Kolosi 4:18 - Nyaa Shɔɔ Ɓɔɔ Laa a Ɓɛɛ

¹⁸ Nkɔ Bulu, n bèe nyaa jeerenang keɓe nɛɛ naa mɛɛ. Danggn wu ning nɔɔ kpang, nɔɔ gàa m Laa katɔ, ka ruu ɓɔɔ, n doo ka sãa ɓɛɛ. Laa wu pàlɛ̀ nɔɔ tɔ̃ɔ.

Kolosi 4:18 ပူးပေါင်းရင်းမြစ်များ

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

Rooma 16:22

Nkɔ Tatiyu ɓɔɔ n bèe labeenang keɓe, n jée nɔɔ nyaa jong n m zang ɓɔɔ dũng doo Kirisi kɔ ɓɛɛ.

Rooma 16:23

Gaayu, zang ɓɔɔ n nwang ka gãa ɓiɓɛ, ɓɔɔ zang ɓɔɔ ri dũng Kirisi ri kpalɛ zɔɔ ka gãa ɓiɓɛ ɓɛɛ, jée nɔɔ nyaa jong. Erasitu ɓɔɔ zang gari ri shing saka ka naa ɓiɓɛ, nɛɛ manzung ɓuru Kpaatu ɓɔɔ dũng doo Kirisi kɔ, ri jée nɔɔ nyaa.

1 Koranti 16:21

Nkɔ Bulu, n bee nyaa kɔ n jee nɔɔ ɓee nɛɛ naa mɛɛ.

2 Koranti 13:14

Tɔ̃ɔ Kpanti Yeesɔ Kirisi, nɛɛ kasɛnang ɓɔɔ Laa kasɛ zang nɛɛ mani, nɛɛ nwannang ɓɔɔ zang nwang ka nyaa zɔɔ nɛɛ Suru Laa, wu nwang nɛɛ nɔɔ nandon.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Kolosi 4:3

Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.

2 Tesalonika 3:17

N bee vuu keɓe nɛɛ naa mɛɛ. Nkɔ Bulu, n jee nɔɔ nyaa. Wee naa ɓɔɔ n bee nung mɛɛ, n nɛɛ hangsɛ labeenang tɔ ɓɛɛ.

1 Timoti 6:21

Zang ɓɔɔ ri yáa danggn kɔ ri shing ka bii Laa ɓee tɔ, ka ruu ɓɔɔ, ri ɓaa shoo ka yee ɓɔɔ naa weɓe ɓɛɛ. N gaa Laa, wu pálɛ̀ nɔɔ tɔ̃ɔ nandon.

2 Timoti 1:8

Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

2 Timoti 4:22

Kpanti Yeesɔ Kirisi wu shingnɛ, mɔɔ tãa tĩnang, Laa wu palɛ nɔɔ tɔ̃ɔ nandon.

Titu 3:15

Zang ɓɔɔ ri nɛɛ n, ɓɔɔ ri dũng doo Laa kɔ, ri jee mɔɔ nyaa. Mɔɔ jèe ruu wusang ɓuru ɓɔɔ ri dũng doo Laa kɔ nyaa. Laa wu pàlɛ̀ nɔɔ tɔ̃ɔ nandon.

Yahudi 13:25

Laa wu pàlɛ̀ nɔɔ tɔ̃ɔ nandon. Nɔngkɔ.

Yahudi 13:3

Danggn zang ɓɔɔ zang mã ri ka sãa, wu ning nɔɔ kpang, nɔɔ nwang naa nɔɔ doo ka sãa kɔ nɛɛ ri. Danggn wu ti ning nɔɔ zang ɓɔɔ zang dang ri jĩng ɓɛɛ kpang, ka ruu ɓɔɔ, nɔɔ tá doo bii kɔ ɓɛɛ.