Kolosi 3:15 - Nyaa Shɔɔ Ɓɔɔ Laa a Ɓɛɛ

¹⁵ Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

Kolosi 3:15 ပူးပေါင်းရင်းမြစ်များ

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Rooma 1:21

Ka ruu ɓɔɔ, ri zi Laa tɔ, a ri a wu bannang kaa takpang, nɛɛ wukɔ Laa kpang. Ri ti zã̀a wu kpang. A rɛ̃rɛnang ɓarɛ sɔ̀ɔ gbalang kpang. A yeti ɓarɛ tɔɔyi, ri zi vuu ɓɔɔ kaa takpang.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

1 Koranti 10:17

Ɓɔɔ ruu shaa borodi kaɓa, ruu dɔɔli, a borodi ɓɔɔ ruu shaayi, ɓi kaa gbete. Wukɔ tusu ruu nɛɛ ruu ɓuru gbete nɛɛ zɔɔ.

1 Koranti 7:15

Naa zang ɓɔɔ dũ̀ng Laa kpang kasɛ nɛɛ wu yaa zang ɓɔɔ wu gee ɓɛɛ katɔ, wu yaa wu. Ri nɛɛ yaa zɔɔ tɔ, zang ɓɔɔ dũng Laa ka teteng ɓarɛ, nɛɛ zang varɛ, nɛɛ ti zang soro, tá nyaa dannang kpang, ka ruu ɓɔɔ, Laa kasɛ nɛɛ ruu nwang ka nyaa zɔɔ ɓɛɛ.

2 Koranti 4:15

Vuu keɓe nandon, zang palɛ ka ruu manɛ kɔ. Tɔ̀ɔ, Laa nɛɛ pàlɛ̀ zang dɔɔli tɔ̃ɔ tɔ, nɛɛ ta yuu ɓarɛ tɔ, ri a Laa bannang kati, ri ti zãa wu.

2 Koranti 9:11

Ti shingnɛ, nɔɔ nwang zang ying, tɔ̀ɔ, nɔ́ɔ alɛ zang vuu kaa diki diki. Tɔ̀ɔ, zang dɔɔli ri zãa Laa kaa ruu vuu ɓɔɔ nɔɔ alɛ ri, nɛɛ bii ɓuru ɓɛɛ.

Afisa 4:16

Yeesɔ Kirisi kɔ zang bang zang ɓɔɔ ri dũng wu, ɓɔɔ ri nwang kaa naa bii ɓiɓɛ ɓɛɛ. Bii keɓe, Yeesɔ kɔ yiti nɔng gbete, a shing vuu ɓɔɔ ka bii piti ri palɛ shonang tɔ̃ɔ tɔ̃ɔ. Ka ɓɔɔ bii keɓe bangkɛ, wu lakɛ ka naa ɓɔɔ ri kasɛ ruu zɔɔ ɓɛɛ.

Afisa 4:4

Zang ɓɔɔ ri shing danggn tɔ ka bii Laa, ri kaa bii gbete, a Suru Laa ti gbete, naa ɓɔɔ gn shinnang ɓɔɔ Laa ɓaa nɔɔ nyaa ka ruu ɓiɓɛ ti doo gbete kɔ ɓɛɛ.

Afisa 5:1

Wee nɔɔ kaa wujɛ Laa, ɓɔɔ Laa kasɛ nɔɔ dɔɔli ɓee, nɔɔ nwáng nwannang naa ɓɔɔ Laa nwàng ɓɛɛ.

Afisa 5:20

Nɔ́ɔ zãa Daa ɓuru Laa diki diki, ka ruu vuu piti, nɛɛ nung Kpanti Yeesɔ Kirisi.

Kolosi 1:12

Tɔ̀ɔ, nɔ́ɔ dɔ̀ɔ Laa ɓɔɔ wukɔ Daa ɓuru kati, nɔɔ tãa tĩnang. Laa ɓɔɔ shingnɛ nɔɔ dàa naa ɓɔɔ nɔɔ wàlɛ́ vuu jong ka teteng vuu ɓɔɔ wu shing zang ɓiɓɛ ka nɔng ɓɔɔ wu roo kpanti kagn, ɓɔɔ yakɛ ɓi katɔ ɓɛɛ.

Kolosi 2:7

Nɔɔ ɓáa saara manɛ ka bii ɓiɓɛ, tɔ̀ɔ, nɔɔ bang kati. Tɔ̀ɔ, nɔɔ shii ka gbãng gbãng ka danggn ɓɔɔ nɔɔ shing ɓɛɛ, naa ɓɔɔ zang tusu nɔɔ ɓɛɛ. Nɔɔ ti zãa Laa ka yeti manɛ diki diki.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.

1 Tesalonika 5:18

Naa doo viya pálɛ̀ mɔɔ, zãa Laa katɔ. Wee naa ɓɔɔ Laa kasɛ nɛɛ nɔɔ nwangnɛ, ɓɔɔ nɔɔ ɓakɛ zɔɔ tɔ nɛɛ Yeesɔ Kirisi ɓɛɛ kɔ.

1 Timoti 2:1

Vuu ɓɔɔ n kɔɔ mɔɔ shɔɔnang keɓe. Gaa Laa mɔɔ ti bakɛ wu ka ruu zang piti. Mɔɔ ti zãa Laa ka ruu ɓarɛ nandon.

1 Timoti 6:12

Ĩi yuu kagn ka gbalang danggn kɔ ruu shing ɓee. Yiti suru bii ɓɔɔ waa nyaa kpang ɓɔɔ mɔɔ walɛ tɔ ɓɛɛ gbãng gbãng. Wee suru bii ɓɔɔ Laa ɓaa mɔɔ nyaa ka ruu ɓiɓɛ kɔ, ka ɓɔɔ mɔɔ kasɛ nyaa ka shoo zang dɔɔli nɛɛ mɔɔ shing danggn tɔ ka bii Yeesɔ Kirisi ɓɛɛ.

Yahudi 13:15

Rúu dɔ̀ɔ nɔɔ Laa diki diki nɛɛ bii Yeesɔ. Naa ruu dɔ̀ɔ́ Laa, nwang ɓi kaa vuu ɓɔɔ ruu dɔ̀ɔ́ wu ka waa ɓɛɛ. Wee ɓi kaa vuu ɓɔɔ koo nyaa ɓuru a wu ɓɛɛ kɔ, ka ɓɔɔ ruu kɔɔyi nɛɛ wukɔ Kpanti ɓɛɛ.

Vuu ɓɔɔ zang nwangsɛ Yɔhana 7:12

Ri kɔɔrɔ nɛɛ, “Ruu kasɛ tɔ, dɔ̀ɔnang nɛɛ bannang, nɛɛ zũnang nɛɛ zã̀anang nɛɛ zang sennang, nɛɛ naa vuu palɛnang nɛɛ kpanti roonang, ɓi ɓɔɔ Laa ɓuru gbinggbing. Wu nwang nɔngkɔ.”