Luka 10:37 - Nyaa Shɔɔ Ɓɔɔ Laa a Ɓɛɛ

³⁷ A yɔɔ ɓɔɔ zi labeenang Laa dɔɔli kasɛ wu nyaa tɔɔ, “Yɔɔ Samariya ɓɔɔgn yɔɔ kɔng wu ɓɛɛ.” A Yeesɔ risi nyaa kɔɔ wu tɔɔ, “Dita mɔɔ daa palɛ jong naa yɔɔ Samariya kaɓa.”

Luka 10:37 ပူးပေါင်းရင်းမြစ်များ

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 23:23

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ a Kpanti Laa vuu gbete ka yeti kopi vuu ɓɔɔ nɔɔ langkɛ naa rɛɛ zitaa, nɛɛ seteng, a ɓɔɔ yaaji kɔ̃ɔlaa ɓɛɛ katɔ nandon. A nɔɔ dũng ruu bang ɓɔɔ ka yeti labeenang Kpanti Laa ɓɛɛ kpang. Kpanti Laa kasɛ nɛɛ nɔɔ jɛ̃ɛ zang ruu tɔ̃ɔ. Nɛɛ gn zang wu ti kɔng nɔɔ katɔ, nɛɛ nɔɔ ti kɔɔ ruu ɓɔɔ niizang ɓɛɛ. Nɔɔ palɛ vuu keɓe nɛɛ ɓɔɔ nimbang ning.

Luka 10:36

A Yeesɔ hɛ̃ɛ yɔɔ ɓɔɔ zi labeenang Laa dɔɔli kaɓa tɔɔ, “Ɓu wi ka teteng zang taati kaɓa ɓɔɔ tusu nɛɛ wukɔ ɓeezung yɔɔ ɓɔɔ zang ɓɔɔ ri ta zang vuu nɛɛ ɓangge ri nyɔ wu ka gbalang kaɓa wiya?”

Luka 10:38

Yeesɔ ri daa kana gbalang nɛɛ zang ɓɔɔ ri mantɛ vuu ka bii ɓiɓɛ a naa hãa nyaa ka jaa gari. A jaa soro ɓɔɔ zang ɓaa wu nɛɛ Mata, ta wu zanti ka yeti gãa ɓiɓɛ.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.