Kolosi 1:29 - Nyaa Shɔɔ Ɓɔɔ Laa a Ɓɛɛ

²⁹ Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

Kolosi 1:29 ပူးပေါင်းရင်းမြစ်များ

Luka 13:24

“Nɔɔ lakɛ yuu, nɔɔ tu yeti gãa nɛɛ nyaa gãa ɓɔɔ tɔ̃ntɔ̃rɔng ɓɛɛ, ka ruu ɓɔɔ, n kɔɔ nɔɔ, zang dɔɔli ri naa kãa gbalang tunang, ri walɛ kpang ɓɛɛ.

Rooma 15:20

Vuu ɓɔɔ n kasɛ ka yeti mɛɛ gbete ɓɛɛ, ɓi nɛɛ ɓɔɔ n kɔɔ zang Ruu Tɔ̃ɔ Laa ka nɔng ɓɔɔ zang tãa ruu Yeesɔ Kirisi gn kpang ɓɛɛ. Ka ruu ɓɔɔ, nɛ̀ɛ́ nwang naa ɓɔɔ n mãa gãa m ka yuu doo gãa ɓɔɔ zang ɓɔɔgn loo ɓɛɛ, ɓɛɛ.

Rooma 15:30

Manzung ɓɔɔ ri dũng dòo Laa kɔ ɓɛɛ, n gaa nɔɔ nɛɛ nung Kpanti Yeesɔ Kirisi, a ɓɔɔ nɛɛ kasɛnang ɓɔɔ Suru Laa a ruu ɓɛɛ, nɔɔ ɓakɛ yuu nɛɛ n. Nɔɔ gaa m Laa jong gbãng gbãng

1 Koranti 12:11

Ka vuu kɔɔ zang palɛ nandon ɓee, ɓi doo Suru gbete keɓe kɔ, a zang naa, zang ri palɛ nɔngkɔ. Wu a zang ɓu naa vuu palɛnang kaɓa náabm̀, naa ɓɔɔ wu kasɛ ka yeti ɓiɓɛ ɓɛɛ.

1 Koranti 12:6

Naa ɓɔɔ zang ri palɛ shonang kagn ka zɔ̃ng zɔ̃ng, a Laa ɓɔɔ a zang naa vuu palɛnang nɛɛ ri palɛ vuu keɓe nandon, ɓi kaa gbete.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

2 Koranti 13:3

Naa nɔɔ kasɛ nɛɛ zang tusu nɔɔ nɛɛ Yeesɔ Kirisi kɔ rang yee nɛɛ bii mɛɛ. Nɔɔ zi tɔ nɛɛ Yeesɔ palɛ nɔɔ vuu ɓi naa zang ɓɔɔ lakɛ naa ka bii kpang, kpang, tusu naa vuu palɛnang ɓiɓɛ ɓi katɔ kɔ jong ka teteng manɛ.

2 Koranti 5:9

Ruu kasɛ, naa ruu doo ka bii keɓe, naa ruu doo ka lapa, ruu palɛ vuu ɓɔɔ shing wu, wu tãa tĩnang ɓɛɛ.

2 Koranti 6:5

Zang nyɔ ruu tɔ nɛɛ gbãa, zang mã ruu ka sãa, a zang ti kãarɛ ruu. Zang mã ruu nyaa ka shonang sasak, ruu ti roo hingro ka jĩng kpang, a nyɔkɔ ti nyɔ ruu.

Afisa 1:19

A ɓɔɔ ti naa ɓɔɔ naa vuu palɛnang ɓiɓɛ ɓɔɔ bang dɔɔli, palɛ shonang ka bii ɓuru ɓɛɛ. Naa vuu palɛnang kɔ ka bii ɓuru ɓɔɔ ruu shing danggn tɔ ɓee, ɓi doo naa kaka ɓiɓɛ ɓɔɔ bang dɔɔli,

Afisa 3:20

Zang wu dɔɔ Laa ɓɔɔ zunung ɓɔɔ wu pàlɛ́ ruu vuu ɓa ɓɔɔ ruu gaa wu, a ruu ti rɛ̃rɛ katɔ ɓɛɛ. Pálɛ̀ nɛɛ bii naa vuu palɛnang ɓiɓɛ, ɓɔɔ ruu palɛ shonang nɛɛ mani ɓɛɛ.

Afisa 3:7

Laa shing m nɛɛ n nwang zang shonang ɓɔɔ kɔɔ zang Ruu Tɔ̃ɔ, nɛɛ bìí vuu tɔ̃ɔ ɓɔɔ wu a m ɓɛɛ. Laa a m vuu tɔ̃ɔ keɓe nɛɛ naa vuu palɛnang ɓiɓɛ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 1:30

Nɔɔ zi m katɔ ka ɓɔɔ n dang jĩng ɓɛɛ, nɔɔ ti tãa nyaa jĩng dannang mɛɛ doo naa. Kãntang keɓe, nɔɔ dang kaa jĩng jong naa ɓɔɔ n dàng ɓɛɛ.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.

Kolosi 2:1

N kasɛ nɛɛ nɔɔ zi naa ɓɔɔ n palɛ shonang nɛɛ kaka mɛɛ nandon, ka ruu manɛ, nɛɛ zang ɓɔɔ ri ka gari Lawodikiya, a ɓɔɔ zang ɓɔɔ ri zi m gngn nɛɛ jĩng ɓarɛ kpang ɓɛɛ.

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

1 Tesalonika 2:9

Rɛɛ manzung, n tɔɔ n kpàá nɔɔ danggn. Nɔɔ zi naa ɓɔɔ ruu palɛ shonang dɔɔli tɔ. Ruu pálɛ́ shonang nɛɛ zĩi nɛɛ laagɛ̃, ruu walɛ vuu shaanang ɓuru, tɔ̀ɔ ruu kpãa nɔɔ kaa takpang, ka ɓɔɔ ruu kɔɔ nɔɔ Ruu Tɔ̃ɔ ɓɔɔ ka yuu Laa ɓɛɛ.

2 Tesalonika 3:8

Diki diki naa zang yi ruu naa ka bii, ruu shu ri katɔ. Ruu palɛ shonang gbãng gbãng, ka ruu ɓɔɔ, ruu kasɛ kpang, zang ɓɔɔ wu shu ruu vuu ɓɔɔ kpang ɓɛɛ.

2 Timoti 2:10

Ka ruu nɔngkɔ, n mã danggn vuu piti ka ruu zang ɓɔɔ Laa shɛ̃ɛrɛ ri katɔ ɓɛɛ. Tɔ̀ɔ, Laa wu ta yuu ɓarɛ kaa jong. Yuu tanang ɓɔɔ a nɛɛ bii Yeesɔ Kirisi ɓɛɛ, ɓɔɔ ti atɛ suru bii ɓɔɔ waa nyaa kpang ɓɛɛ.

Yahudi 12:4

Ka ɓɔɔ nɔɔ táarɛ̀ yuu nɛɛ vuu shi kpang, nɔɔ shii bang gn daa naa ɓɔɔ zang nyɔ nɔɔ vɔrɔ ɓɛɛ kpang.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

Vuu ɓɔɔ zang nwangsɛ Yɔhana 2:3

N zi tɔ nɔɔ mã danggn tɔ, nɔɔ dang jĩng tɔ dɔɔli, ka ruu nung mɛɛ, a nɔɔ ti yaa gn naa kpang.