Yɔhana 8:37 - Nyaa Shɔɔ Ɓɔɔ Laa a Ɓɛɛ

³⁷ N zi tɔ nɔɔ manɛ zɔ̃ng Ibirayi. A ka ruu vi nɔɔ kãa gbalang nɛɛ nɔɔ nyɔ m vɔrɔ viya? Ka ruu ɓɔɔ, nɔɔ ta ruu mɛɛ ka yeti manɛ kpang ɓɛɛ.

Yɔhana 8:37 ပူးပေါင်းရင်းမြစ်များ

Matiyu 13:15

Ka ruu ɓɔɔ, yeti zang keɓe rɛ̃rɛ takpang, shoo ɓarɛ ti huuru tɔ, ri tãa takpang ɓɛɛ. Ri ti mung jĩng ɓarɛ tɔ, nɛ̀ɛ́ nɔngkɔ kpang ri nɛɛ zi katɔ. Ri nɛɛ ti tãa tɔ nɛɛ shoo ɓarɛ, ri nɛɛ zi tɔ ka yeti ɓarɛ. Ri nɛɛ gbãayu tɔ ka bii mɛɛ, n nɛɛ masɛ ri tɔ.’

Matiyu 3:9

“Nɔ́ɔ shing danggn manɛ nɛɛ nɔɔ naa wɔ jĩng dannang kaɓa katɔ, ka ruu ɓɔɔ, nɔɔ manɛ wujɛ Ibirayi ɓɛɛ kpang. N kɔɔ nɔɔ, Kpanti Laa zunung ɓɔɔ wu nwàngsɛ́ Ibirayi jaa nɛɛ tari kɔ ka tipi ɓee katɔ.

Yɔhana 10:31

A zang Yahudi ri daa yakɛ tari tɔkn, nɛɛ ri luku wu nɛɛ mani.

Yɔhana 11:53

Rɛɛ zang bang bang zang Yahudi ri gaayu gbalang ɓɔɔ ri nyɔ wu vɔrɔ kãanang nɛɛ diki keɓe kɔ.

Yɔhana 5:44

Nɔɔ kasɛ nɛɛ nɔɔ dɔ̀ɔ́ zɔɔ ka naa manɛ. Nɔɔ kasɛ kpang nɛɛ Laa ɓɔɔ wukɔ Laa gbete gãagãa, wu dɔɔ nɔɔ kpang. A nɔɔ palɛ biya nɔɔ shing danggn ka bii mɛɛ viya?

Yɔhana 7:1

Ka knti rɛɛ vuu keɓe, Yeesɔ rakɛ ka tipi Galili, a kasɛ nɛɛ wu rakɛ ka tipi Yahudi kpang, ka ruu ɓɔɔ, zang Yahudi ɓɔɔ ka nɔng bìí, kãa wu nɛɛ ri nyɔ wu vɔrɔ ɓɛɛ.

Yɔhana 7:19

Wu Musa kɔ a nɔɔ nyaa dannang Laa kpang ya? Zang ɓɔɔ dũng nyaa dannang bìí kagn teteng manɛ gbete kpang? Nɔɔ nɛɛ nɔɔ nyɔ m vɔrɔ ka ruu viya?”

Yɔhana 7:25

A zang ɓɔɔ ka teteng zang Urushalima ri hɛ̃ɛyi nɛɛ, “Wee ɓi yɔɔ ɓɔɔ zang kãayi nɛɛ zang nyɔ wu vɔrɔ kpang ya?

Yɔhana 8:33

Ri kasɛ wu nyaa nɛɛ, “Ruu ɓuru zɔ̃ng Ibirayi, ruu nwàng jaafoo zang ɓɔɔ, ɓuru gngn kpang. Mɔɔ kɔɔ biya nɛɛ zang yaa ruu naa katɔ viya?”

Yɔhana 8:43

Nɔɔ zi vuu ɓɔɔ n kɔɔ ɓɛɛ kpang ka ruu viya? Ɓi ka ruu ɓɔɔ nɔɔ kasɛ nɛɛ nɔɔ dũ̀ng vuu ɓɔɔ n kɔɔ ɓɛɛ kpang ɓɛɛ.

Yɔhana 8:56

Daa manɛ Ibirayi tãa tĩnang dɔɔli, ka ɓɔɔ Laa kɔɔ wu nɛɛ wu zi diki ɓɔɔ n a kagn ɓɛɛ. Ti zirɛ a tãa tĩnang dɔɔli.”

Yɔhana 8:59

Ka ruu nɔngkɔ, ri yakɛ tari nɛɛ ri luku wu kaa tɔ. Waasɛ yuu ɓiɓɛ, nwang nɛɛ nwĩiri yaa Gãa Laa.

Yɔhana 8:6

Ri lang ɓarɛ saka nɛɛ ruu kɔ ri hɛ̃ɛ ɓee, nɛɛ tɔɔ ri walɛ vuu shi kpang ɓɔɔ ri kɔɔ ka yuu ɓiɓɛ kati. A Yeesɔ ɓaa yuu ka dii, bee vuu ka tipi nɛɛ saa naa.

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Rooma 9:7

Zɔ̃ng Ibirayi ɓi ti wujɛ Laa kɔ nandon kpang. Laa kɔɔ Ibirayi nɛɛ, “Zang naa gã zɔ̃ng Ishaaku kɔ shɛ̃ɛning nɛɛ ri zɔ̃ng ɓaaɓɛ kɔ”.

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

1 Yɔhana 2:14

Daa wujɛ, n bèé nɔɔ vuu keɓe, ka ruu ɓɔɔ, nɔɔ zi Yeesɔ ɓɔɔ nwáng ka tĩng tɔ ɓɛɛ. Yeesɔ nwáng nɛɛ Laa, bɛ̀ɛ́ Laa gaayu koo mãanang gn kpang. Jasang, n bèé nɔɔ ruu keɓe, ka ruu ɓɔɔ, nɔɔ lakɛ katɔ ɓɛɛ. Yee Laa nwàng ka yeti manɛ kɔ, a nɔɔ ti ɓa Sheetang yuu tɔ.