Yɔhana 7:27 - Nyaa Shɔɔ Ɓɔɔ Laa a Ɓɛɛ

²⁷ Ruu zi nɔng ɓɔɔ yɔɔ keɓe a nɛɛ mani tɔ. Kirisi nɛɛ a tɔ, zang ɓɔɔ zí nɔng ɓɔɔ wu a nɛɛ mani ɓi kpang.”

Yɔhana 7:27 ပူးပေါင်းရင်းမြစ်များ

Maraku 6:3

Wee ɓu zang ɓɔɔ seere laa ɓɛɛ kpang ya? Wu Marayamu kɔ niiɓɛ kpang ya? Wu ti rɛɛ Yakub nɛɛ Yose nɛɛ Yahuda nɛɛ Siman kɔ jaa niiɓɛ kpang ya? Wu ti rɛɛ jaa niiɓɛ ɓɔɔ soro kɔ nɛɛ ruu ka nihn kpang ya?” Gnvɔ shaa ri, ri bɛ̃ɛ wu kati.

Luka 4:22

Zang piti rang vuu tɔ̃ɔ ka yuu ɓiɓɛ. A ri mã naa ka danggn ka ruu yee tɔ̃ɔ ɓɔɔ nwangnɛ nyaa ɓiɓɛ ɓɛɛ. A ri hɛ̃ɛyi tɔɔ, “Wee ɓu bɛɛ jaa Yusufu kpang ya?”

Yɔhana 6:42

A ri kɔɔrɔ nɛɛ, “Wee ɓi Yeesɔ jaa Yusufu kpang ya? Ruu zi rɛɛ diiɓɛ nɛɛ niiɓɛ tɔ kpang ya? A palɛ kaa biya kɔɔ lɛɛkɔ nɛɛ, wu a nɛɛ lapa viya?”

Yɔhana 7:15

Zang Yahudi ri mã naa ka danggn, a ri kɔɔyi nɛɛ, “Yɔɔ keɓe pálɛ̀ biya zi vuu nɔngkɔ, ti mantɛ vuu gngn kpang viya?”

Yɔhana 9:29

“Ruu zi ɓuru tɔ, nɛɛ Laa rang yee nɛɛ Musa. Ɓɔɔ yɔɔ kaɓa ruu zi nɔng ɓɔɔ wu a ɓi nɛɛ mani kpang.”

Zang Shonang Yeesɔ 8:33

Zang pálɛ́ wu vuu yusɛ̃ɛ a zang ɓɔɔ ti jɛ̃̀ɛ́ wu ruu tɔ̃ɔ kpang. Zang ɓɔɔ zunung ɓɔɔ wu kɔɔ zang ruu ka yuu zɔ̃ng ɓiɓɛ kpang. Ka ruu ɓɔɔ, zang nyɔ wu vɔrɔ bɛ̀ɛ́ diki ɓiɓɛ ka koo keɓe waa nyaa gn kpang ɓɛɛ.