Luka 1:78 - Nyaa Shɔɔ Ɓɔɔ Laa a Ɓɛɛ

⁷⁸ Ka ruu ɓɔɔ, gn zang kɔng Laa ɓuru dɔɔli ɓɛɛ. Naa shong nyaa nɛɛ zang ɓɔɔ naa ta yuu ɓuru ɓɔɔ naa nwáng naa làa ɓɔɔ nwáng ɓɛɛ.

Luka 1:78 ပူးပေါင်းရင်းမြစ်များ

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Afisa 5:14

Ka ruu ɓɔɔ, vuu ɓɔɔ zang zi katɔ piti, nwang ɓi naa nɔng yakɛnang ɓɛɛ. Ka ruu nɔngkɔ, zang kɔɔyi nɛɛ, “Hingsi jĩng, zang ɓɔɔ roo katɔ ɓɛɛ, a mɔɔ yupaa ka vɔrɔ, Kirisi wu yakɛ nɔng ka yuu ɓaaɓɛ.”

Filipi 1:8

Laa zi tɔ niizang nɛɛ n kasɛ nɔɔ katɔ dɔɔli, naa ɓɔɔ Yeesɔ Kirisi kasɛ ruu ɓɛɛ.

Filipi 2:1

Wee nɔɔ shing danggn tɔ ka bii Kirisi ɓee, danggn shinnang keɓe zàrɛ́ nɔɔ kana, nɛɛ nɔɔ kasɛ ruu zɔɔ ya? Kasɛnang ɓɔɔ wu kasɛ nɔɔ mã nɔɔ danggn katɔ ya? A nɔɔ ti nwang ka nyaa zɔɔ nɛɛ Suru Laa ya? Nɔɔ kasɛ katɔ ka yeti manɛ nɛɛ nɔɔ pálɛ̀ zɔɔ tɔ̃ɔ ya? A gn zɔɔ ti kɔng nɔɔ katɔ ya?

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

2 Bituru 1:19

Ka ruu nɔngkɔ, ruu zi tɔ nɛɛ, rúu ɓɔɔ zang nyaa shonang Laa ri kɔ̀ɔrɔ̀, ɓi niizang kɔ nwani. Naa nɔɔ ɓaa shoo ka ruu keɓe waasɛ̃, wukɔ tɔ̃ɔ, ka ruu ɓɔɔ, ruu kaɓa nwàng naa waa zàáng sɔ̀ɔ ɓɔɔ yakɛ ka nɔng ɓɔɔ tɔ̀ɔ katɔ, nɔng gãntɛ nɛɛ mani ɓɛɛ. Ka diki keɓe, ɓɔɔ Kirisi ɓɔɔ wukɔ sang yuu gãndi naa arɛ, nɔɔ naa zi vuu piti kaa wukɔ gbayi gbayi.

1 Yɔhana 3:17

Naa zang ɓɔɔ vuu naa ɓiɓɛ dɔɔli, zi ɓeezung ɓɔɔ dang jĩng, a raa wu yuu knti, ruu zang kasɛnang ɓɔɔ Laa a shɔnzang, kagn yeti ɓiɓɛ ya?

Vuu ɓɔɔ zang nwangsɛ Yɔhana 22:16

Yeesɔ ti kɔɔyi nɛɛ, “Nkɔ Yeesɔ, n shong zang nyaa shonang mɛɛ ɓɔɔ ka lapa ɓɛɛ tɔ, ka nɔng manɛ nɛɛ wu kɔɔ nɔɔ vuu keɓe, ka rɛɛ gãa Laa ɓɔɔ zang ɓɔɔ ri dũng Laa ri kpalɛ zɔɔ kagn ɓɛɛ. N m zɔ̃ng zang kpanti Dawuda. Nkɔ ti sang ɓɔɔ yakɛ nɔng nɛɛ yuu gãndi ɓɛɛ.”