Kolosi 3:11 - Nyaa Shɔɔ Ɓɔɔ Laa a Ɓɛɛ

¹¹ Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

Kolosi 3:11 ပူးပေါင်းရင်းမြစ်များ

Yɔhana 14:23

Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

Yɔhana 15:5

“Nkɔ laa inabi, nɔɔ manɛ kaa nasãng. Zang ɓɔɔ nɛɛ nwáng nɛɛ n, n nɛɛ ti nwang nɛɛ wu, wukɔ ra jaa dɔɔli. Ka ruu ɓɔɔ, n nɛɛ kpang, nɔɔ zunung vuu ɓɔɔ palɛnang kpang ɓɛɛ.

Yɔhana 17:23

Naa ɓɔɔ n nwang nɛɛ ri, a mɔɔ nwang nɛɛ n ɓɛɛ. Tɔ̀ɔ, ri nwang kaa jong ka nyaa zɔɔ dɔ̃ɔ gbete. Tɔ̀ɔ, zang koo ri zi kati nɛɛ mɔkɔ shong m, nɛɛ mɔɔ ti kasɛ zang ɓɔɔ ri mantɛ vuu ka bii mɛɛ katɔ, naa ɓɔɔ mɔɔ kasɛ m ɓɛɛ.

Zang Shonang Yeesɔ 15:17

tɔ̀ɔ, zang nimbang ri kãa Laa kati, nɛɛ zang ɓɔɔ ri zang Isirela kpang, ɓɔɔ zang ɓaa nung mɛɛ ka teteng ɓarɛ ɓɛɛ.

Zang Shonang Yeesɔ 28:2

Zang nɔng bìí ri palɛ ruu tɔ̃ɔ dɔɔli. Mii a kana, a sɔɔrɔ ti si katɔ, ka ruu nɔngkɔ, ri tee ruu waa. A ri ti jee ruu nyaa waasɛ̃.

Zang Shonang Yeesɔ 28:4

Ɓɔɔ zang gari Malita ri zi sɔkɔ ka naa Bulu, ri kɔɔrɔ zɔɔ tɔɔ, “Yɔɔ kaɓa zang ɓɔɔ nyɔkɔ zang vɔrɔ ɓɛɛ. Wɔ tɔ nɛɛ waapo, shi kpang ɓɔɔ wu palɛ zang dṹng wu doo naa, vɔ ditɔ nɛɛ mani.”

Rooma 1:14

N m zang ɓɔɔ pàlɛ́ zang piti shonang ɓɛɛ, zang Heleni nɛɛ zang ɓɔɔ ri zang Heleni kpang ɓɛɛ, zang ɓɔɔ ri bèe laa katɔ nɛɛ zang ɓɔɔ ri bèe laa kpang ɓɛɛ.

Rooma 10:12

Ruu keɓe muku zang piti, ka ruu ɓɔɔ, gbalang ɓɔɔ zang ta yuu zang Yahudi nɛɛ zang ɓɔɔ ri zang Yahudi kpang, ɓi gbete ɓɛɛ. Laa ɓi wukɔ Kpanti zang piti, shing zang piti ɓɔɔ ri gaa wu, ri walɛ vuu tɔ̃ɔ dɔɔli.

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

Rooma 3:29

Laa ɓi Laa zang Yahudi kɔ shɛ̃ɛning ya? Ɓi doo Làá zang ɓɔɔ ri zang Yahudi kpang kɔ doori kpang ya? Ɓi doo Laa ɓarɛ kɔ.

1 Koranti 12:13

Ruu doo nɔngkɔ. Zang ɓɔɔ kagn teteng ɓuru, ri ɓarɛ zang Yahudi, a zang ɓɔɔ ɓarɛ zang Yahudi kpang. Zang ɓɔɔ ri ɓarɛ jaafoo a zang ɓɔɔ ɓarɛ jaafoo kpang. Ruu nandon, ruu raa tɔ naa zang gbete, ka làa ɓɔɔ zang palɛ ruu batizima ɓɛɛ. Ka ruu ɓɔɔ ka diki kaɓa, Laa a ruu Suru ɓiɓɛ gbete kaɓa kɔ ɓɛɛ. Laa a ruu ɓi Suru gbete kaɓa kɔ nandon nɛɛ wu nwang ka yeti ɓuru.

1 Koranti 14:11

N nɛɛ tãa nyaa ɓɔɔ zang rang m kpang, n nwang kaa naa zang zanti ka bii zang ɓɔɔ rang m yee bii ɓɛɛ, a zang ɓɔɔ rang m yee kɛɓɛ ti nwang kaa naa zang zanti kɔ doori ka nɔng mɛɛ.

1 Koranti 7:19

Naa zang yee shaa katɔ, naa zang yee shaa doo kpang, palɛ vuu ɓɔɔ kpang. Vuu ɓɔɔ ɓa weɓe nandon, zang ri dũng rɛɛ nyaa ɓɔɔ Laa dang ɓɛɛ.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Afisa 1:23

Zang ɓɔɔ ri dũng Laa keɓe ri nwang kaa naa bii ɓiɓɛ. Rikɔ shingnɛ zang ri zi naa ɓɔɔ wu nwang ɓɛɛ dɔ̃ɔ gbete, ɓɔɔ wukɔ hangsɛ nyaa vuu piti ka nɔng piti ɓɛɛ.

Afisa 2:14

Ka ruu ɓɔɔ, Kirisi nɛɛ yuu ɓiɓɛ shing ruu tɔ, ruu nwang kaa nyaa zɔɔ, ka ɓɔɔ wu shíng zang Yahudi nɛɛ zang ɓɔɔ ri zang Yahudi kpang ri nwang kaa gbete ɓɛɛ. Wukɔ jili vuu ɓɔɔ basɛ ri, a ri shing jĩng nɛɛ zɔɔ kpang ɓɛɛ.

Afisa 2:15

Shing tɔ zang pálɛ̀ shonang tɔ̀ɔ́ nɛɛ nyaa dannang zang Yahudi nɛɛ vuu ɓɔɔ nyaa dannang keɓe kasɛ piti ɓɛɛ kpang. Palɛ nɔngkɔ nɛɛ tɔ̀ɔ, wu shingnɛ zɔ̃ng zang piti keɓe, ri nwang shɔnzang ɓɔɔ shɔɔ dɔ̃ɔ gbete, ka ɓɔɔ wu a zang bii ɓiɓɛ, zang nyɔ wu vɔrɔ ɓɛɛ. Ka naa weɓe kɔ, wu shing ri, ri nwang ka nyaa zɔɔ.

Afisa 3:17

Tɔ̀ɔ, Kirisi wu nwang kaa yeti manɛ ka ruu danggn ɓɔɔ nɔɔ shing ka bii ɓiɓɛ ɓɛɛ. N gaa Laa wu shingnɛ, nɔ́ɔ nwang naa laa ɓɔɔ dĩiri ɓiɓɛ yi naa tipi gbãng gbãng ka zɔɔ manɛ. Nɔ́ɔ ti nwang kaa naa gãa ɓɔɔ zang loo doo ɓiɓɛ ka yuu zɔɔ kasɛnang ɓɛɛ.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Afisa 6:8

Danggn wu ning nɔɔ kpang, kpanti naa sɔɔrɔ zang ɓu doo ditɔ, jaafoo nɛɛ zang ɓɔɔ ri jaafoo kpang ɓɛɛ, ka ruu tɔ̃ɔ ɓɔɔ zang ɓu palɛ ɓɛɛ.

Kolosi 2:10

a zang a nɔɔ vuu piti tɔ, nyaa kiiri ka ɓɔɔ nɔɔ ɓakɛ yuu nɛɛ wu ɓɛɛ. Yeesɔ kɔ zang bang ka yuu rɛɛ kpanti nɛɛ rɛɛ zang bang bang.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.