Kolosi 1:5 - Nyaa Shɔɔ Ɓɔɔ Laa a Ɓɛɛ

⁵ Nɔɔ palɛ naa wee waati kpang, nɔɔ palɛ ka ruu gn ɓɔɔ nɔɔ shing ka yuu vuu ɓɔɔ zang shing nɔɔ ka lapa, nɔɔ tãa nyaa vuu keɓe tɔ ka ting nɛɛ bìí Ruu Tɔ̃ɔ Laa ɓɔɔ zang kɔ̀ɔrɔ̀ nɔɔ ɓɛɛ.

Kolosi 1:5 ပူးပေါင်းရင်းမြစ်များ

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Rooma 10:8

Vuu ɓɔɔ zang kɔɔ keɓe, “Ruu ɓɔɔ Laa kɔ̀ɔ ɓɛɛ, ɓi nɛɛ mɔɔ naabm, ka yeti nyaa ɓaaɓɛ, ti kagn ka yeti ɓaaɓɛ.” Ɓi ruu ɓɔɔ ruu kɔɔ nɔɔ, nɛɛ tɔ̀ɔ, nɔɔ shing danggn ɓɛɛ kɔ.

1 Koranti 13:13

Vuu kagn taati ɓɔɔ ri waa nyaa ɓarɛ kpang ɓɛɛ. Vuu keɓe rikɔ danggn shinnang, nɛɛ gn ɓɔɔ zang yaa naa kpang ɓɛɛ, nɛɛ zang kasɛnang, ka teteng vuu taati keɓe, zang kasɛnang kɔ ɓa ri.

1 Koranti 15:19

Naa ruu shing jĩng ka bii Yeesɔ nɛɛ wu yi ruu naa ka bii ka ruu vuu koo keɓe kɔ shɛ̃ɛning, ruu nwáng vuu gn kɔnang ɓa zang piti.

2 Koranti 5:19

Vuu ɓɔɔ n kɔɔ keɓe, Laa kãa gbalang ɓɔɔ wu rìsí zang koo piti, ri nwang rɛɛ wusang ɓiɓɛ nɛɛ bii Yeesɔ Kirisi. Yaa ri gbalang vuu shi kpang ɓɔɔ ri palɛ ɓɛɛ, yiti ka yeti ɓiɓɛ kpang. A ti a ruu shonang keɓe tɔ nɛɛ, ruu kɔɔ zang, nɛɛ wu kasɛ wu rìsí zang piti, ri nwang wusang ɓiɓɛ.

2 Koranti 6:7

Ɓɔɔ nɛɛ yee niizang ɓɔɔ ruu rang ɓɛɛ, a ɓɔɔ kaa nɛɛ naa vuu palɛnang Laa. Nwannang zang tɔ̃ɔ ka tĩng Laa kɔ nwang kaa naa vuu waa ɓuru, ɓɔɔ ruu ta sĩiri nɛɛ mani, a ruu ti gãng bii nɛɛ mani ɓɛɛ.

Galati 2:14

Ɓɔɔ n zirɛ ri yi gbalang kaarara ka doo ruu niizang ɓɔɔ ka yeti Ruu Tɔ̃ɔ Kirisi kpang, n kɔɔ Bituru ka tĩng ɓarɛ nandon n tɔɔ, “Mɔɔ zang Yahudi, a mɔɔ nwàng kaa tɔ̀ɔ́ naa zang Yahudi kpang. Mɔɔ nwang ɓaa naa zang ɓɔɔ ri zang Yahudi kpang ɓɛɛ. A ka ruu vi, mɔɔ kãa gbalang mɔɔ shing zang ɓɔɔ ri zang Yahudi kpang, ri nwang nwannang zang Yahudi nɛɛ gbãng gbãng ning viya?”

Galati 2:5

Rùu yàa ri bii naa kpang nɛɛ tɔkɔlɔng ning, tɔɔ ruu yìtì nɔɔ ruu niizang ɓɔɔ ka yuu Ruu Tɔ̃ɔ Kirisi kati.

Galati 5:5

Ɓɔɔ ɓuru, ruu shing gn ɓuru nɛɛ Laa naa shing rùu rúu nwang zang tɔ̃ɔ ka tĩng ɓiɓɛ nɛɛ naa vuu palɛnang Suru ɓiɓɛ, a ɓɔɔ ka ruu danggn ɓɔɔ ruu shing ka bii Yeesɔ ɓɛɛ. Wee vuu ɓɔɔ ruu gã ɓɛɛ kɔ.

Afisa 1:13

Nɔɔ doo nɔngkɔ. Ka ɓɔɔ nɔɔ tãa ruu ɓɔɔ niizang, Ruu Tɔ̃ɔ ɓɔɔ ta yuu manɛ, ka ɓɔɔ nɔɔ shing danggn ka bii Yeesɔ Kirisi, a Laa a nɔɔ Suru ɓiɓɛ ɓɔɔ wu a nyaa ɓɛɛ, tɔ̀ɔ, zang zi kati nɛɛ nɔɔ manɛ kaa zang Laa.

Afisa 4:21

Niizang, nɔɔ tãa ruu katɔ ka yuu ɓiɓɛ, nɔɔ zang ɓɔɔ dũng wu nɛɛ yeti gbete ɓɛɛ. Zang ti tusu nɔɔ vuu ɓɔɔ niizang katɔ ka yuu Yeesɔ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

2 Tesalonika 2:16

Ruu gaa Kpanti ɓuru Yeesɔ Kirisi nɛɛ yuu ɓiɓɛ nɛɛ Daa ɓuru Laa ɓɔɔ ri kasɛ ruu ka tĩng, ɓɔɔ ka ruu tɔ̃ɔ ɓiɓɛ mã ruu danggn a shingnɛ ruu shing gn gbãng gbãng ɓɛɛ.

1 Timoti 1:15

Ruu keɓe niizang kɔ nwani, ti daa naa ɓɔɔ zang piti ri shing danggn kagn ɓɛɛ tɔ. Yeesɔ Kirisi a ka koo nɛɛ wu ta yuu zang ɓɔɔ ri palɛ vuu shi kpang ɓɛɛ. Nkɔ ɓa zang piti vuu shi kpang palɛnang.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Yahudi 7:19

Ka ruu ɓɔɔ, nyaa dannang Musa shing vuu ɓɔɔ ɓi jong wu nwang nyaa kiiri kpang ɓɛɛ. A kãntang keɓe, Laa atɛ vuu ɓɔɔ waasɛ̃ tɔ, ɓɔɔ ri shíng gn kagn ɓɛɛ, tɔ̀ɔ, ruu a kaa bii ɓiɓɛ naabm.

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.

1 Bituru 3:15

Shing jĩng ɓaa ka ɓɔɔ mɔɔ a Yeesɔ Kirisi bannang kɔ jong gbete. Wu nwáng kpanti ɓaaɓɛ ka vuu piti. Nɔɔ kpalɛ bii manɛ katɔ diki diki, nɔ́ɔ kɔɔ zang ɓɔɔ ri hɛ̃ɛ nɔɔ vuu ɓɔɔ palɛ, nɔɔ shing danggn ka bii Yeesɔ Kirisi ɓɛɛ.

2 Bituru 1:12

Ka ruu nɔngkɔ, n kpàarɛ́ nɔɔ danggn rɛɛ vuu keɓe dòo nɛɛ mani ka wee nɔɔ zi ri tɔ, a nɔɔ ti shii tɔ gbãng gbãng ka yuu ruu niizang kɔ nɔɔ ta ɓee.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.