Kolosi 3:4 - Nyaa Shɔɔ Ɓɔɔ Laa a Ɓɛɛ

⁴ Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

Kolosi 3:4 ပူးပေါင်းရင်းမြစ်များ

Matiyu 13:43

A zang ɓɔɔ palɛ vuu ɓɔɔ Laa kasɛ, naa kɔlɔ ɓarɛ naa làa ka nɔng ɓɔɔ Daa ɓarɛ roo kpanti ɓɛɛ. Zang ɓɔɔ shoo ɓiɓɛ nɛɛ kagn wu tãayi.”

Luka 17:30

Naa nwáng doo nɔngkɔ, ka diki ɓɔɔ Jaa Shɔnzang nwang nyaa ɓɛɛ.

Yɔhana 11:25

Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yɔhana 14:3

N nɛɛ daa tɔ, n nɛɛ daa shĩili nɔng tɔ, n gbãayu kati. Ń naa see nɔɔ, nɔ́ɔ daa nwáng nɛɛ n, ka nɔng ɓɔɔ n kagn ɓɛɛ.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Rooma 8:18

N zi tɔ, jĩng kɔ ruu dang kãntang ɓee, daa naa ɓɔɔ zang gãsɛ nɛɛ bannang ɓɔɔ Laa naa a ruu ɓɛɛ kpang.

Rooma 8:19

Niizang, vuu ɓɔɔ Laa mã́arɛ̀ ɓɛɛ nandon, ri gã diki ɓɔɔ Laa naa nwàngsɛ́ wujɛ ɓiɓɛ bii ɓɛɛ.

1 Koranti 1:7

Ka ruu nɔngkɔ, vuu ɓɔɔ yàa nɔɔ tɔ̀ɔ́ kagn ka vuu ɓɔɔ Laa a zang kpang. Ka wee nɔɔ gã diki ɓɔɔ Kpanti ɓuru Yeesɔ Kirisi naa nwàngsɛ́ ruu yuu ɓiɓɛ tɔkn ɓee.

1 Koranti 15:43

Ɓɔɔ zang gbãayi, shi ka jĩng zang kpang, ti lakɛ naa ka bii kpang. Zang nɛɛ wisi wu kaa paa, bii raa kaa vuu ɓɔɔ shi dɔɔli ɓɛɛ. Ti lakɛ naa kaa gn bii ning.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Filipi 3:21

Nɛɛ a tɔ, naa palɛ shonang nɛɛ naa vuu palɛnang bang ɓiɓɛ ɓɔɔ shing zang piti ri palɛ vuu ka naa ɓɔɔ wu kasɛ ɓɛɛ. Naa kɔ̃̀sɔ́ bii ɓuru ɓɔɔ lakɛ naa ka bii kpang, ti vɔ katɔ keɓe, wu nwang kaa naa bii ɓiɓɛ ɓɔɔ bannang kagn ɓɛɛ.

1 Tesalonika 4:17

Tɔ̀ɔ, ɓɔɔ ruu doo ningkãari ka diki kaɓa, Laa naa sèé ruu, daa kaa nɛɛ ruu ka yeti sãmbong, wu daa lapa nɛɛ ruu. Ruu daa kpisi kpanti Yeesɔ yuu ka lapa. Ruu nwáng kaa nɛɛ Kpanti sasak.

1 Timoti 6:14

dũng nyaa ɓɔɔ zang dang mɔɔ ɓɛɛ nandon, tɔ̀ɔ, zang ɓɔɔ wu kɔɔ kaa tɔ̀ɔ́ nɛɛ mɔɔ pálɛ́ vuu shi kpang tɔ kpang, diki ɓɔɔ Yeesɔ Kirisi nwang nyaa kagn wu a nɛɛ mani.

2 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi, ka ruu ɓɔɔ, Laa kasɛ nɛɛ n nwang zang shonang ɓiɓɛ ɓɛɛ. Laa tɔɔ, n kɔɔ zang ruu, ka yuu suru bii ɓɔɔ wu a ruu nyaa nɛɛ wu naa a ruu ɓɛɛ. Suru bii keɓe, ɓɔɔ ɓuru, ka ruu ɓɔɔ, ruu ɓakɛ zɔɔ tɔ nɛɛ Yeesɔ Kirisi ɓɛɛ.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

1 Bituru 1:13

Ka ruu nɔngkɔ, nɔɔ yiti yuu manɛ waasɛ̃ nɔɔ kpalɛ bii tɔ̃ɔ. Nɔɔ ti shing manɛ gn dɔ̃ɔ gbete ka vuu ɓɔɔ Laa naa a nɔɔ ɓɛɛ, ka diki ɓɔɔ Yeesɔ Kirisi naa nwang nyaa ɓɛɛ.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

1 Yɔhana 5:12

Zang ɓɔɔ ta Jaa Laa ka yeti ɓiɓɛ, walɛ suru bii ɓɔɔ waa nyaa kpang tɔ. Zang ɓɔɔ ta Jaa Laa ka yeti ɓiɓɛ kpang, suru bii ɓɔɔ waa nyaa kpang, kagn bii ɓiɓɛ kpang.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 2:7

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu kɔ Suru Laa kɔɔ rɛɛ zang ɓɔɔ ri dũng Laa ɓee. Zang ɓɔɔ nɛɛ mã danggn nɛɛ ɓa vuu gãsɛnang yuu, n naa yaa wukɔ, wu shaa jĩng laa ɓɔɔ ra ka laa ɓɔɔ a zang suru bii ɓɔɔ waa nyaa kpang, ɓɔɔ ta ka yeti jaa ɓɔɔ Laa shĩili ɓɛɛ.”

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.

Vuu ɓɔɔ zang nwangsɛ Yɔhana 22:14

Tĩnang naa nwang ɓi ɓɔ̀ɔ́ zang kaɓa, ɓɔɔ ri sɔ̀ɔ́ fɔ̃ɔrɔ, tu kalang kalang ɓɛɛ. Zang naa yaa rikɔ, ri shɛ̃ɛ nɛɛ nyaa gãa gari kaɓa, ri daa yeti gari. Ri ti shaa jaa laa, ɓɔɔ a zang suru bii ɓɔɔ waa nyaa kpang ɓɛɛ.