Kolosi 3:19 - Nyaa Shɔɔ Ɓɔɔ Laa a Ɓɛɛ

¹⁹ Varɛ, nɔɔ kasɛ soro manɛ katɔ. Nɔ́ɔ palɛ ri hakaka kpang.

Kolosi 3:19 ပူးပေါင်းရင်းမြစ်များ

Luka 14:26

“Zang ɓɔɔ nɛɛ a ka bii mɛɛ, a kasɛ ruu mɛɛ ɓa ɓɔɔ wu kasɛ ruu diiɓɛ nɛɛ niiɓɛ nɛɛ ɓeeso, nɛɛ wujɛ ɓiɓɛ nɛɛ rɛɛ jaa niiɓɛ ɓɔɔ varɛ nɛɛ ɓɔɔ soro nɛɛ yuu ɓiɓɛ katɔ kpang, zunung ɓɔɔ wu nwang zang ɓɔɔ dũng m kpang.

Rooma 3:14

Nyaa ɓarɛ ɓi nyaa rĩiti kɔ shɛ̃ɛning, nɛɛ yee ɓɔɔ la katɔ ɓɛɛ.

Afisa 4:31

Nɔ́ɔ yiti zang ɓɔɔ ka yeti kpang, gnvɔ wu shàa nɔɔ nɛɛ zang ɓɔɔ kpang, mɔɔ lasɛ yeti nɛɛ zang ɓɔɔ kpang, nɔ́ɔ rangkɛ yee shi kpang ka yuu zang ɓɔɔ kpang. Nɔ́ɔ rɛ̃rɛ rɛ̃rɛnang ɓɔɔ shing nɔɔ, nɔɔ bɛ̃ɛ zang kpang tingkiring.

Afisa 5:25

Varɛ, nɔɔ kàsɛ́ soro manɛ naa ɓɔɔ Yeesɔ Kirisi kàsɛ̀ zang ɓɔɔ ri dũng wu, a á zang yuu ɓiɓɛ, nɛɛ zang nyɔ wu vɔrɔ ka ruu ɓarɛ ɓɛɛ.

Afisa 5:33

Zang ráng nɔkɔ ruu keɓe jong. Varɛ ɓu wu kasɛ ɓeeso naa ɓɔɔ wu kasɛ yuu ɓiɓɛ ɓɛɛ, a soro ɓu wu seng ɓeevɛ katɔ.

Kolosi 3:21

Zang ɓɔɔ nɔɔ yi wujɛ ɓɛɛ, nɔ́ɔ gbooro wujɛ manɛ kpang. Naa nɔɔ palɛ nɔngkɔ, ri yaa gn naa katɔ.

Yakubu 3:14

Nɔɔ nɛɛ kaa sũnyaa gbãng gbãng, nɔɔ nɛɛ ti kasɛ yuu manɛ dɔɔli ka yeti manɛ, nɔ́ɔ kɔɔrɔ ruu bang bang ka yuu manɛ kpang, nɔ́ɔ ti suu sèé ka ruu vuu ɓɔɔ niizang kpang.

1 Bituru 3:7

Ɓɔɔ nɔɔ varɛ zang ɓɛɛ, nɔɔ nwang nwannang tɔ̃ɔ nɛɛ soro manɛ, nɔɔ zi tɔ, ri lakɛ naa ka bii naa nɔkɔ kpang. Ka ruu nɔngkɔ, nɔɔ a ri bannang jong ka ruu ɓɔɔ nɔɔ nandon nɔɔ wàlɛ́ suru bii ɓɔɔ Laa a zang waati kɔ ɓɛɛ. Naa nɔɔ palɛ nɔngkɔ, vuu ɓɔɔ zãyi, Laa tãa gaanang ɓɔɔ nɔɔ gaa wu kpang ɓɛɛ kagn kpang.