Yɔhana 21:22 - Nyaa Shɔɔ Ɓɔɔ Laa a Ɓɛɛ

²² Yeesɔ kasɛ wu nyaa tɔɔ, “Naa n kasɛ nɛɛ wu vɔ kpang, n gbãayu nɛɛ mani, ruu ɓaa hãa kagn ya? Palɛ ɓaa vuu ɓɔɔ n kasɛ ɓɛɛ.”

Yɔhana 21:22 ပူးပေါင်းရင်းမြစ်များ

Matiyu 16:24

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Matiyu 24:27

ka ruu ɓɔɔ, anang Jaa Shɔnzang nwang ɓi naa shala mii ɓɔɔ mangkɛ nɛɛ paa ɓɔɔ laa nwang nɔng, a zang ɓɔɔ ka dii ɓɔɔ laa hãa nyaa kagn ri ti zi katɔ jong ɓɛɛ.

Matiyu 24:3

Yeesɔ daa nwang tɔ ka yuu Kɔpɔ Zeetung, a zang ɓɔɔ ri mantɛ vuu ka bii ɓiɓɛ, ri daa ka bii ɓiɓɛ ka naa ɓarɛ. A ri kɔɔ wu nɛɛ, “Kɔɔ ruu diki ɓɔɔ zang naa palɛ vuu keɓe ta. Mɔɔ ti kɔɔ ruu vuu ɓɔɔ ruu zi diki ɓɔɔ mɔɔ gbãayu kagn, nɛɛ diki ɓɔɔ koo keɓe naa waa nyaa ɓɛɛ.”

Matiyu 24:44

Ka ruu nɔngkɔ, nɔɔ gãng jĩng kagn, ka ruu ɓɔɔ, Jaa Shɔnzang a ka làa ɓɔɔ nɔɔ shing danggn manɛ kpang ɓɛɛ.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 8:22

A Yeesɔ kasɛ wu nyaa tɔɔ, “Dũng m ta, mɔɔ yaa zang ɓɔɔ ri walɛ Suru Laa gn kpang ka nɔngkɔ, ri gbãa zɔɔ ka naa ɓarɛ.”

Maraku 9:1

A kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ kagn teteng zang kɔ ri shiiri ɓee, ri zǐ Kpanti ɓɔɔ Laa roo ɓɛɛ ka gbongkarɛ tɔ̀ɔ, ri vɔrɛ.”

Yɔhana 21:19

(Yeesɔ kɔɔ vuu keɓe nɛɛ tɔɔ wu tusu naa ɓɔɔ Bituru naa vɔrɛ, tɔ̀ɔ, zang dɔ̀ɔ Laa kaa gn ɓɛɛ.) Yeesɔ hangsɛ ruu keɓe kɔɔnang tɔ, a kɔɔ wu tɔɔ, “Palɛ vuu ɓɔɔ n kasɛ ɓɛɛ.”

Yɔhana 21:21

Ɓɔɔ Bituru zi wu, hɛ̃ɛ Yeesɔ tɔɔ, “A yɔɔ keɓe zang naa palɛ wu ɓi viya?”

1 Koranti 11:26

Ka ruu nɔngkɔ, vuu ɓɔɔ gaayu lɛɛkɔ sasak, diki ɓɔɔ Yeesɔ gbãayu a nɛɛ mani, lee ɓɔɔ nɔɔ shaa borodi naa weɓe, a nɔɔ ɓoo mii inabi naa weɓe. Nɔɔ kɔɔrɔ manɛ zang nɛɛ Kpanti Yeesɔ vɔ ka ruu zang nandon.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

1 Tesalonika 2:19

Ruu kasɛ nɛɛ ruu naa leng nɔɔ, ka ruu ɓɔɔ, nɔkɔ zang ɓɔɔ ruu shing gn ka bii ɓarɛ ɓɛɛ. Ka ruu ɓɔɔ, ka diki ɓɔɔ kpanti ɓuru Yeesɔ Kirisi a tɔkn, nɔkɔ shing ruu, rùu rangkɛ yee bang bang ka yuu ɓuru, ruu ti tãa tĩnang ka tĩng ɓiɓɛ ɓɛɛ.

Yakubu 5:7

Ka ruu nɔngkɔ manzung, n kɔɔ nɔɔ, nɔɔ mã danggn kagn, nɔɔ gã diki ɓɔɔ Kpanti Yeesɔ gbãayu ɓɛɛ. Nɔɔ zi zang ɓɔɔ ri lang jaa ɓɛɛ. Ri gã vuu ɓɔɔ ri ɓaa ka tipi ɓɛɛ, mii tĩng shɔɔnang nɛɛ mii ɓɔɔ gɔɔ nyaa wu arɛ. Mã danggn sasak diki ɓɔɔ wu kpalɛ vuu shaanang ka jaa ɓiɓɛ a nɛɛ mani.

Yakubu 5:8

Nɔɔ mã danggn dɔɔ nɔngkɔ. Nɔɔ shing gn kagn, ka ruu ɓɔɔ, diki ɓɔɔ Kpanti Yeesɔ a kagn a naabm tɔ ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 2:25

Nɔɔ yiti vuu ɓɔɔ ka naa manɛ gbãng gbãng, n gbãayu nɛɛ mani.

Vuu ɓɔɔ zang nwangsɛ Yɔhana 22:20

Yeesɔ ɓɔɔ kasɛ tɔ, nɛɛ vuu keɓe, ri niizang ɓɛɛ, wukɔ kɔɔyi nɛɛ, “Niizang, diki bee kpang, n a kaa tɔ.” Nɔngkɔ. A ta kpanti Yeesɔ.

Vuu ɓɔɔ zang nwangsɛ Yɔhana 22:7

Yeesɔ kɔ̀ɔyi nɛɛ “Nɔɔ zirɛ, diki bee kpang, n a kaa tɔ. Tĩnang naa nwang ɓɔ̀ɔ́ zang piti ɓɔɔ dũng ruu ɓɔɔ zang bee ka labeenang keɓe ɓɛɛ, ka ruu ɓɔɔ, a nɛɛ bii Laa ɓɛɛ.”

Vuu ɓɔɔ zang nwangsɛ Yɔhana 3:11

N gbãayu katɔ pati. Nɔɔ yiti vuu ɓɔɔ ka naa manɛ waasɛ̃, tɔ̀ɔ, zang ɓɔɔ nwãarɛ nɔɔ, wu ta vuu ɓɔɔ Laa kasɛ nɛɛ wu a nɔɔ ɓɛɛ kpang.