Kolosi 1:17 - Nyaa Shɔɔ Ɓɔɔ Laa a Ɓɛɛ

¹⁷ Yeesɔ nwáng ɓi ka tĩng bɛ̀ɛ́ zang mãa vuu gn gbete kpang. Vuu piti ri nwang ka nɔng ɓarɛ ka ruu ɓɔɔ ri ɓakɛ yuu nɛɛ wu ɓɛɛ.

Kolosi 1:17 ပူးပေါင်းရင်းမြစ်များ

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Yɔhana 8:58

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, ɓɔɔ zang yi Ibirayi bɛ̀ɛ́ n m kaa gn kɔ nwani.”

Zang Shonang Yeesɔ 17:28

“Zang ɓɔɔ kɔɔyi tɔɔ, ‘Ruu nwangnɛ, ruu rarɛ, ruu nwang shɔnzang, ka ruu ɓiɓɛ kɔ.’ Ɓi naa ɓɔɔ zang soo gáanang manɛ ri kɔɔyi nɛɛ, ‘Ruu doo wujɛ ɓiɓɛ kɔ’ ɓɛɛ.

1 Koranti 8:6

Ruu zi ɓuru tɔ, Laa ɓi gbete. Wukɔ Daa, wukɔ mãa vuu piti, wukɔ ti mãa ruu nɛɛ, tɔ̀ɔ, ruu a wu bannang. Kpanti ti gbete kɔ nwani, wukɔ Yeesɔ Kirisi. Laa mãa vuu piti nɛɛ bìí ɓiɓɛ kɔ. Rùu ti nwang ningkãari ka ruu ɓiɓɛ kɔ.

Kolosi 1:15

Ruu zi nwannang Laa ɓɔɔ ruu zi nɛɛ jĩng kpang ka bii Yeesɔ kɔ. Wukɔ jamari rɛɛ vuu ɓɔɔ Laa mãarɛ ɓɛɛ,

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 13:8

Yeesɔ Kirisi ɓi doo naa ɓɔɔ wu nɛɛ ka ɓɔɔrɔ ɓɛɛ, ɓi doo nɔngkɔ lɛ̀ɛ́kɔ, ti nwang ɓi nɔngkɔ gbinggbing.

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Vuu ɓɔɔ zang nwangsɛ Yɔhana 1:17

Ɓɔɔ n zi wu, n watɛ ka tĩng ɓiɓɛ naa zang ɓɔɔ vɔ katɔ ɓɛɛ. A arɛ shing nakn ɓiɓɛ ka bii mɛɛ, a kɔɔ m nɛɛ “Mɔɔ kaa vɔrɔ kpang, Nkɔ zang tĩng shɔɔnang, nkɔ ti gɔɔ zang nyaa.

Vuu ɓɔɔ zang nwangsɛ Yɔhana 1:8

Kpanti Laa kɔɔyi tɔɔ, “Nkɔ ka tĩng shɔɔnang, nkɔ ti waa nyaa knti.” N nwàng ningkãari kãntang keɓe, n ti nwang ningkãari bɛ̀ɛ́ zang mãa koo gn kpang, n ti naa a ditɔ ka koo tɔkn. Nkɔ kpanti ka yuu vuu piti.

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.