Kolosi 4:5 - Nyaa Shɔɔ Ɓɔɔ Laa a Ɓɛɛ

⁵ Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.

Kolosi 4:5 ပူးပေါင်းရင်းမြစ်များ

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

Maraku 4:11

Yeesɔ kɔɔ ri tɔɔ, “Laa a nɔɔ kɔ naa zinang ruu ɓɔɔ zang waasɛ katɔ ka yuu kpanti ɓɔɔ Laa rooyi ɓɛɛ, a vuu piti, zang tusu zang ɓɔɔ ri dũng Laa kpang ɓarɛ nɛɛ nyaa vuu jeenang.

Rooma 16:19

Zang piti ri tãa nyaa naa ɓɔɔ nɔɔ yiti Ruu Laa gbãng gbãng ɓɛɛ tɔ. Ka ruu nɔngkɔ, n tãa tĩnang manɛ. N kasɛ nɔɔ zũng katɔ ka ɓɔɔ nɔɔ palɛ vuu tɔ̃ɔ ɓɛɛ. Ruu manɛ wu hãa kagn nɛɛ vuu shi kpang, kpang.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Tesalonika 4:12

Ka naa weɓe kɔ, nɔɔ shing zang ɓɔɔ ri shing danggn gn kpang, ri seng nɔɔ. Nɔ̀ɔ ti shing jĩng tɔ̀ɔ́ ka bii zang ɓɔɔ, ka ruu vuu ɓɔɔ nɔɔ kasɛ ɓɛɛ kpang.

1 Timoti 3:7

Wu ti nwang zang ɓɔɔ, zang ɓɔɔ ri dũ̀ng Laa kpang, ri seng wu katɔ ɓɛɛ. Ka ruu ɓɔɔ nɛ̀ɛ́ nwáng vuu dãanang ka nɔng zang, nɛ̀ɛ́ ti watɛ ka yeti jàng ɓɔɔ shɛ̃ɛtang làng ɓɛɛ.

Yakubu 1:5

Zang ɓɔɔ nɛɛ zũng kpang, wu gàa Laa, Laa a wu zũnang katɔ, ka ruu ɓɔɔ Laa a zang piti vuu katɔ, ti a zang naa ka zingzing ɓɛɛ. Zãa zang vuu ɓɔɔ zang gaa ɓɛɛ kpang.

Yakubu 3:13

Ɓu wi zũng dɔɔli, a ti zi vuu dɔɔli ka teteng manɛ wiya? Wu palɛ vuu ɓɔɔ tɔ̃ɔ wu ti lakɛ jĩng kpang, tɔɔ zang zi zũnang ɓiɓɛ kati.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

1 Bituru 3:1

Doo nɔngkɔ, ɓɔɔ nɔɔ zang soro ɓɛɛ, nɔ́ɔ gãsɛ yuu nɛɛ varɛ manɛ kpang. Ka ruu ɓɔɔ, naa varɛ zang ɓɔɔ nɛɛ shing danggn ka Ruu Laa kpang, nwannang tɔ̃ɔ soro ɓiɓɛ shing wu katɔ, wu arɛ, wu dũng Ruu Laa naa nɔɔ rang ri yee dòo nɛɛ nyaa manɛ kpang ɓɛɛ.