Yɔhana 7:37 - Nyaa Shɔɔ Ɓɔɔ Laa a Ɓɛɛ

³⁷ Diki ɓɔɔ nyaalaa waa nyaa kagn kɔ, ɓa diki ɓɔɔ tɛɛrɛ tɔ nandon. Ka diki kaɓa, Yeesɔ shii paa, mɛɛ nyaa ka lapa tɔɔ, “Zang ɓɔɔ sutu nɛɛ mãa wu, wu a ka bii mɛɛ, n a wu vuu ɓɔɔ wu ɓooyi.

Yɔhana 7:37 ပူးပေါင်းရင်းမြစ်များ

Matiyu 11:28

“Nɔɔ a ka bii mɛɛ, zang piti ɓɔɔ dang jĩng, a ti rɛ̃rɛ dɔɔli ɓɛɛ, n á nɔɔ ɔ̃sɔnang katɔ.

Matiyu 3:3

Ishaya zang nyaa shonang Laa rang yee ka yuu Yɔhana keɓe kɔ, kɔɔyi tɔɔ, “Zang tãa yee zang ɓɔɔ kagn, rang yee Laa ka yeti waala tɔɔ, Nɔɔ palɛ Kpanti Laa gbalang ta, nɔɔ shiiri katɔ ɓororo.”

Matiyu 5:6

Tĩnang Tãanang ɓi ɓɔɔ zang ɓɔɔ ri kasɛ katɔ gbãng gbãng nɛɛ ri palɛ vuu ɓɔɔ Kpanti Laa kasɛ nɛɛ yeti ɓarɛ gbete ɓɛɛ. Laa naa a ri gbalang ditɔ ri palɛ vuu keɓe.

Yɔhana 1:23

A Yɔhana kasɛ ri nyaa nɛɛ nyaa ɓɔɔ Ishaya zang nyaa shonang Laa bee ɓɛɛ tɔɔ, “Nkɔ zang ɓɔɔ rang yee Laa ka waala, ɓɔɔ kɔɔyi nɛɛ, ‘Nɔɔ pàlɛ̀ Kpanti Laa gbalang ta, nɔɔ shiiri katɔ ɓororo.’ ”

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 4:11

Jaa soro kasɛ wu nyaa tɔɔ, “Maalang, vuu ɓɔɔ mɔɔ wɔ mii nɛɛ mani kpang, toomii ti bee katɔ. A mɔɔ walɛ mii ɓɔɔ a zang suru bii ka niya?

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 5:40

A nɔɔ ti kasɛ anang ka bii mɛɛ, n a nɔɔ suru bii kpang.

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Yɔhana 6:55

Ka ruu ɓɔɔ, yɔpɔ bii mɛɛ, ɓi vuu shaanang ɓɔɔ niizang ɓɛɛ. Zĩi mɛɛ, ɓi ti vuu ɓoonang ɓɔɔ niizang ɓɛɛ.

Yɔhana 7:28

Yeesɔ tusu zang vuu kana ka Gãa Laa, a mɛɛ nyaa ka lapa nɛɛ, “Nɔɔ zi m tɔ, a nɔɔ ti zi nɔng ɓɔɔ n a nɛɛ mani tɔ. N a m anang yuu mɛɛ kpang. Zang ɓɔɔ shong m ɓi niizang kɔ nwani. Nɔɔ zi wu kpang.

1 Koranti 10:21

Nɔ́ɔ ɓòo vuu ka juwa Kpanti Yeesɔ Kirisi, nɔɔ ti daa ɓóo ɓɔɔ ka juwa suru shi kpang, kpang. Nɔɔ sháa vuu shaanang Kpanti Yeesɔ Kirisi nɔɔ ti daa sháa ɓɔɔ suru shi kpang tɔkn kpang.

1 Koranti 10:4

Ri nandon ri ɓooro mii ɓɔɔ Laa a ri ɓɛɛ. Mii ɓɔɔ ri ɓoo ɓɛɛ, nwang nɛɛ yeti tari ɓɔɔ daarɛ nɛɛ ri ka ɓɔɔ ri rakɛ ka jĩngti ɓɛɛ. Tari kaɓa wukɔ Yeesɔ Kirisi nɛɛ yuu ɓiɓɛ.

1 Koranti 11:25

Zang shaa borodi tɔ, a Kpanti Yeesɔ ti tuu juwa ɓɔɔ mii inabi kagn doo nɔngkɔ, a kɔɔyi tɔɔ, “Wee juwa ɓɔɔ naa tusu zang nɛɛ Laa mã nyaa shɔɔ tɔ, nɛɛ nɔɔ, nɛɛ zĩi mɛɛ ɓɛɛ. Nɔɔ pálɛ́ nɔngkɔ, ka diki ɓɔɔ nɔɔ ɓoo ɓɛɛ, tɔ̀ɔ, nɔɔ kpaa danggn mɛɛ kaa gn.”

1 Koranti 12:13

Ruu doo nɔngkɔ. Zang ɓɔɔ kagn teteng ɓuru, ri ɓarɛ zang Yahudi, a zang ɓɔɔ ɓarɛ zang Yahudi kpang. Zang ɓɔɔ ri ɓarɛ jaafoo a zang ɓɔɔ ɓarɛ jaafoo kpang. Ruu nandon, ruu raa tɔ naa zang gbete, ka làa ɓɔɔ zang palɛ ruu batizima ɓɛɛ. Ka ruu ɓɔɔ ka diki kaɓa, Laa a ruu Suru ɓiɓɛ gbete kaɓa kɔ ɓɛɛ. Laa a ruu ɓi Suru gbete kaɓa kɔ nandon nɛɛ wu nwang ka yeti ɓuru.

Afisa 5:18

Nɔ́ɔ yaa sàa wu si nɔɔ kpang, lasɛ nɔɔ katɔ. Nɔɔ yaa Suru Laa kɔ jong wu nwang ka yeti manɛ.

Vuu ɓɔɔ zang nwangsɛ Yɔhana 21:6

A ti kɔɔ m nɛɛ, “Zang hangsɛ vuu piti tɔ. Nkɔ Alafa nɛɛ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ. Zang ɓɔɔ sutu nɛɛ mãa wu, n a wu mii ɓɔɔ nwang nɛɛ sɔlɔng mii, ɓɔɔ a zang suru bii ɓɔɔ waa nyaa kpang ɓɛɛ waati.

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.