Yɔhana 8:15 - Nyaa Shɔɔ Ɓɔɔ Laa a Ɓɛɛ

¹⁵ Nɔɔ jɛ̃ɛ zang ruu manɛ naa ɓɔɔ shɔnzang jɛ̃ɛ ɓɛɛ. N jɛ̃̀ɛ zang ruu m kpang.

Yɔhana 8:15 ပူးပေါင်းရင်းမြစ်များ

Luka 12:14

A Yeesɔ kasɛ wu nyaa tɔɔ, “Masang, ɓu wi shing m zang ɓɔɔ jɛ̃ɛ zang ruu, kɔ zang ɓɔɔ basɛ nɔɔ vuu ɓɛɛ wiya?”

Yɔhana 12:47

Zang ɓɔɔ nɛɛ tãa ruu mɛɛ, nɛɛ yiti ka yeti ɓiɓɛ kpang, n dɔng wu ruu kpang, ka ruu ɓɔɔ, n arɛ nɛɛ n naa dɔng zang koo ruu kpang ɓɛɛ. N arɛ nɛɛ n ta yuu zang koo katɔ kɔ jong ɓɛɛ.

Yɔhana 18:36

Yeesɔ kɔɔyi tɔɔ, “Kpanti roonang mɛɛ nwáng ɓi nɛɛ koo keɓe kpang. Naa kpanti roonang mɛɛ nɛɛ ɓɔɔ koo keɓe, zang mɛɛ ri nɛɛ gáa nyaa kana. Zang nɛɛ á zang bang bang Yahudi n kpang. Kpanti roonang mɛɛ nwáng ɓi nɛɛ koo keɓe kpang.”

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.

Yɔhana 7:24

Nɔ́ɔ jɛ̃ɛ zang ruu nɛɛ vuu ɓɔɔ nɔɔ zì nɛɛ jĩng waati kpang, nɔɔ jɛ̃ɛ zang ruu ka vuu ɓɔɔ niizang ɓɛɛ.”

Yɔhana 8:11

Jaa soro kasɛ wu nyaa tɔɔ, “Zang wu gbete kpang, Maalang.” A Yeesɔ kɔɔ wu tɔɔ, “N ti dɔng mɔɔ ruu kpang kɔ doori. Dita, mɔɔ palɛ vuu shi kpang takpang.”

Rooma 2:1

Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.

1 Koranti 2:15

A zang ɓɔɔ Suru Laa ɓi kagn yeti ɓiɓɛ zi dĩiri vuu keɓe ɓi katɔ nandon, a zang ɓɔɔ ri ka koo keɓe ri zi vuu ɓɔɔ wu palɛ ɓɛɛ ɓi kaa takpang.

2 Koranti 5:16

Rúu dɔ̀ng zang ɓɔɔ ruu, tɔ̀ɔ́ ka doo nwannang shɔnzang kpang. Niizang, ɓeleng ruu dɔ̀ng Yeesɔ Kirisi ruu ka gbalang kaɓa kɔ, a kãntang keɓe, ruu palɛ tɔ̀ɔ́ nɔngkɔ kpang.

Yakubu 2:4

Nɔɔ nɛɛ palɛ tɔ naa weɓe, nɔɔ palɛ vuu gn dang gbete. Nɔɔ jɛ̃̀ɛ zang ruu tɔ shi kpang.