Yɔhana 9:29 - Nyaa Shɔɔ Ɓɔɔ Laa a Ɓɛɛ

²⁹ “Ruu zi ɓuru tɔ, nɛɛ Laa rang yee nɛɛ Musa. Ɓɔɔ yɔɔ kaɓa ruu zi nɔng ɓɔɔ wu a ɓi nɛɛ mani kpang.”

Yɔhana 9:29 ပူးပေါင်းရင်းမြစ်များ

Matiyu 12:24

Ɓɔɔ zang Farisi ri tãa naa weɓe, ri tɔɔ ɓarɛ nɛɛ “Yeesɔ nwangsɛ suru shi kpang ɓi nɛɛ, naa ɓɔɔ Bahazabu Kpanti suru shi kpang a wu ɓɛɛ.”

Matiyu 26:61

Ri tɔɔ, “Yɔɔ keɓe kɔɔyi tɔɔ, wu zunung ɓɔɔ wu jili Gãa Laa ka tipi, wu mãa ɓɔɔgn ka diki taati katɔ.”

Luka 23:2

Ri kãa gbalang ɓɔɔ ri kɔɔrɔ wu ruu ka yuu ɓiɓɛ nɛɛ, “Ruu ĩi zang keɓe nwãarɛ zang ɓuru, nɛɛ zang wu shù Kayisa kpanti tipi Rooma saka tipi kpang. Nɛɛ wukɔ ti Kirisi, nɛɛ wu doo kpanti kɔ.”

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 7:27

Ruu zi nɔng ɓɔɔ yɔɔ keɓe a nɛɛ mani tɔ. Kirisi nɛɛ a tɔ, zang ɓɔɔ zí nɔng ɓɔɔ wu a nɛɛ mani ɓi kpang.”

Yɔhana 7:28

Yeesɔ tusu zang vuu kana ka Gãa Laa, a mɛɛ nyaa ka lapa nɛɛ, “Nɔɔ zi m tɔ, a nɔɔ ti zi nɔng ɓɔɔ n a nɛɛ mani tɔ. N a m anang yuu mɛɛ kpang. Zang ɓɔɔ shong m ɓi niizang kɔ nwani. Nɔɔ zi wu kpang.

Yɔhana 8:14

Yeesɔ kasɛ ri nyaa tɔɔ, “Naa n kɔɔ ruu doo ka yuu mɛɛ, ruu mɛɛ ɓi niizang kɔ nwani, ka ruu ɓɔɔ, n zi nɔng ɓɔɔ n a nɛɛ mani tɔ, n ti zi nɔng ɓɔɔ n daa gn tɔ ɓɛɛ. Nɔɔ zi nɔng ɓɔɔ n a nɛɛ mani manɛ kpang, nɔɔ ti zi nɔng ɓɔɔ n daa gn ɓɛɛ kpang.

Yɔhana 9:16

Ka teteng zang Farisi bìí, zang ɓɔɔ ri kɔɔyi nɛɛ, “Yɔɔ ɓɔɔ palɛ vuu keɓe, a ɓi nɛɛ bii Laa kpang, ka ruu ɓɔɔ dũng nyaa ɓɔɔ zang dang ka yuu Diki Ɔ̃sɔnang ɓi kpang ɓɛɛ.” Zang ɓɔɔ ri ti kɔɔ ɓarɛ, nɛɛ, “Naa yɔɔ keɓe nɛɛ zang ɓɔɔ palɛ vuu shi kpang, nɛɛ zunung ɓɔɔ wu palɛ rɛɛ vuu ɓɔɔ zang zirɛ, zang mã naa ka danggn, naa rɛɛ wee wu pálɛ̀ ɓee kpang.” A ri basɛ zɔɔ kaa nɔ́ngkɔ̀.

Yɔhana 9:24

Ri ɓaa yɔɔ ɓɔɔ bɛ̀ɛ́ jĩng ringtang nyaa tɔkn, daa kaa doo ziti, a ri kɔɔ wu nɛɛ, “Kɔɔ ruu ɓɔɔ niizang ɓɛɛ, ruu zi ɓuru tɔ, yɔɔ kaɓa ɓi zang ɓɔɔ palɛ vuu shi kpang ɓɛɛ.”

Yɔhana 9:30

Yɔɔ kasɛ nyaa, “Wee vuu ɓɔɔ zang mã naa ka danggn ɓɛɛ. Yɔɔ kaɓa masɛ jĩng mɛɛ. Nɔɔ kɔɔ biya nɛɛ nɔɔ zi nɔng ɓɔɔ wu a nɛɛ mani kpang viya?

Zang Shonang Yeesɔ 22:22

Zang ɓɔɔ ri kpalɛ zɔɔ ri ɓàa Bulu shoo sasak, ɓɔɔ naa kɔɔ ruu keɓe, ri mɛɛ nyaa ka lapa nabm tɔɔ, “Nɔɔ dita nɛɛ wu, nɔɔ daa nyɔ wu vɔrɔ. Daa naa ɓɔɔ zɔ̃ng zang ɓɔɔ naa weɓe nwang ningkãari kpàng.”

Zang Shonang Yeesɔ 26:22

Làá kɔ yi m naa ka bii sasak, a nɛɛ mani ka lɛɛkɔ kɔ n kɔɔ rɛɛ zang bang nɛɛ wujɛ piti ɓee. N kɔɔ m doo vuu ɓɔɔ rɛɛ zang nyaa shonang Laa nɛɛ Musa ri kɔɔyi nɛɛ naa palɛ ɓɛɛ kɔ.

Zang Shonang Yeesɔ 7:35

“Musa keɓe ɓɔɔ zang Isirela bɛ̃ɛ wu ɓɛɛ kɔ. Ɓɔɔ ri kɔɔ wu tɔ́ɔ, wi shing mɔɔ zang bang, a ɓɔɔ zang ruu jɛ̃ɛnang ka yuu ɓuru wiya ɓɛɛ. Laa shong wukɔ, nɛɛ wu naa nwang zang bang, a ɓɔɔ zang ɓɔɔ ta ri ɓɛɛ nɛɛ bii zang nyaa shonang Laa ɓɔɔ ka lapa ɓɔɔ nwang nyaa ka wu ka jaa laa ɓɔɔ waa shaa ɓɛɛ.

Yahudi 1:1

Ka tĩng, Laa rang yee nɛɛ rɛɛ dabang ɓuru nɛɛ nyaa rɛɛ zang nyaa shonang ɓiɓɛ doo dɔɔli, a ka gbalang naabm naabm.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.