Yɔhana 4:46 - Nyaa Shɔɔ Ɓɔɔ Laa a Ɓɛɛ

⁴⁶ Yeesɔ daa tɔkn ka Kaana ɓɔɔ ka tipi Galili ɓɛɛ, nɔng ɓɔɔ wu risi mii, mii raa mii inabi ɓɛɛ. Zang ɓɔɔ pàlɛ́ kpanti shonang kagn ka Kafanahu, ɓɔɔ jaa ɓiɓɛ vuu palɛ katɔ ɓɛɛ.

Yɔhana 4:46 ပူးပေါင်းရင်းမြစ်များ

Matiyu 15:22

A jaa soro Kaana ɓɔɔ nwang ka tipi kaɓa, a ka bii ɓiɓɛ. Kaa nyaa kana nɛɛ, “Kpanti, Jaa Dawuda gn mɛɛ wu kɔng mɔɔ jong. Suru shi kpang dang jaa mɛɛ ɓɔɔ zang soro jĩng dɔɔli.”

Matiyu 4:13

Yaa Nazara, a daa nwang ka Kafanahu ɓɔɔ ka nyaa mii waapo ɓɔɔ ka tipi Zebuluna nɛɛ Nafitali ɓɛɛ.

Matiyu 9:18

Yeesɔ rang yee doo naa ka nyaa nɛɛ ri, yɔɔ zang bang Yahudi arɛ naa tang nɛɛ gutu ka tĩng ɓiɓɛ. A kɔɔ Yeesɔ tɔɔ, “Jaa mɛɛ ɓɔɔ soro kɔng vɔrɔ doo kãntang, arɛ mɔɔ daa ĩi wu naa ɓaaɓɛ jong ka bii, tɔɔ wu gãntɛ jĩng kati.”

Luka 4:23

A kɔɔ ri tɔɔ, “N zi tɔ, nɔɔ naa kɔɔ m nyaa vuu jeenang keɓe ditɔ nɛɛ, ‘Zang bii masɛnang, wu masɛ bii ɓiɓɛ ta.’ Nɔɔ ti naa kɔɔ m ɓɔɔ ditɔ nɛɛ vuu ɓɔɔ mɔɔ palɛ ka Kafanahu ɓɔɔ ruu tãayi, palɛ ta ka gari kɔ zang yi mɔɔ kagn ɓee.

Luka 7:2

Yɔɔ zang bang sɔɔja Rooma ɓɔɔ kagn nɔngkɔ. Kɔnang yi zang shonang ɓiɓɛ ɓɔɔ wu kasɛ wu dɔɔli ɓɛɛ. Kɔnang ɓiɓɛ bang dɔɔli, nɛɛ wu vɔrɛ yaa kaa tɔkɔlɔng.

Luka 8:42

Yayiru bakɛ Yeesɔ, ka ruu jaa gbete ɓiɓɛ ɓɔɔ zang soro, ɓɔɔ saa ɓiɓɛ kopi tu ziti vɔ kana. Yeesɔ daa kana gbalang, a zang ɓɔɔ ri kpalɛ zɔɔ ri màasɛ́ wu kati.

Yɔhana 2:12

Kaa nɛɛ knti, Yeesɔ daa ka gari Kafanahu nɛɛ niiɓɛ, nɛɛ jaa niiɓɛ, nɛɛ zang ɓɔɔ ri mantɛ vuu ka bii ɓiɓɛ ɓɛɛ. Ri nwang ka nɔngkɔ diki bee katɔ tɔkɔlɔng.

Yɔhana 21:2

Siman Bituru nɛɛ Tooma ɓɔɔ zang ɓaa wu nɛɛ Jaa bãnang nɛɛ Natanalu, yɔɔ gari Kaana ɓɔɔ ka tipi Galili ɓɛɛ, nɛɛ wujɛ Zebedi ziti, a ɓɔɔ zang ɓɔɔ ri mantɛ vuu doo ka bii Yeesɔ kɔ, ri ziti, ri nɛɛ zɔɔ ka nɔng gbete.