Yɔhana 5:35 - Nyaa Shɔɔ Ɓɔɔ Laa a Ɓɛɛ

³⁵ “Yɔhana nwáng naa waa zàáng sɔɔ ɓɔɔ shaayi, a yakɛ nɔng ɓɛɛ. Nɔɔ tãa tĩnang nwannang ka nɔng ɓɔɔ wu yakɛ ɓɛɛ, diki bee kaa tɔ̀ɔ́ dɔɔli kpang.

Yɔhana 5:35 ပူးပေါင်းရင်းမြစ်များ

Matiyu 11:11

“N kɔɔ nɔɔ ruu ɓɔɔ niizang kɔ nwani, ka teteng shɔnzang ɓɔɔ zang yiki ka koo keɓe, zang ɓɔɔ ɓa Yɔhana ɓɔɔ palɛ zang batizima kagn kpang. A zang tɔkɔlɔng piti, ka teteng zang ɓɔɔ ri ka nɔng ɓɔɔ Laa roo Kpanti ɓa wu bannang katɔ.”

Matiyu 21:26

Naa ruu kɔɔ wu nɛɛ, ‘Shɔnzang a wu,’ ruu káa vɔrɔ zang, ka ruu ɓɔɔ zang piti shing danggn tɔ nɛɛ, Yɔhana ɓi zang nyaa shonang Kpanti Laa ɓɛɛ.”

Maraku 1:5

A zang dɔɔli nɛɛ tipi Yahudi nɛɛ zang ɓɔɔ ka Urushalima, ri daa ka bii ɓiɓɛ. Ri kɔɔrɔ Laa vuu shi kpang ɓarɛ, a Yɔhana palɛ ri batizima ka mii rang Urudung.

Maraku 6:20

Ka ruu ɓɔɔ, Hiridu kaa vɔrɔ Yɔhana katɔ, ti zi tɔ nɛɛ Yɔhana ɓi zang tɔ̃ɔ ɓɔɔ palɛ vuu ɓɔɔ daa bii katɔ ɓɛɛ. Ka ruu nɔngkɔ Hiridu yiti Yɔhana tɔ̃ɔ tɔ̃ɔ, kasɛ nɛɛ vuu ɓɔɔ wu lee Yɔhana naa ka bii kpang. Hiridu ɓaa shoo katɔ ka nyaa Yɔhana tɔ̃ɔ tɔ̃ɔ, a yèé Yɔhana kpãa wu ka yeti dɔɔli.

Luka 7:28

N kɔɔ nɔɔ ka teteng zang piti ɓɔɔ zang soro yiki ka koo keɓe zang ɓɔɔ ɓa Yɔhana ɓɔɔ palɛ zang batizima kagn gbete kpang. A zang ɓɔɔ wukɔ tɔkɔlɔng ka teteng zang ɓɔɔ ri ka nɔng ɓɔɔ Laa roo Kpanti ɓa wu bannang katɔ.”

Yɔhana 6:66

Ka ruu nɔngkɔ, vuu ɓɔɔ yi nɛɛ diki kaɓa daa nɛɛ mani, zang dɔɔli ka teteng zang ɓɔɔ ri dũng wu, ri yaa wu, ri rakɛ tɔ̀ɔ́ nɛɛ wu kpang.

2 Bituru 1:19

Ka ruu nɔngkɔ, ruu zi tɔ nɛɛ, rúu ɓɔɔ zang nyaa shonang Laa ri kɔ̀ɔrɔ̀, ɓi niizang kɔ nwani. Naa nɔɔ ɓaa shoo ka ruu keɓe waasɛ̃, wukɔ tɔ̃ɔ, ka ruu ɓɔɔ, ruu kaɓa nwàng naa waa zàáng sɔ̀ɔ ɓɔɔ yakɛ ka nɔng ɓɔɔ tɔ̀ɔ katɔ, nɔng gãntɛ nɛɛ mani ɓɛɛ. Ka diki keɓe, ɓɔɔ Kirisi ɓɔɔ wukɔ sang yuu gãndi naa arɛ, nɔɔ naa zi vuu piti kaa wukɔ gbayi gbayi.