Yɔhana 6:27 - Nyaa Shɔɔ Ɓɔɔ Laa a Ɓɛɛ

²⁷ Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Yɔhana 6:27 ပူးပေါင်းရင်းမြစ်များ

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Matiyu 3:17

Ri ti tãa yee nɛɛ lapa tɔɔ, “Wee jaa mɛɛ ɓɔɔ yeti mɛɛ kasɛ wu gbãng gbãng ɓɛɛ kɔ.”

Matiyu 6:19

“Nɔ́ɔ kpalɛ vuu naa manɛ ka koolaa keɓe kpang, ka ruu ɓɔɔ tùurú nɛɛ sisaa ri lasɛ katɔ ɓɛɛ. Shɔngɓɔ ri ti lasɛ nyaa gãa, ri daa ɓɔɔyi ɓɛɛ.

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Maraku 1:11

A ri ti tãa yee nɛɛ lapa tɔɔ, “Mɔkɔ jaa mɛɛ ɓɔɔ n kasɛ gbãng gbãng kɔ.”

Maraku 9:7

A sãmbong arɛ naa zuu ri kati. Ri ti tãa yee nɛɛ yeti sãmbong tɔɔ, “Wee jaa mɛɛ ɓɔɔ yeti mɛɛ kasɛ gbãng gbãng kɔ, nɔɔ ɓaa shoo ka nyaa ɓiɓɛ ning.”

Luka 3:22

a Suru Laa shooro kaa naa koro ka yuu ɓiɓɛ. A ri tãa yee nɛɛ lapa nɛɛ, “Mɔkɔ Jaa mɛɛ ɓɔɔ yeti mɛɛ kasɛ gbãng gbãng ɓɛɛ.”

Luka 9:35

Ri tãa yee nɛɛ yeti sãmbong tɔɔ, “Wee Jaa Mɛɛ ɓɔɔ N zɔ̃ng ɓɛɛ kɔ, nɔɔ ɓaa shoo ka nyaa ɓiɓɛ ning.”

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 11:42

N zi tɔ, mɔɔ tãarɛ m katɔ diki diki. N kɔɔ vuu keɓe ka ruu zang kɔ ri shiiri ka nihn ɓee, tɔ̀ɔ, ri shing danggn kati nɛɛ mɔkɔ shong m.”

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 15:24

Naa n nɛɛ palɛ vuu ɓɔɔ, zang palɛ gngn kpang keɓe ka teteng ɓarɛ kpang, zang nɛɛ kɔɔ kpang nɛɛ ri palɛ vuu shi kpang tɔ kpang. Ri zi rɛɛ vuu ɓɔɔ zang zirɛ, zang mã naa ka danggn tɔ, a ri bɛ̃ɛ m doo nɛɛ mani, nɛɛ Daa mɛɛ piti.

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 3:15

Tɔ̀ɔ, zang piti ɓɔɔ shing danggn ka bii mɛɛ, wu walɛ suru bii ɓɔɔ waa nyaa kpang kati.

Yɔhana 3:33

Zang ɓɔɔ nɛɛ ta rúu ɓiɓɛ, tusu zang tɔ, nɛɛ vuu ɓɔɔ Laa kɔɔ ɓɛɛ ɓi niizang.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Yɔhana 6:47

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, suru bii ɓɔɔ waa nyaa kpang kagn bii ɓiɓɛ.

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Yɔhana 6:53

Yeesɔ kɔɔ ri tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shaa yɔpɔ bii mɛɛ, ɓɔɔ n Jaa Shɔnzang kpang, a nɔɔ ti ɓoo zĩi mɛɛ kpang, suru bii ɓi kagn bìí manɛ kpang.

Yɔhana 6:54

Zang ɓɔɔ nɛɛ sháà yɔpɔ bii mɛɛ, nɛɛ ti ɓoo zĩi mɛɛ, walɛ suru bii ɓɔɔ waa nyaa kpang katɔ. N ti naa wisi wu paa ka diki ɓɔɔ koo waa nyaa ɓɛɛ.

Yɔhana 6:58

Weɓe kɔ, borodi ɓɔɔ a nɛɛ lapa ɓɛɛ. Ɓi naa maanaa ɓɔɔ rɛɛ dabang manɛ ɓɔɔ ri vɔlɔ tɔ, ri shaarɛ ɓɛɛ kpang. Naa zang ɓɔɔ shaa borodi keɓe, vɔ takpang dòndòng.”

Yɔhana 6:62

A naa nɔɔ zi m, ɓɔɔ n Jaa Shɔnzang, n gbãayu kana ka nɔng ɓɔɔ bɛ̀ɛ́ n kagn, nɔɔ palɛ biya?

Yɔhana 6:68

Siman Bituru kasɛ wu nyaa tɔɔ, “Kpanti, ruu daa kaa bii wiya? Mɔkɔ kɔ̀ɔ́ ruu ɓɔɔ a zang suru bii ɓɔɔ waa nyaa kpang ɓɛɛ.

Yɔhana 8:18

N kɔɔ ruu ka yuu mɛɛ, a Daa ɓɔɔ shong m, ti kɔɔ ruu jong ka yuu mɛɛ.”

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Rooma 4:11

Zang yèe Ibirayi shaa ɓi kaa nɛɛ knti. Shaa kɔ zang yee wu ɓee, ɓi vuu ɓɔɔ zang zi kagn nɛɛ Laa kasɛ wu katɔ ka ruu danggn ɓɔɔ wu shing ka bii Laa. Laa ti ta wu nɛɛ, wu zang tɔ̃ɔ ka tĩng ɓiɓɛ ɓɛɛ. Laa tá wu bɛ̀ɛ́ zang yee wu shaa gn kpang. Ka ruu nɔngkɔ, Ibirayi kɔ nwang kaa dabang zang piti ɓɔɔ ri shing danggn ka bii Laa. A Laa ti ta ri tɔ, nɛɛ ri zang tɔ̃ɔ ka tĩng ɓiɓɛ, naa zang yee ri shaa ti katɔ kpang ɓɛɛ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

1 Koranti 6:13

Zang ɓɔɔ kɔɔ ɓi nɛɛ, “Laa mãa vuu shaanang nɛɛ zang shaa ka buru. Ti mãa buru ka ruu vuu ɓɔɔ zang shaa ɓɛɛ.” Nɔngkɔ niizang. Lee ɓɔɔ Laa naa ningsi buru ditɔ, nɛɛ vuu shaanang ning. Laa mãa bii nɛɛ zang palɛ wu dũndũng nɛɛ mani kpang. Laa mãa bii nɛɛ zang wu dũng Kpanti Yeesɔ Kirisi nɛɛ mani. Ti kpanti Yeesɔ Kirisi kɔ a bii vuu ɓɔɔ bii kasɛ ɓɛɛ.

1 Koranti 9:2

Naa zang ɓɔɔ ri kasɛ doo kpang nɛɛ n zang shonang Yeesɔ Kirisi kpang. Nɔɔ zi manɛ tɔ nɛɛ n m zang shonang Yeesɔ Kirisi, ka ruu ɓɔɔ, zang zi ka nɔkɔ nɛɛ n zang shonang Kirisi ɓɛɛ.

2 Koranti 4:18

Ka ruu ɓɔɔ, ruu shing jĩng ɓuru ka vuu ɓɔɔ zang zì nɛɛ jĩng ɓɛɛ kpang. Ruu shing jĩng ɓuru ka vuu ɓɔɔ zang zi nɛɛ jĩng kpang ɓɛɛ. Vuu ɓɔɔ zang zì nɛɛ jĩng, nwang ɓi sasak kpang, ɓi vuu ɓɔɔ zang zi nɛɛ jĩng kpang kɔ nwang dòndòng.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Kolosi 1:29

Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

Kolosi 2:22

Vuu keɓe, ri naa shaarɛ ɓarɛ kaa tɔ, zang nɛɛ palɛ shonang tɔ nɛɛ mani ɓɛɛ. Ka ruu ɓɔɔ, ri ɓarɛ nyaa dannang shɔnzang, nɛɛ vuu ɓɔɔ shɔnzang ri tusu ɓɛɛ.

Kolosi 3:2

Nɔɔ rɛ̃̀rɛ̀ manɛ ka yuu vuu ɓɔɔ ri ka nɔng kaɓa ɓɛɛ, wu ka yuu rɛɛ vuu ɓɔɔ ka koo ka nihn ɓɛɛ kpang.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 12:16

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ nwáng zang dũndũng, kɔ wu nwang zang ɓɔɔ yee laa ka vuu Laa kpang naa Isuwa, ɓɔɔ ka ruu vuu shaanang laa gbete, mã̀lɛ̀ bannang ɓiɓɛ, ɓɔɔ wukɔ zang bang, ka naa jaa nàá ɓiɓɛ.

Yahudi 4:11

Ka ruu nɔngkɔ, ruu palɛ vuu ɓɔɔ ruu zunung katɔ ɓɛɛ, ruu daa nɔɔ nɔng ɔ̃sɔnang kaɓa. Zang ɓɔɔ ka teteng ɓuru wu ta nyaa Laa naa ɓɔɔ ri palɛ, a ri daa nɔng ɔ̃sɔnang Laa kpang ɓɛɛ kpang.

Yakubu 1:11

Naa ɓɔɔ laa nɛɛ tuu tɔ, wisi tɔɔrɔ kaa tɔ. Mangwaa ɓiɓɛ ri ti lɔɔrɔ ri watɛ. Shinang ɓarɛ wu lasɛ. Zang ying lasɛ doo nɔngkɔ, ka ɓɔɔ wu shòngtó ka nɔng vuu naa ɓiɓɛ kãanang ɓɛɛ.

1 Bituru 1:24

Ɓi naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ ɓɛɛ nɛɛ, “Shɔnzang piti ri nwang naa wisi Shinang ɓarɛ ɓi naa mangwaa wisi, wisi nɛɛ tɔɔrɔ tɔ, mangwaa wu lɔɔyi ɓɛɛ.

2 Bituru 1:17

Ka diki ɓɔɔ Laa tusu ruu bannang nɛɛ naa vuu palɛnang Yeesɔ Kirisi ɓɛɛ, ruu ka nɔng. Ruu ti tãa katɔ ka ɓɔɔ, Laa ɓɔɔ ɓa zang piti bannang kɔɔyi ɓɛɛ nɛɛ, “Wee Jaa mɛɛ ɓɔɔ n kasɛ katɔ gbãng gbãng ɓɛɛ kɔ, shing m n tãa tĩnang dɔɔli.”