Yɔhana 21:18 - Nyaa Shɔɔ Ɓɔɔ Laa a Ɓɛɛ

¹⁸ “N kɔ̀ɔ́ mɔɔ ruu ɓɔɔ niizang kɔ nwani, mɔɔ nɛɛ doo jasang, mɔɔ kpalɛ bii nɛɛ yuu ɓaaɓɛ, mɔɔ daa nɔng ɓɔɔ mɔɔ kasɛ ɓɛɛ. Mɔɔ nɛɛ kpɛ̃ɛ tɔ, mɔɔ dĩi naa, zang ɓɔɔgn gbarɛ mɔɔ bii, wu tuu mɔɔ, wu daa nɛɛ mɔɔ ka nɔng ɓɔɔ mɔɔ kasɛ kpang ɓɛɛ.”

Yɔhana 21:18 ပူးပေါင်းရင်းမြစ်များ

Luka 12:37

Tĩnang tãanang ɓi ɓɔɔ zang shonang ɓɔɔ dabang ɓarɛ arɛ naa ĩi ri ningkãari ɓɛɛ. N kɔ̀ɔ́ nɔɔ ruu ɓɔɔ niizang kɔ nwani, wukɔ naa tu fɔ̃ɔrɔ ɓiɓɛ jong, wu shing ri, ri nwang ka nɔng vuu shaanang, wu a ri vuu shaanang ri shaayi.

Yɔhana 13:36

Siman Bituru hɛ̃ɛ Yeesɔ tɔɔ, “Mɔɔ daa ka niya, Kpanti?” Yeesɔ kasɛ wu nyaa tɔɔ, “Nɔng ɓɔɔ n daa ɓɛɛ, mɔɔ dũng m kãntang keɓe kpang. Mɔɔ naa dũng m kaa nɛɛ knti.”

Yɔhana 21:17

Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Yɔhana 21:19

(Yeesɔ kɔɔ vuu keɓe nɛɛ tɔɔ wu tusu naa ɓɔɔ Bituru naa vɔrɛ, tɔ̀ɔ, zang dɔ̀ɔ Laa kaa gn ɓɛɛ.) Yeesɔ hangsɛ ruu keɓe kɔɔnang tɔ, a kɔɔ wu tɔɔ, “Palɛ vuu ɓɔɔ n kasɛ ɓɛɛ.”

Zang Shonang Yeesɔ 21:11

Ɓɔɔ wu a ka bii ɓuru, tuu guruji ɓɔɔ Bulu mã sãng nɛɛ mani, mã doo nɛɛ naa ɓiɓɛ nɛɛ mani. A kɔɔyi tɔɔ, “Suru Laa kɔɔyi tɔɔ, Zang Yahudi ɓɔɔ ri ka Urushalima, ri daa mã zang guruji keɓe doo naa weɓe kɔ, ri a zang ɓɔɔ ri zang Isirela kpang ɓɛɛ.”

2 Koranti 5:4

Ka wee ruu nwang doo ka bii ɓuru kɔ nwàng naa putali ɓee, ruu zirɛ mɔɔ kɔɔ nɛɛ ruu dang jĩng, a ruu zaa katɔ. Ruu tɔɔ kpang nɛɛ ruu kasɛ bii ɓuru ɓɔɔ ka koo keɓe takpang kpang. Ruu kasɛ nɛɛ zang hãa ruu bii ɓuru ɓɔɔ a nɛɛ lapa ɓɛɛ. Tɔ̀ɔ, suru bii ɓɔɔ waa nyaa kpang wu tá nɔng, wu ningsi vɔrɔ kati.