Luka 1:42 - Nyaa Shɔɔ Ɓɔɔ Laa a Ɓɛɛ

⁴² a Alisabatu mɛɛ nyaa ka lapa nabm tɔɔ, “Ka teteng zang soro ɓɔɔ ka koolaa keɓe nandon, zang ɓɔɔ Laa a wu tĩnang tãanang ɓa ɓɔɔ wu a mɔɔ ɓɛɛ kagn kpang. A Laa ti á jaa ɓɔɔ mɔɔ naa yirɛ tĩnang tãanang tɔ.

Luka 1:42 ပူးပေါင်းရင်းမြစ်များ

Luka 1:28

Zang nyaa shonang Laa ɓɔɔ ka Lapa arɛ naa kɔɔ wu tɔɔ, “N jee mɔɔ nyaa, zang ɓɔɔ Laa zɔ̃ng ka teteng zang soro ɓɛɛ. Laa ɓi nɛɛ mɔɔ ning.”

Luka 1:41

Ɓɔɔ Alisabatu tãa nyaa ɓɔɔ Marayamu jee wu hn, jaa ɓɔɔ wu tuu ka yeti ruutu bii. A Suru Laa naa arɛ nwang ka yeti Alisabatu,

Luka 1:43

A ka ruu vi Laa yaa mɔɔ nàá Kpanti mɛɛ, nɛɛ mɔkɔ mɔɔ a ka bii mɛɛ jong viya?

Luka 1:48

Ka ruu ɓɔɔ, gn mɛɛ kɔng wu ɓɔɔ n jaafoo ɓiɓɛ ɓɛɛ. Vuu ɓɔɔ gaayu lɛɛkɔ keɓe, zang koolaa keɓe nandon nɛɛ zang koo jaa knti ri kɔɔ ditɔ nɛɛ Laa a m tĩnang tãanang m tɔ.

Luka 19:38

Ri kɔɔrɔ kana nɛɛ, “Laa wu a Kpanti ɓɔɔ a nɛɛ nung Kpanti Laa tĩnang tãanang. Nwannang ka nyaa zɔɔ kagn lapa. Zang wu ti dɔɔ Laa ɓɔɔ ka lapa kpala kpala ɓɛɛ ta.”

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.