Kolosi 3:14 - Nyaa Shɔɔ Ɓɔɔ Laa a Ɓɛɛ

¹⁴ Ka yuu rɛɛ vuu keɓe, nɔɔ kàsɛ̀ ruu zɔɔ katɔ. Zɔɔ kasɛnang kɔ ɓákɛ̀ vuu piti wu nwang gbete.

Kolosi 3:14 ပူးပေါင်းရင်းမြစ်များ

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

Yɔhana 15:12

N dang nyaa n tɔɔ, nɔɔ yi tĩng ka ɓɔɔ nɔɔ kàsɛ́ zɔɔ katɔ, naa ɓɔɔ n kasɛ nɔɔ ɓɛɛ.

Yɔhana 17:23

Naa ɓɔɔ n nwang nɛɛ ri, a mɔɔ nwang nɛɛ n ɓɛɛ. Tɔ̀ɔ, ri nwang kaa jong ka nyaa zɔɔ dɔ̃ɔ gbete. Tɔ̀ɔ, zang koo ri zi kati nɛɛ mɔkɔ shong m, nɛɛ mɔɔ ti kasɛ zang ɓɔɔ ri mantɛ vuu ka bii mɛɛ katɔ, naa ɓɔɔ mɔɔ kasɛ m ɓɛɛ.

Rooma 13:8

Zang ɓɔɔ wu dũ̀ng nɔɔ nyaa kɔ́pɔ́ vuu ɓɔɔ kpang. Zang ɓɔɔ wu dũng nɔɔ nyaa kɔ́pɔ́ ruu zang kasɛnang kɔ shɛ̃ɛning. Ka ruu ɓɔɔ, zang piti ɓɔɔ nɛɛ kasɛ ruu shɔnzang katɔ, dṹng vuu ɓɔɔ nyaa dannang Laa kɔɔ ɓɛɛ tɔ.

Afisa 1:4

Ɓɔɔ bɛ̀ɛ́ Laa mã́a koo gn kpang, zɔ̃ngkɔ ruu tɔ nɛɛ ruu nwang ɓɔɔ ɓiɓɛ, ka ɓɔɔ ruu shing danggn ka bii Yeesɔ Kirisi ɓɛɛ. Tɔ̀ɔ, ruu nwang zang ɓiɓɛ ɓɔɔ shi kpang ka bii ɓuru kpang ɓɛɛ ka tĩng ɓiɓɛ, ka ruu ɓɔɔ kasɛ ruu katɔ ɓɛɛ.

Afisa 4:3

Nɔɔ pálɛ́ vuu ɓɔɔ nɔɔ zunung katɔ piti, nɔ́ɔ shingnɛ yuu kpalɛnang ɓɔɔ Suru Laa shing nɔɔ nɛɛ nɔ́ɔ kpalɛ, wu tántɛ̀ kpang. Nɔɔ ɓakɛ yuu gbete ka nwannang ɓɔɔ nɔɔ nwang ka nyaa zɔɔ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

1 Tesalonika 4:9

Ka ruu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ɓɛɛ, daa naa ɓɔɔ ruu bee labeenang ka yuu ruu keɓe kpang. Ka ruu ɓɔɔ, nɔɔ nɛɛ yuu manɛ, Laa tusu nɔɔ naa ɓɔɔ nɔɔ kasɛ zɔɔ tɔ ɓɛɛ.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

Yahudi 6:1

Ka ruu nɔngkɔ, ruu ɓa nɔɔ vuu tĩng shɔɔnang ɓɔɔ zang tusu ruu ka yuu Kirisi ɓɛɛ, ruu kpɛ̃ɛrɛ kaa vuu ɓɔɔ kpãa katɔ ɓɛɛ, tɔ̀ɔ, ruu zũng danggn kati. Ruu gàa nɔɔ yuu tusunang tɔkn nɛɛ, zang ri kɔ̃sɔ yeti, zang yaa vuu shi kpang palɛnang ɓɔɔ raa zang vɔrɔ, zang ri shing danggn ka bii Laa ɓɛɛ kpang.

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

2 Bituru 1:7

Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:23

Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.

1 Yɔhana 4:21

Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.