Kolosi 1:19 - Nyaa Shɔɔ Ɓɔɔ Laa a Ɓɛɛ

¹⁹ Ka ruu ɓɔɔ, Laa kɔ kasɛ nɛɛ yuu ɓiɓɛ nɛɛ nwannang ɓiɓɛ wu nwang ka bii Jaa nandon.

Kolosi 1:19 ပူးပေါင်းရင်းမြစ်များ

Luka 10:21

Ka laa kaɓa, Yeesɔ dɔ̀ɔ Laa kati ka ruu tĩnang tãanang ɓɔɔ suru Laa a wu ɓɛɛ. A kɔɔyi tɔɔ, “N zãa mɔɔ tɔ Dada, Kpanti lapa nɛɛ tipi ka ruu ɓɔɔ, vuu ɓɔɔ mɔɔ wàasɛ̀ zang ɓɔɔ ri zũng katɔ, mɔɔ naa tusu zang ɓɔɔ ri zi vuu kpang ɓɛɛ. Nɔngkɔ Dada, wee naa ɓɔɔ mɔɔ kasɛ nɛɛ mɔɔ palɛ ɓɛɛ kɔ.

Yɔhana 1:16

Ka ruu vuu ɓɔɔ Laa a wu gaagaa, rùu ti wàlɛ́ tɔ̃ɔ kana ka yuu zɔɔ yuu zɔɔ.

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

Afisa 1:23

Zang ɓɔɔ ri dũng Laa keɓe ri nwang kaa naa bii ɓiɓɛ. Rikɔ shingnɛ zang ri zi naa ɓɔɔ wu nwang ɓɛɛ dɔ̃ɔ gbete, ɓɔɔ wukɔ hangsɛ nyaa vuu piti ka nɔng piti ɓɛɛ.

Afisa 1:3

Ruu zãa Laa ɓɔɔ wukɔ ti Laa nɛɛ Daa Kpanti ɓuru Yeesɔ Kirisi ɓɛɛ, ka ruu ɓɔɔ, shingnɛ ruu tãa tĩnang. Wukɔ ti a ruu vuu piti ɓɔɔ ɓi ɓɔ̀ɔ́ kpanti roonang ɓiɓɛ, ka ruu ɓɔɔ, ruu shing danggn ka bii Kirisi ɓɛɛ.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.

Afisa 4:10

Ka ruu nɔngkɔ, zang ɓɔɔ daa ka tipi dii, ɓi wukɔ daa doori ka lapa kpala kpala, tɔ̀ɔ, wu nwáng kaa nɔng ɓɔɔ ka koo keɓe nandon.

Kolosi 2:3

Ɓɔɔ Laa waasɛ zũnang nɛɛ vuu zinang nandon ka bii ɓiɓɛ ɓɛɛ.

Kolosi 2:9

Ka ruu ɓɔɔ, nwannang Laa nandon ɓi ka bii shɔnzang Yeesɔ kɔ ɓɛɛ,

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.