Yɔhana 6:37 - Nyaa Shɔɔ Ɓɔɔ Laa a Ɓɛɛ

³⁷ Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Yɔhana 6:37 ပူးပေါင်းရင်းမြစ်များ

Matiyu 11:28

“Nɔɔ a ka bii mɛɛ, zang piti ɓɔɔ dang jĩng, a ti rɛ̃rɛ dɔɔli ɓɛɛ, n á nɔɔ ɔ̃sɔnang katɔ.

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Yɔhana 17:6

“N tùsù zang ɓɔɔ mɔɔ a m ri ka teteng zang ɓɔɔ ka koo keɓe, mɔɔ tɔ. Ri ɓarɛ zang ɓaaɓɛ, a mɔkɔ a m ri kati. Ri dũng ruu ɓaaɓɛ tɔ.

Yɔhana 6:39

Zang ɓɔɔ shong m, kasɛ nɛɛ n ning zang gbete ka teteng zang kɔ wu a m ri ɓɛɛ kpang. Nɛɛ n naa wisi ri paa katɔ kɔ jong, ka diki ɓɔɔ koo waa nyaa ɓɛɛ.

Yɔhana 6:65

A gisi ruu keɓe tɔkn tɔɔ, “Wee vuu ɓɔɔ palɛ, n kɔɔ nɔɔ tɔɔ, naa Daa dɔ̃ zang, zang a ka bii mɛɛ kpang, zang ɓɔɔ zunung anang nɛɛ yuu ɓiɓɛ kpang kɔ.”

Yɔhana 9:34

Ri kasɛ nyaa tɔɔ, “Ɓɔɔ zang yi mɔkɔ ka yeti vuu shi kpang kirik, mɔɔ nɛɛ mɔɔ tusu rukɔ vuu ya?” Ri hing wu ka biling.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

1 Timoti 1:16

Ka ruu ruu keɓe kɔ, gn mɛɛ kɔng Laa, nɛɛ tɔ̀ɔ, Yeesɔ Kirisi wu túsú naa ɓɔɔ wu mã danggn nɛɛ n gbãng gbãng, wu tà yuu mɛɛ ɓɛɛ. Ɓɔɔ nkɔ pálɛ̀ vuu shi kpang n ɓa zang piti ɓɛɛ. Tɔ̀ɔ, zang piti ɓɔɔ ri naa shing danggn ka bii ɓiɓɛ, ri zi kati, ri walɛ suru bii ɓɔɔ waa nyaa kpang kati.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 4:15

Ka ruu ɓɔɔ, kpanti zang ɓɔɔ ri dɔɔ vuu ka gãa Laa, ɓɔɔ ɓuru, gn ɓuru kɔng wu katɔ, ka ɓɔɔ ruu lakɛ naa ka bii kpang ɓɛɛ. Kpanti ɓuru keɓe ɓi zang ɓɔɔ zang gãsɛ wu katɔ ka gbalang náabm̀ náabm̀, naa ɓɔɔ zang gãsɛ ruu ɓɛɛ. A palɛ vuu shi kpang ɓi kaa takpang.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.