɛ̀ zang ɓɔɔ vuu naa ɓarɛ kagn kpang ɓɛɛ. A n ti kasɛ tɔ nɛɛ zang tuu m zang dɔɔ m ka waa. Naa n kasɛ zang kpang, vuu keɓe ri nwang m vuu ɓɔɔ kpang.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.