Kolosi 3:1 - Nyaa Shɔɔ Ɓɔɔ Laa a Ɓɛɛ

¹ Wee zang wisi nɔɔ paa tɔ nɛɛ Yeesɔ Kirisi ɓee, nɔɔ shing jĩng manɛ kaa rɛɛ vuu ɓɔɔ ka lapa ɓɛɛ. Ka nɔng ɓɔɔ Kirisi nwàng kagn ka nakn Laa ɓɛɛ.

Kolosi 3:1 ပူးပေါင်းရင်းမြစ်များ

Matiyu 22:44

“ ‘Kpanti Laa kɔɔ Kpanti mɛɛ tɔɔ, “Nwang ta naa nakn mɛɛ, n shing zang ɓɔɔ ri shing jĩng nɛɛ mɔɔ kpang ditɔ, mɔɔ naa ri nɛɛ doo ɓaaɓɛ.” ’

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Matiyu 6:20

Nɔɔ kpálɛ́ vuu naa manɛ ka nɔng Kpanti Laa ɓɔɔ ka lapa ɓɛɛ, ka nɔng ɓɔɔ tùurú nɛɛ sisaa ri lasɛ kpang ɓɛɛ. Shɔngɓɔ ri ti lasɛ nyaa gãa, ri ɓɔɔ kpang ɓɛɛ.

Matiyu 6:33

Vuu ɓɔɔ ɓa weɓe, nɔɔ kãa gbalang ɓɔɔ nɔɔ zirɛ nɛɛ Laa wukɔ Kpanti, nɔɔ ti palɛ vuu ɓɔɔ wu kasɛ ɓɛɛ ka gbongkarɛ, gisi nɔɔ vuu keɓe ditɔ jong nandon.

Maraku 12:36

Suru Laa kɔɔ nɛɛ nyaa Dawuda tɔɔ, “ ‘Kpanti Laa kɔɔ Kpanti mɛɛ tɔɔ, “Nwang ka naa nakn mɛɛ, n shing zang ɓɔɔ ri shing jĩng nɛɛ mɔɔ kpang ditɔ, mɔɔ naa ri nɛɛ doo ɓaaɓɛ.” ’

Maraku 14:62

Yeesɔ kasɛ wu nyaa tɔɔ, “Nn, nkɔ.” Nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 20:42

Dawuda nɛɛ yuu ɓiɓɛ bee ka yeti labeenang Zabura tɔɔ, “ ‘Kpanti Laa kɔɔ kpanti mɛɛ nɛɛ, “Nwang ka nakn mɛɛ,

Luka 22:69

Vuu ɓɔɔ yi nɛɛ lɛɛkɔ keɓe, Jaa Shɔnzang nwang ɓi kaa nakn Laa ɓɔɔ wukɔ palɛ vuu piti ɓɛɛ.”

Zang Shonang Yeesɔ 2:34

Ka ruu ɓɔɔ, Dawuda daa ka lapa kpang ɓɛɛ, a kɔɔ doo nɛɛ mani tɔɔ, ‘Kpanti Laa kɔɔ kpanti mɛɛ tɔɔ, “Nwang ka nakn mɛɛ,

Zang Shonang Yeesɔ 7:55

Suru Laa a ka bii Istifanu, ka ruu nɔngkɔ, tuu jĩng ka lapa, a zi bannang Laa nɛɛ Yeesɔ ɓɔɔ shii ka kagn ɓiɓɛ ɓɛɛ.

Rooma 8:34

Ɓu wi dɔ̌ng ri ruu wiya? Ɓi Yeesɔ Kirisi ɓɔɔ vɔrɛ, Laa wisi wu paa nɛɛ saa. Nwang ka nakn Laa. Wukɔ ti bàkɛ́ Laa ka ruu ɓuru.

Rooma 8:6

Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

2 Koranti 4:18

Ka ruu ɓɔɔ, ruu shing jĩng ɓuru ka vuu ɓɔɔ zang zì nɛɛ jĩng ɓɛɛ kpang. Ruu shing jĩng ɓuru ka vuu ɓɔɔ zang zi nɛɛ jĩng kpang ɓɛɛ. Vuu ɓɔɔ zang zì nɛɛ jĩng, nwang ɓi sasak kpang, ɓi vuu ɓɔɔ zang zi nɛɛ jĩng kpang kɔ nwang dòndòng.

Afisa 4:10

Ka ruu nɔngkɔ, zang ɓɔɔ daa ka tipi dii, ɓi wukɔ daa doori ka lapa kpala kpala, tɔ̀ɔ, wu nwáng kaa nɔng ɓɔɔ ka koo keɓe nandon.

Afisa 5:22

Zang soro ɓɔɔ zang gee nɔɔ katɔ ɓɛɛ, nɔɔ ɓáa shoo ka nyaa varɛ manɛ naa ɓɔɔ nɔɔ ɓaa ka nyaa Kpanti Yeesɔ ɓɛɛ.

Kolosi 2:20

Nɔɔ vɔ manɛ tɔ, nɛɛ Yeesɔ Kirisi, a zang ti ta yuu manɛ tɔ, nɛɛ naa rɛɛ nyaa dannang ɓɔɔ shɔnzang ri tusu ɓɛɛ. A ka ruu vi nɔɔ nwang nwannang naa nɔɔ manɛ zang koo keɓe viya? Ka ruu vi nɔɔ dũng rɛɛ nyaa ɓɔɔ zang dangnɛ nɛɛ,

Kolosi 3:2

Nɔɔ rɛ̃̀rɛ̀ manɛ ka yuu vuu ɓɔɔ ri ka nɔng kaɓa ɓɛɛ, wu ka yuu rɛɛ vuu ɓɔɔ ka koo ka nihn ɓɛɛ kpang.

Yahudi 1:13

Laa kɔɔ zang nyaa shonang ɓiɓɛ ɓɔɔ ri ka lapa gbete gngn kpang nɛɛ, “Nwang ka nakn mɛɛ ka gbongkarɛ. Ń risi zang ɓɔɔ ri shing jĩng nɛɛ mɔɔ kpang, ri nwang laa ɓɔɔ mɔɔ naa doo kagn ɓɛɛ,” kpang.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 10:12

A ka ɓɔɔ Kirisi, a Laa yuu ɓiɓɛ tɔ doo gbete ɓɔɔ dòndòng ka ruu rɛɛ vuu shi kpang, nwang tɔ ka nakn Laa.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 8:1

Gbãng gbãng ruu ɓɔɔ ruu kɔɔrɔ ɓɛɛ keɓe. Kpanti zang ɓɔɔ ri dɔɔ Laa vuu, ɓɔɔ ɓuru kagn naa weɓe, ɓɔɔ nwang ka nakn laa nwannang Kpanti Laa ɓɔɔ bannang piti ɓi ɓɔɔ ɓiɓɛ ɓɛɛ, ka lapa.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.