Yɔhana 7:35 - Nyaa Shɔɔ Ɓɔɔ Laa a Ɓɛɛ

³⁵ Zang bang bang zang Yahudi ri kɔɔrɔ ka naa ɓarɛ nɛɛ, “Naa daa kaa niya a ruu ĩi wu kpang wiya? Daa kaa rɛɛ gari zang Heleni ɓɔɔ zang ɓuru ri nwalɛ kagn wu tusu zang Heleni vuu ya?

Yɔhana 7:35 ပူးပေါင်းရင်းမြစ်များ

Matiyu 12:21

Zang ɓɔɔ ri dũ̀ng Laa kpang naa shing gn ka nung ɓiɓɛ kɔ.”

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Yɔhana 12:20

Zang Heleni kagn teteng zang ɓɔɔ ri daa Laa bannang ka Urushalima, ka ɓɔɔ zang daa nyaalaa shaanang ɓɛɛ.

Yɔhana 7:1

Ka knti rɛɛ vuu keɓe, Yeesɔ rakɛ ka tipi Galili, a kasɛ nɛɛ wu rakɛ ka tipi Yahudi kpang, ka ruu ɓɔɔ, zang Yahudi ɓɔɔ ka nɔng bìí, kãa wu nɛɛ ri nyɔ wu vɔrɔ ɓɛɛ.

Yɔhana 8:22

A rɛɛ zang bang bang zang Yahudi ri hɛ̃ɛlɛ nɛɛ, “Wee kɔɔyi nɛɛ ruu daa nɔng ɓɔɔ wu daa kpang ɓɛɛ, nyɔ yuu ɓiɓɛ kaa vɔrɔ ya?”

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 11:20

A zang ɓɔɔ kagn teteng ɓarɛ zang Kuburu nɛɛ ɓɔɔ Kiranɛ, ri daa ka Antakiya ri daa kɔɔ zang ɓɔɔ ri zang Isirela kpang Ruu Tɔ̃ɔ Laa jong, ka yuu Kpanti Yeesɔ.

Zang Shonang Yeesɔ 14:1

Ka Ikoniya Bulu nɛɛ Baranaba ri daa yeti gãa zɔɔ kpalɛnang ka nyaa zɔɔ. Ri rang yee Laa, a zang dɔɔli, rɛɛ Yahudi nɛɛ zang Heleni ri shing danggn.

Zang Shonang Yeesɔ 17:4

Zang Yahudi ɓɔɔ ri ta ruu keɓe, a ri ɓang ka bii rɛɛ Bulu nɛɛ Siila. Rɛɛ zang soro ɓɔɔ zang a ri bannang katɔ ɓɛɛ, nɛɛ rɛɛ zang Heleni ɓɔɔ ri bang Laa ɓɛɛ, ri ɓang jong ka bii ɓarɛ.

Zang Shonang Yeesɔ 18:4

Bulu ri làá zɔɔ nyaa nɛɛ zang Yahudi nɛɛ zang Heleni ka Diki Ɔ̃sɔnang ka gãa zɔɔ kpalɛnang diki diki. Kasɛ nɛɛ ri ta ruu ɓɔɔ wu kɔɔ ri ɓɛɛ.

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

Zang Shonang Yeesɔ 22:21

A Kpanti kɔɔ m tɔɔ, ‘Dita, N shong mɔɔ ka nɔng beebang, ka bii zang ɓɔɔ ri zang Isirela kpang ɓɛɛ.’ ”

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

2 Timoti 1:11

Laa zɔ̃ng m nɛɛ n nwang zang shonang Yeesɔ, n tusu zang vuu, a n ti kɔ̀ɔ zang Ruu Tɔ̃ɔ Laa.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

1 Bituru 1:1

Nkɔ Bituru zang nyaa shonang Yeesɔ Kirisi, n bèé nɔɔ labeenang keɓe, n jee nɔɔ nyaa, zang ɓɔɔ Laa shɛ̃ɛrɛ ri katɔ ɓɛɛ. Ɓɔɔ zang tantɛ nɔɔ nɛɛ nɔng piti piti ka rɛɛ tipi Pontu nɛɛ Galati nɛɛ Kapaadoosiya nɛɛ Asiya a ɓɔɔ tipi Bitiniya ɓɛɛ. Nɔɔ nwalɛ zanti ka nɔngkɔ ɓɛɛ.