Kolosi 4:8 - Nyaa Shɔɔ Ɓɔɔ Laa a Ɓɛɛ

⁸ N shong wu ka bii manɛ, ka ruu ɓɔɔ, n kasɛ wu kɔɔ nɔɔ naa ɓɔɔ ruu nandon ruu nwang ɓɛɛ, tɔ̀ɔ, sisĩng wu valɛ nɔɔ kati.

Kolosi 4:8 ပူးပေါင်းရင်းမြစ်များ

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

2 Koranti 1:4

Mã́ ruu danggn ka ɓɔɔ ruu dang jĩng ɓɛɛ, tɔ̀ɔ, ruu zunung naa ɓɔɔ ruu mã zang ɓɔɔ ri dang jĩng ka zɔ̃ng zɔ̃ng danggn kaa jong ɓɛɛ. Zɔ̃ng danggn ɓɔɔ Laa mã ruu ɓɛɛ.

2 Koranti 12:18

N gàa Titu nɛɛ wu daayi, a n shong manzung ɓuru ɓɔɔ dũng doo Laa kɔ ɓɛɛ nɛɛ, wu daa nɛɛ wu. Titu shaa nɔɔ katɔ ya? Ruu nɛɛ Titu ruu palɛ vuu ɓuru yeti gbete, a gbalang ɓuru ti gbete kpang ya?

2 Koranti 2:7

Kãntang keɓe, nɔɔ yaa wu gbalang ta, nɔɔ mã wu danggn, tɔ̀ɔ, rɛ̃rɛnang dɔɔli wu ɓa kaka ɓiɓɛ kpang.

Afisa 6:22

Ka ruu rúu keɓe kɔ, n shong wu ka bii manɛ, wu kɔɔ nɔɔ naa ɓɔɔ ruu nandon ruu nwang ɓɛɛ. Tɔɔ wu mã nɔɔ danggn kati.

Filipi 2:28

Ka ruu nɔngkɔ, n kasɛ katɔ gbãng gbãng n shong wu, wu naa ĩi nɔɔ, tɔɔ nɔ́ɔ tãa tĩnang nɔɔ nɛɛ zi wu tɔ tɔkn ɓɛɛ. Tɔ̀ɔ, yeti mɛɛ wu valɛ kaa jong.

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

1 Tesalonika 2:11

Nɔɔ zi tɔ ruu palɛ zang ɓu ka teteng manɛ naa ɓɔɔ dáa palɛ wujɛ ɓiɓɛ ɓɛɛ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

1 Tesalonika 4:18

Ka ruu nɔngkɔ, nɔɔ mã zɔɔ danggn nɛɛ ruu keɓe.

1 Tesalonika 5:11

Ka ruu nɔngkɔ, nɔɔ mã zɔɔ danggn, nɔɔ yi zɔɔ naa ka bii. Nɔɔ shing danggn kaa gbãng gbãng naa wee nɔɔ palɛ ɓee.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

2 Tesalonika 2:17

Wu mã nɔɔ danggn gbãng gbãng, tɔ̀ɔ, diki diki nɔɔ palɛ vuu ɓɔɔ tɔ̃ɔ, nɔɔ ti kɔɔrɔ ruu ɓɔɔ tɔ̃ɔ ɓɛɛ.