Yɔhana 4:48 - Nyaa Shɔɔ Ɓɔɔ Laa a Ɓɛɛ

⁴⁸ Yeesɔ kɔɔ wu tɔɔ, “Nɔɔ nɛɛ zi vuu ɓɔɔ zang zirɛ zang mã naa ka danggn, zang ti ãa nyaa ka nɔng ɓɔɔ zang zi ɓɛɛ gn kpang, nɔɔ shing danggn kpang.”

Yɔhana 4:48 ပူးပေါင်းရင်းမြစ်များ

Matiyu 16:1

Zang Farisi nɛɛ Saduki, ri arɛ nɛɛ ri naa gãsɛ Yeesɔ. Ri kɔɔ Yeesɔ tɔɔ, “Tusu ruu vuu ɓɔɔ zang zirɛ zang mã naa ka danggn ɓɔɔ ruu zi kagn nɛɛ mɔɔ a nɛɛ bii Laa ɓɛɛ.”

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 27:42

“Ta yuu zang ɓɔɔgn, a zunung ɓɔɔ wu ta yuu ɓiɓɛ kpang. Wu mɔkɔ Kpanti Isirela kpang ya? Náa shóorò nɛɛ laa kɔ zang ɓaa wu naa kagn ɓee, ruu shing danggn katɔ ka bii ɓiɓɛ.

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Luka 10:18

A kɔɔ ri tɔɔ, “N zi sheetang watɛ nɛɛ lapa naa shala ɓɔɔ mang takoti ɓɛɛ.

Luka 16:31

A Ibirayi kɔɔ wu tɔɔ, ‘Naa ri ɓaa shoo ka labeenang rɛɛ Musa nɛɛ zang nyaa shonang Laa kpang, naa zang ɓɔɔ vɔ tɔ seepaa doori, ri ɓaa shoo doo ka nyaa ɓiɓɛ kpang kɔ.’ ”

Yɔhana 12:37

Yeesɔ palɛ vuu ɓɔɔ zang zirɛ, zang mã naa ka danggn keɓe nandon, ri zi jĩng ka bii, a ri shing danggn ka bii ɓiɓɛ kpang doo nɛɛ mani.

Yɔhana 15:24

Naa n nɛɛ palɛ vuu ɓɔɔ, zang palɛ gngn kpang keɓe ka teteng ɓarɛ kpang, zang nɛɛ kɔɔ kpang nɛɛ ri palɛ vuu shi kpang tɔ kpang. Ri zi rɛɛ vuu ɓɔɔ zang zirɛ, zang mã naa ka danggn tɔ, a ri bɛ̃ɛ m doo nɛɛ mani, nɛɛ Daa mɛɛ piti.

Yɔhana 2:18

Zang bang bang, zang Yahudi ri kasɛ wu nyaa tɔɔ, “Vuu ɓɔɔ zang zirɛ zang mã naa ka danggn ɓɔɔ mɔɔ palɛ, tɔ̀ɔ, ruu zi kagn nɛɛ zang a mɔɔ naa vuu keɓe palɛnang tɔ ɓu viya?”

Yɔhana 20:29

Yeesɔ kɔɔ wu tɔɔ, “Mɔɔ shing danggn kaa ruu ɓɔɔ mɔɔ zi m tɔ ɓɛɛ ya? Tĩnang tãanang ɓi ɓɔɔ zang ɓɔɔ ri zi m kpang, ri shing danggn doo nɛɛ mani ɓɛɛ.”

Yɔhana 4:49

Yɔɔ ɓɔɔ pàlɛ́ kpanti shonang kɔɔyi nɛɛ, “Maalang, arɛ ruu daayi, jaa mɛɛ nɛ̀ɛ́ vɔrɛ.”

Zang Shonang Yeesɔ 14:3

Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Zang Shonang Yeesɔ 15:12

Zang ɓɔɔ ri kpalɛ zɔɔ, ri nwang kaa kikiri, ka ɓɔɔ ri tãa naa ɓɔɔ Baranaba nɛɛ Bulu ri kɔɔrɔ vuu ɓɔɔ zang zirɛ zang mã naa ka danggn, ɓɔɔ Laa yi ri naa kagn, ri pálɛ̀ ka teteng zang ɓɔɔ ri zang Isirela kpang ɓɛɛ.

Zang Shonang Yeesɔ 2:19

N tusu vuu ka lapa zang zirɛ zang mã naa ka danggn. N ti tusu vuu ɓɔɔ zang zirɛ zang mã naa ka danggn ɓɛɛ ka tipi. Zĩi naa zɛ̃ɛ ka tipi, a waa naa shaa nɔng, zĩ̀irí ta nɔng piti.

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Zang Shonang Yeesɔ 2:43

Zang piti ri kaa vɔrɔ a Laa ti palɛ vuu ɓɔɔ zang zirɛ zang mã naa ka danggn dɔɔli nɛɛ naa zang shonang keɓe.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Zang Shonang Yeesɔ 5:12

Rɛɛ zang shonang Yeesɔ, ri palɛ vuu ɓɔɔ zang zirɛ zang mã naa ka danggn dɔɔli ka teteng zang. A zang ɓɔɔ ri shíng danggn tɔ ri kpálɛ́ zɔɔ diki diki ka nɔng gbete, ka nɔng ɓɔɔ zang ɓaa nɛɛ Putali Sulemanu ɓɔɔ ka Gãa Laa ɓɛɛ.

Zang Shonang Yeesɔ 6:8

Laa pàlɛ̀ Istifanu tɔ̃ɔ dɔɔli, a ti a wu naa vuu palɛnang, ka ruu nɔngkɔ, pálɛ́ vuu bang bang dɔɔli ɓɔɔ zang zirɛ zang mã naa ka danggn ɓɛɛ ka teteng zang.

Zang Shonang Yeesɔ 7:36

Musa nwangsɛ ri nɛɛ Masara. Palɛ vuu ɓɔɔ zang zirɛ zang mã naa ka danggn dɔɔli ka Masara, ɓɔɔ ka waapo Maliya, a ɓɔɔ ti ka jĩngti, saa laa ziti.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

1 Koranti 1:22

Zang Yahudi ri kasɛ nɛɛ ri zi ɓarɛ, vuu ɓɔɔ zang zirɛ zang mã naa ka danggn ɓɛɛ, tɔ̀ɔ, ri zi kaa gn nɛɛ ruu keɓe niizang. Zang Heleni ri ti kasɛ ɓarɛ zũnang.

2 Koranti 12:12

Laa palɛ vuu bang bang ɓɔɔ zang zirɛ zang mã naa ka danggn nɛɛ bii mɛɛ, ka ɓɔɔ n mã danggn, n palɛ shonang mɛɛ ka teteng manɛ ɓɛɛ. Vuu kaɓa kɔ tusu zang nɛɛ n zang shonang Yeesɔ ɓɔɔ niizang.

2 Tesalonika 2:9

Yɔɔ ɓɔɔ dũng nyaa dannang ɓi kpang keɓe, naa a nɛɛ naa vuu palɛnang Sheetang wu pálɛ́ vuu ɓɔɔ zang zirɛ zang mã naa ka danggn ɓɔɔ sèé ka zɔ̃ng zɔ̃ng ɓɛɛ.

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.