Yɔhana 21:17 - Nyaa Shɔɔ Ɓɔɔ Laa a Ɓɛɛ

¹⁷ Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Yɔhana 21:17 ပူးပေါင်းရင်းမြစ်များ

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Maraku 14:72

Ɓɔɔ Bituru hangsɛ nyaa kɔɔnang hn, kpaasakn naa paasɛ nyaa daa kaa doo ziti. A Bituru naa kpaa danggn vuu ɓɔɔ Yeesɔ kɔɔ wu kati. Bɛ̀ɛ́ Yeesɔ kɔɔ Bituru tɔɔ, “Ɓɔɔ kn naa ɓaa nyaa daa doo ziti, bɛ̀ɛ́ mɔɔ laa nyaa mɛɛ tɔ daa dakn taati.” A Bituru káa kaa zɛ̃ɛzɛ̃ɛ.

Yɔhana 12:8

Zang ɓɔɔ vuu ka naa ɓarɛ kpang, ri ɓarɛ kagn teteng manɛ diki diki. N naa nwáng m tɔ̀ɔ́ nɛɛ nɔɔ kpang.”

Yɔhana 13:38

Yeesɔ hɛ̃ɛ wu tɔɔ, “Mɔɔ vɔ katɔ ka ruu mɛɛ niizang ya? N kɔ̀ɔ́ mɔɔ ruu ɓɔɔ niizang kɔ nwani, ɓɔɔ kn naa ɓaa nyaa bɛ̀ɛ́ mɔɔ laa nyaa tɔ, daa doo taati, nɛɛ mɔɔ zi m nung ɓaa kpang.”

Yɔhana 14:15

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Yɔhana 15:10

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

Yɔhana 16:30

Ruu zi tɔ kati nɛɛ mɔɔ zi vuu ɓaa tɔ nandon. Mɔɔ ti zi vuu ɓɔɔ zang ri rɛ̃rɛ ka yeti ɓarɛ tɔ. Ka ruu nɔngkɔ, ruu shing danggn tɔ, nɛɛ mɔɔ a ɓaa nɛɛ bii Laa kɔ niizang.”

Yɔhana 18:27

A Bituru laa nyaa tɔkn nɛɛ, “Kpang.” A kn tantɛ nyaa kaa ɓaanang.

Yɔhana 18:4

Yeesɔ ti zi vuu ɓɔɔ zang naa palɛ wu ɓi tɔ, a yupaa naa shii ka tĩng ɓarɛ, a hɛ̃ɛ ri tɔɔ, “Nɔɔ kãa ɓu wiya?”

Yɔhana 21:18

“N kɔ̀ɔ́ mɔɔ ruu ɓɔɔ niizang kɔ nwani, mɔɔ nɛɛ doo jasang, mɔɔ kpalɛ bii nɛɛ yuu ɓaaɓɛ, mɔɔ daa nɔng ɓɔɔ mɔɔ kasɛ ɓɛɛ. Mɔɔ nɛɛ kpɛ̃ɛ tɔ, mɔɔ dĩi naa, zang ɓɔɔgn gbarɛ mɔɔ bii, wu tuu mɔɔ, wu daa nɛɛ mɔɔ ka nɔng ɓɔɔ mɔɔ kasɛ kpang ɓɛɛ.”

Yɔhana 4:16

Yeesɔ kɔɔ wu tɔɔ, “Daayi mɔɔ daa ɓaa ɓaavɛ nyaa, nɔɔ arɛ.”

Zang Shonang Yeesɔ 1:24

A ri gaa Laa tɔɔ, “Kpanti, mɔkɔ zi yeti zang piti, ka ruu nɔngkɔ, tusu ruu zang ɓɔɔ mɔɔ zɔ̃ng ka teteng zang ziti keɓe ta,

Zang Shonang Yeesɔ 11:10

Zang palɛ vuu keɓe nɔngkɔ dakn taati, a zang gɔ̃ vuu bìí zang daa nɛɛ mani ka lapa.

Zang Shonang Yeesɔ 15:8

Laa ɓɔɔ zi rɛ̃rɛnang zang tɔ nandon, tusu nɛɛ ri daa wu yeti tɔ, ka ɓɔɔ a ri Suru ɓiɓɛ naa ɓɔɔ wu a ruu ɓɛɛ.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

1 Bituru 1:6

Ka ruu nɔngkɔ, nɔɔ tãa tĩnang ta ka ruu rɛɛ vuu kɔ Laa palɛ ɓee. Kãntang keɓe, yeti manɛ lasɛ katɔ, ka ruu ɓɔɔ, zang gãsɛ nɔɔ nɛɛ vuu gãsɛnang ka zɔ̃ng zɔ̃ng ɓɛɛ. Nɔɔ ti zi tɔ, diki ɓɔɔ zang gãsɛ nɔɔ kagn keɓe bée kpang.

2 Bituru 3:1

Masang, ɓɔɔ n kasɛ ruu manɛ dɔɔli ɓɛɛ, n bèé nɔɔ labeenang daa kaa nɛɛ weɓe doo ziti. Ka yeti labeenang ziti keɓe, n kpàa nɔɔ danggn rɛɛ vuu ɓɔɔ bɛ̀ɛ́ nɔɔ zi tɔ ɓɛɛ, tɔ̀ɔ, wu shing nɔɔ, nɔɔ rɛ̃rɛ kaa tɔ̃ɔ ka yuu rɛɛ vuu keɓe.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.

Vuu ɓɔɔ zang nwangsɛ Yɔhana 3:19

Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.