Kolosi 2:16 - Nyaa Shɔɔ Ɓɔɔ Laa a Ɓɛɛ

¹⁶ Ka ruu nɔngkɔ, zang ɓɔɔ wu dãa nɔɔ ka yuu vuu ɓɔɔ nɔɔ shaayi nɛɛ ɓɔɔ nɔɔ ɓooyi ɓɛɛ kpang. Kɔ́ ka yuu diki Laa, kɔ́ ka yuu vuu shaanang shala shɔɔ, kɔ́ ka yuu Diki Ɔ̃sɔnang.

Kolosi 2:16 ပူးပေါင်းရင်းမြစ်များ

Matiyu 15:11

Ɓi vuu ɓɔɔ zang shaa ka yeti kɔ raa zang, zang nwang zang shi kpang ka tĩng Laa Kpang. Yee ɓɔɔ nwang nɛɛ yeti nyaa zang kɔ, shing zang, zang nwang zang shi kpang ka tĩng Laa.”

Maraku 7:19

Ka ruu ɓɔɔ, daa ɓi ka ɓoro ɓiɓɛ kpang, daa ɓi ka buru ɓiɓɛ kɔ jong, wu naa nwang kaa nɛɛ dii.” (Yeesɔ kɔɔ naa weɓe, nɛɛ tɔ̀ɔ, zang wu zi kati nɛɛ vuu shaanang ɓi tɔ̃ɔ kɔ nandon.)

Zang Shonang Yeesɔ 15:20

Rúu bèe ri laa kɔ jong, rúu kɔɔ ri nɛɛ rí shaa vuu ɓɔɔ zang yee vaka kpang, ri rooro nɛɛ zang soro ɓɔɔ wu soro ɓarɛ kpang, kpang. Ri shaa vuu ɓɔɔ zang bɔ̃ɔ vɔ̃ɔrɔ katɔ ɓɛɛ kpang, ri ti shaa zĩi kpang.

Rooma 14:10

A mɔɔ dɔng ɓaazung, ɓɔɔ dũng doo Laa kɔ ruu ka ruu viya? A mɔɔ zí ɓaazung, ɓɔɔ dũng Laa kɔ naa vuu ɓɔɔ kpang ka ruu viya? Rùu nandon, ruu naa shii ditɔ ka tĩng Laa, wu dɔng rùu, rúu.

Galati 4:10

Nɔɔ shĩili diki ka ruu vuu shaanang nɔng mung shaanang, nɛɛ rɛɛ shala ɓɔɔ, nɛɛ laa ɓɔɔ, a ɓɔɔ sáa ɓɔɔ.

Kolosi 2:20

Nɔɔ vɔ manɛ tɔ, nɛɛ Yeesɔ Kirisi, a zang ti ta yuu manɛ tɔ, nɛɛ naa rɛɛ nyaa dannang ɓɔɔ shɔnzang ri tusu ɓɛɛ. A ka ruu vi nɔɔ nwang nwannang naa nɔɔ manɛ zang koo keɓe viya? Ka ruu vi nɔɔ dũng rɛɛ nyaa ɓɔɔ zang dangnɛ nɛɛ,

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yahudi 9:10

Rɛɛ vuu keɓe, ɓi ka yuu vuu shaanang nɛɛ vuu ɓoonang nɛɛ rɛɛ vuu sɔ̀ɔrɔ̀nang kɔ shɛ̃ɛning ka zɔ̃ng zɔ̃ng. Wee ɓi nyaa dannang ka ruu vuu ɓɔɔ zang palɛ ka bii biling kɔ shɛ̃ɛning, tɔ̀ɔ laa ɓɔɔ Laa naa kɔ̃sɔ vuu piti, wu a nɛɛ mani.

Yakubu 4:11

Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.