Luka 10:21 - Nyaa Shɔɔ Ɓɔɔ Laa a Ɓɛɛ

²¹ Ka laa kaɓa, Yeesɔ dɔ̀ɔ Laa kati ka ruu tĩnang tãanang ɓɔɔ suru Laa a wu ɓɛɛ. A kɔɔyi tɔɔ, “N zãa mɔɔ tɔ Dada, Kpanti lapa nɛɛ tipi ka ruu ɓɔɔ, vuu ɓɔɔ mɔɔ wàasɛ̀ zang ɓɔɔ ri zũng katɔ, mɔɔ naa tusu zang ɓɔɔ ri zi vuu kpang ɓɛɛ. Nɔngkɔ Dada, wee naa ɓɔɔ mɔɔ kasɛ nɛɛ mɔɔ palɛ ɓɛɛ kɔ.

Luka 10:21 ပူးပေါင်းရင်းမြစ်များ

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Matiyu 21:16

A ri hɛ̃ɛ Yeesɔ tɔɔ, “Mɔɔ tãa vuu ɓɔɔ wujɛ keɓe, ri kɔɔ ɓu tɔ ya?” Yeesɔ kasɛ ri nyaa tɔɔ, “Nn, nɔɔ gã gngn ka yeti labeenang Laa kpang ya? Zang beeyi nɛɛ, “ ‘Laa kpɛ̃ɛrɛ wujɛ seseere naa ɓɔɔ ri dɔɔ wu tɔ̃ɔ tɔ̃ɔ ɓɛɛ.’ ”

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Maraku 10:15

N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ ta Laa nɛɛ wukɔ Kpanti naa jaa tɔkɔlɔng kpang, Laa naa nwang Kpanti ɓiɓɛ kpang.”

Luka 15:5

Nɛɛ ĩi tɔ, tãa tĩnang dɔɔli. Tuuyi wu lu ka zã̀ngzã̀ng wu a gãa kaa nɛɛ mani.

Luka 15:9

Nɛɛ ĩi tɔ wu daa ɓaarɛ nyaa, ka rɛɛ ɓeesang nɛɛ zang ɓɔɔ ri roo nyaa gãa gbete, nɛɛ ri naa shaa vuu shaanang, ri tãa tĩnang nɛɛ wu, ka ruu ɓɔɔ, wu ĩi saka ɓiɓɛ tɔ ɓɛɛ.

Yɔhana 11:41

Ka ruu nɔngkɔ, ri dɔ̃ tari ri yaa nɔng. A Yeesɔ tuu jĩng ka lapa kɔɔyi tɔɔ, “Daa mɛɛ, n zãa mɔɔ tɔ, ka ruu ɓɔɔ, mɔɔ tãa m tɔ ɓɛɛ.

2 Koranti 4:3

Naa zang ɓɔɔ kagn, rúu kɔ ruu kɔɔrɔ ɓee, kpãa ri nyaa zinang katɔ. Zang keɓe, ɓi zang ɓɔɔ ri shaarɛ katɔ ɓɛɛ kɔ shɛ̃ɛning.

Afisa 1:11

Laa zɔ̃ngkɔ ruu ɓɔɔ ruu shing danggn tɔ ka bii Yeesɔ Kirisi ɓɛɛ, nɛɛ ruu nwang zang ɓiɓɛ. Laa zɔ̃ngkɔ ruu ɓi tɔ doo tɛ̃ɛ tɛ̃ɛ, nɛɛ ruu nwang zang ɓiɓɛ, ka ruu ɓɔɔ, wee ɓi vuu ɓɔɔ wu kasɛ ɓɛɛ kɔ ɓɛɛ. Laa kɔ palɛ vuu piti wu daa gbete nɛɛ vuu ɓɔɔ wu mangnɛ, a wu ti kasɛ doo ka ting ɓɛɛ.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.