Yɔhana 4:19 - Nyaa Shɔɔ Ɓɔɔ Laa a Ɓɛɛ

¹⁹ Jaa soro kɔɔyi nɛɛ, “Maalang, n zirɛ mɔɔ ɓaa zang nyaa shonang Laa.

Yɔhana 4:19 ပူးပေါင်းရင်းမြစ်များ

Matiyu 21:11

A zang kɔɔ ri tɔɔ, “Wee ɓi Yeesɔ zang nyaa shonang Laa ɓɔɔ a nɛɛ Nazara, ɓɔɔ ka tipi Galili ɓɛɛ kɔ.”

Luka 24:19

A hɛ̃ɛ ri nɛɛ “Ɓu vi palɛ viya?” A ri kasɛ wu nyaa nɛɛ, “Vuu ɓɔɔ zang palɛ Yeesɔ yɔɔ Nazara, zang nyaa shonang Laa. Ɓɔɔ Laa a wu naa, nɛɛ wu palɛ vuu bang bang, nɛɛ wu ti rang zang piti yee, wu kaa vɔrɔ kpang ɓɛɛ. Zang piti a wu bannang katɔ.

Luka 7:16

Zang ɓɔɔ ri kpalɛ zɔɔ gaagaa ɓɛɛ, ri kaa vɔrɔ kaa nandon. A ri dɔɔ Laa ri tɔɔ, “Zang nyaa shonang Laa ɓɔɔ bang nwang nyaa lɛ̀ɛ́ tɔ ka teteng ɓuru. Laa a lɛ̀ɛ́ tɔ, nɛɛ wu ta yuu zang ɓiɓɛ.”

Luka 7:39

Ɓu doo ɓɔɔ zang Farisi ɓɔɔ ɓaa Yeesɔ nyaa zi naa weɓe, kɔɔ ka yeti ɓiɓɛ tɔɔ, “Naa yɔɔ keɓe nɛɛ zang nyaa shonang Laa, nɛɛ zi jaa soro kɔ lee wu naa ka bii ɓɛɛ tɔ. Nɛɛ ti zi naa nwannang jaa soro keɓe tɔ, ka ruu ɓɔɔ, jaa soro keɓe ɓi zang ɓɔɔ palɛ vuu shi kpang ɓɛɛ.”

Yɔhana 4:18

Ka ruu ɓɔɔ, mɔɔ gee varɛ daa maani ɓɛɛ. Yɔɔ ɓɔɔ mɔɔ nwàng nɛɛ wu kãntang keɓe, wu varɛ ɓaaɓɛ kpang. Ruu ɓɔɔ mɔɔ kɔ̀ɔ m kãntang keɓe, ɓi niizang kɔ nwani.”

Yɔhana 4:29

“Nɔɔ arɛ nɔɔ zi yɔɔ ɓɔɔ kɔɔ m vuu ɓɔɔ n pálɛ́ ka tĩng ɓɛɛ nandon. Naa ɓu bɛ̀ɛ́ Kirisi kɔ ya?”

Yɔhana 6:14

Ɓɔɔ zang ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ, ri kɔɔrɔ nɛɛ, “Niizang, wee zang nyaa shonang Laa ɓɔɔ naa a ka koo ɓɛɛ kɔ.”

Yɔhana 7:40

Zang ɓɔɔ ka teteng zang ɓɔɔ ri kpàlɛ́ zɔɔ, ka ɓɔɔ ri tãa wu, kɔɔ ruu keɓe, ri kɔɔyi nɛɛ, “Yɔɔ keɓe ɓi zang nyaa shonang Laa bìí kɔ niizang.”

Yɔhana 9:17

A zang Farisi ri hɛ̃ɛ yɔɔ tɔkn nɛɛ, “Wee másɛ́ jĩng ɓaaɓɛ tɔ ɓee, mɔɔ kɔɔ ɓu kaa nɛɛ vi, ka yuu ɓiɓɛ viya?” Yɔɔ kɔɔ ri tɔɔ, “Yɔɔ bìí ɓi zang nyaa shonang Laa.”