Yɔhana 21:25 - Nyaa Shɔɔ Ɓɔɔ Laa a Ɓɛɛ

²⁵ Vuu ɓɔɔ Yeesɔ palɛ ɓɛɛ ɓɔɔ kagn dɔɔli. Naa zang nɛɛ bee katɔ gbete gbete ka labeenang, koo keɓe nandon daa naa ɓɔɔ zang tɛ̃ɛ rɛɛ labeenang ɓɔɔ zang beere kagn ɓɛɛ kpang.

Yɔhana 21:25 ပူးပေါင်းရင်းမြစ်များ

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 19:24

N kɔɔ nɔɔ tɔkn, daanang zang ɓɔɔ vuu naa ɓarɛ kagn ka nɔng ɓɔɔ Laa roo kpanti, kpãa nyaa ɓa ɓɔ̀ɔ vuu vaa ɓɔɔ zang ɓaa nɛɛ hòlòng ɓú nɛɛ yeng shɔng fɔ̃ɔrɔ ɓɛɛ katɔ.”

Maraku 5:16

Zang ɓɔɔ ri zi vuu ɓɔɔ Yeesɔ pàlɛ̀ zang ɓɔɔ bɛ̀ɛ́ suru shi kpang ka bii ɓiɓɛ nɛɛ gãnya, ri kɔɔrɔ zang kati.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Yahudi 11:32

A n kɔɔ ɓu vi tɔkn viya? Laa kpang, ɓɔɔ n kɔɔ ruu ka yuu Gidiyɔng, nɛɛ Barak, nɛɛ Samsong, nɛɛ Jafuta, nɛɛ Dawuda, nɛɛ Samayila, a ɓɔɔ rɛɛ zang nyaa shonang Laa ɓɛɛ.